ხაჭაპური
ხაჭაპური — ქართული სამზარეულოს კერძი. ქართული ეროვნული ცომეული ნაწარმი, წარმოშობით დასავლეთ საქართველოდან.[1] არსებობს სხვადასხვა სახეობის ხაჭაპური, მათ შორის: იმერული, აჭარული, მეგრული, გურული, სვანური, რაჭული, ხევსურული, თუშური. განსაკუთრებით ცნობილია იმერული ხაჭაპური. ხაჭაპურის ნაირსახეობას წარმოადგენს თუშური „კოტორი“.[2] როგორც წესი, ხაჭაპურის ცომი ხორბლის ფქვილით, საფუარათი, წყლითა და ცოტაოდენი რძითა და მარილით იზილება; ცომს ცოტა ხანს აცლიან ამოსვლას და შემდეგ რეგიონებისდა მიხედვით სხვადასხვა ფორმით ამზადებენ. როგორც წესი, შიგთავსი შეიცავს ყველს (ახალს ან დაძველებულს) ან ხაჭოს, კვერცხს, კარაქსა და სხვა ინგრედიენტებს.[1] ხაჭაპური ეროვნული საკვები კულტურის მონაპოვარია.[2]
 აჭარული ხაჭაპური | |
| ტიპი | გულიანი პური |
|---|---|
| წარმოშობის ადგილი |
 საქართველო |
| ძირითადი შემადგენლობა |
ყველი, კვერცხი, ფქვილი |
| |
2019 წლის 22 იანვარს, საქართველოს კულტურული მემკვიდრეობის დაცვის ეროვნული სააგენტოს გადაწყვეტილებით, „ხაჭაპურის ტრადიციას საქართველოში“ არამატერიალური კულტურული მემკვიდრეობის ძეგლის სტატუსი მიენიჭა.[3] იმავე წელს საქართველოს გასტრონომიის ასოციაციამ პირველად მიიღო მონაწილეობა საერთაშორისო კულინარიულ გამოფენაში „Sirha 2019“,[4] სადაც სხვა ქართულ კერძებთან ერთად ხაჭაპურიც წარადგინეს.[5]
საქართველოს გასტრონომიის ასოციაციის ინიციატივით, 2020 წლის 27 თებერვალი გამოცხადდა „ხაჭაპურის ეროვნულ დღედ“[6], რათა აღინიშნოს საქართველოს ეროვნული ფასეულობის მატარებელი პროდუქტის მნიშვნელობა და ასევე ხელი შეუწყოს მის აღიარებას საერთაშორისო დონეზე.[7]
გალერეა
რედაქტირება
რესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „ხაჭაპური“ ვიკისაწყობში.- ხაჭაპური — ქართული მატერიალური კულტურის ეთნოგრაფიული ლექსიკონი
- ხაჭაპურის ტრადიცია საქართველოში — კულტურული მემკვიდრეობის დაცვის სააგენტო
სქოლიო
რედაქტირება- ↑ 1.0 1.1 ხაჭაპური — გასტრონომია. დაარქივებულია ორიგინალიდან — 2018-08-07. ციტირების თარიღი: 2018-08-01.
- ↑ 2.0 2.1 ხაჭაპური — ქართული მატერიალური კულტურის ეთნოგრაფიული ლექსიკონი
- ↑ არამატერიალური კულტურული მემკვიდრეობის ელემენტისათვის — „ხაჭაპურის ტრადიცია საქართველოში“ არამატერიალური კულტურული მემკვიდრეობის ძეგლის სტატუსის მინიჭების შესახებ. საქართველოს საკანონმდებლო მაცნე. დაარქივებულია ორიგინალიდან — 2019-12-22. ციტირების თარიღი: 22 დლეკემბერი, 2019.
- ↑ საქართველოს 2019 წლის სახელმწიფო ბიუჯეტის 9 თვის შესრულების მიმოხილვა. ციტირების თარიღი: 22 დეკემბერი, 2019.
- ↑ საფრანგეთის რესპუბლიკაში, ქ. ლიონში საქართველო ყველაზე მასშტაბურ გასტრონომიულ გამოფენაში Sirha პირველად მონაწილეობს. საქართველოს გარემოს დაცვისა და სოფლის მეურნეობის სამინისტრო (31 იანვარი, 2019). ციტირების თარიღი: 22 დეკემბერი, 2019.
- ↑ 27 თებერვალი - ხაჭაპურის ეროვნული დღე. დაარქივებულია ორიგინალიდან — 2022-02-28. ციტირების თარიღი: 2022-02-28.
- ↑ ხაჭაპური ეროვნული დღე. დაარქივებულია ორიგინალიდან — 2021-01-15. ციტირების თარიღი: 2021-01-16.