მეტეორიტული რკინა
მეტეორიტული რკინა — პლანეტათაშორისი სივრციდან დედამიწაზე ვარდნილი ლითონის სხეული, რკინისა და ნიკელის შემადგენლობით. რომელიც მეტეორული სხეულის ნარჩენია. მათთვის დამახასიათებელია გლუვშვერილებიანი კუთხოვანი ან კონუსური ფორმა, რომელსაც ატმოსფეროში მოძრაობისას იძენს.
რკინის მეტეორიტის გაპრიალებული და აზოტის ან სხვა რომელიმე მჟავათი დამუშავებული ზედაპირი რთულ ნახაზს უჩვენებს, რომელსაც ვიდმანშტეტენის ფიგურები ეწოდება. ამ ფიგურების წარმოშობა იმით აიხსნება, რომ ნიკელიანი რკინა შედგება ორი ფაზა-მინერალისაგან — კამასიტისა და ტენიტისაგან, რომლებზეც მომწამვლელი მჟავა სხვადასხვანაირად მოქმედებს. კამასიტის ზოლები რვაწახნაგა ფიგურას — ოქტაედრს ქმნის. იშვიათია რკინის მეტეორიტი, რომელთა შიდა კრისტალური სტრუქტურა კუბსა ჰგავს. მათ ჰექსაედრებს უწოდებენ. ასევე იშვიათია უნახატო რკინის მეტეორიტები (ატაქსიტები).
იხილეთ აგრეთვე
რედაქტირებალიტერატურა
რედაქტირება- ქართული საბჭოთა ენციკლოპედია, ტ. 6, თბ., 1983. — გვ. 611.
რესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „მეტეორიტული რკინა“ ვიკისაწყობში.- Meteorite articles, including discussions of iron meteorites, in Planetary Science Research Discoveries
- Iron Meteorite images from Meteorites Australia
