მცვივანი

მცვივანი — საქართველოში ფართოდ გავრცელებული ვაზის სახელია. ასეთი სახელწოდება გამომდინარეობს ჯიშური თავისებურებიდან, რადგანაც ისინი ხასიათდებიან ზედმეტი ყვავილცვენით.

ამ სახელწოდების ვაზის სხვადასხვა ჯიშია ცნობილი: კახეთში, რაჭაში, იმერეთში და გურიაში, მაგრამ ისინი როგოც ამპელოგრაფიული, ასევე სამეურნეო-ტექნოლოგიური მაჩვენებლებით მკვეთრად განსხვავდებიან ერთმანეთისაგან.

• გურია — საფერავი გურიის (სინ.: საფერავი მცვივანი, მცვინარა, მცვივანი გურული);
• იმერეთი — მცვივანი იმერული;
• იმერეთი — მცვივანი წითელი;
• კახეთი — მცვივანი ადრეულა;
• კახეთი — მცვივანი კახური (სინ.: მამალი მცვივანი, დედალი მცვივანი, მცვივანე);
• კახეთი — მცვივანი პატალანთეული (სინ.: ყვითელი მცვივანი, რგვალი ყურძენი);
• რაჭა — მცვივანი რაჭული.

ლიტერატურა

• უჯმაჯურიძე ლ., კაკაბაძე გ., მამასახლიშვილი ლ., „ქართული ვაზის ჯიშები“, თბ., 2018, გვ. 258