ნარეკვავი

ნარეკვავი — მდინარე მცხეთა-მთიანეთის მხარეში. დუშეთისა და მცხეთის მუნიციპალიტეტებში. სათავე აქვს ალევის ქედის სამხრეთ ბოლოზე, ზღვის დონიდან 1360 მ-ზე, ერთვის მდინარე არაგვს მარჯვნიდან. სიგრძე 47 კმ, აუზის ფართობი 277 კმ². საზრდოობს წვიმის, თოვლისა და მიწისქვეშა წყლით. წყალდიდობა იცის გაზაფხულზე, წყალმცირობა — წლის დანარჩენ დროს, წყალმოვარდნა — შემოდგომაზე.

ნარეკვავი
ნარეკვავი სოფ. მჭადიჯვარში
ქვეყანა	საქართველო
ტერიტორიული ერთეულები	მცხეთა-მთიანეთის მხარე
სათავე	ალევის ქედი 42°08′20″ ჩ. გ. 44°33′42″ ა. გ.
სათავის სიმაღლე	1360 მ
შესართავი	არაგვი 41°52′31″ ჩ. გ. 44°43′33″ ა. გ.
სიგრძე	47 კმ
აუზის ფართობი	277 კმ²
წყლის ხარჯი (საშ.)	1,86 მ³/წმ
— სათავე, — შესართავი

საშუალო წლიური ხარჯი 1,86 მ³/წმ. იყენებენ სარწყავად.

ლიტერატურა

• აფხაზავა ი., ქართული საბჭოთა ენციკლოპედია, ტ. 7, თბ., 1984. — გვ. 318-319.