მიხეილ ჯალაღანია
მიხეილ ჯალაღანია (დ. 22 ნოემბერი, 1904, გოგოლისუბანი — გ. 1967) — ქართველი მსახიობი, რეჟისორი.
| მიხეილ ჯალაღანია | |
|---|---|
| დაბადების თარიღი |
22 ნოემბერი, 1904 გოგოლისუბანი |
| გარდაცვალების თარიღი | 1967 |
| ეროვნება | ქართველი |
| პროფესია | რეჟისორი, მსახიობი |
| ჯილდოები | 1967 - საქართველოს დამსახურებული არტისტი 1950 - აჭარის ავტონომიური რესპუბლიკის დამსახურებული არტისტი |
1925 წელს დაამთავრა ჩოხატაურის შრომის სკოლა.
1921 წელს განახორციელა სადებიუტო გამოსვლა სცენაზე, როდესაც მოსწავლეობისას ჩოხატაურის კლუბის დრამატულ წრეში მიიღო მონაწილეობა. 1926-1934 წლებში ის ამავე კლუბში გამგედ და რეჟისორად მოღვაწეობდა. 1934-1938 წლებში, ჩოხატაურის თეატრის სამხატვრო ხელმძღვანელის პოზიცია ეკავა, ხოლო 1943-1948 წლებში თეატრის დირექტორისა და სამხატვრო ხელმძღვანელის თანამდებობებს ითავსებდა. 1949 წლიდან კი ბათუმის დრამატულ თეატრში მსახიობად გადავიდა.
მის მიერ განსახიერებულ როლებს შორის გამოირჩევა: სიმონ ლიონიძე (გ. ერისთავის „სამშობლო"), ყვარყვარე (პ. კაკაბაძის „ყვარყვარე თუთაბერი"), გოჩა (ა. ყაზბეგის „ხევისბერი გოჩა"), კოწია (შ. დადიანის „გუშინდელნი"), უკლება (მოსაშვილის „მისი ვარსკვლავი") და სხვა.
რეჟისორის ამპლუაში მან 40-მდე სხვადასხვა ჟანრის სპექტაკლი დადგა, მათ შორისაა: კლდიაშვილის „ირინეს ბედნიერება", ა ცაგარელის „ხანუმა" და „ციმბირელი", რამიშვილის „სტუმარ-მასპინძლობა", „მეზობლები", „საბედისწერო დამბაჩა", დადიანის „როს ნადიმობდნენ", გედევანიშვილის „მსხვერპლი" და „სინათლე", კლდიაშვილის „გმირთა თაობა" და სხვა.
ჯილდოები
რედაქტირება- 1967 - საქართველოს დამსახურებული არტისტი
- 1950 - აჭარის ავტონომიური რესპუბლიკის დამსახურებული არტისტი
ლიტერატურა
რედაქტირება- ხელოვნების კალენდარი: თეატრი, მუსიკა, კინო. თბ., 1994 გვ. 80