ლოჭინი
მდინარე საქართველოში, ქვემო ქართლის მხარეში და თბილისში
ლოჭინი (საცხენისი, ლოჭინისხევი[1], ომანისხევი[2]) — მდინარე გარდაბნის მუნიციპალიტეტში და თბილისში. იწყება იალნოს ქედის სამხრეთ კალთაზე, ზღვის დონიდან 1085 მ სიმაღლეზე. მიედინება ივრის ზეგანზე. მტკვრის მარცხენა შენაკადი ფონიჭალასთან. სიგრძე 30 კმ, აუზის ფართობი 207 კმ²[2] (317 კმ²[3]). მთავარი შენაკადებია ნორიოსხევი, ალიხევი, საცხენისი, ლილოსხევი.[2] საზრდოობს წვიმის, თოვლისა და მიწისქვეშა წყლით. წყალდიდობა იცის გაზაფხულზე, წყალმცირობა — ზამთარში, წყალმოვარდნები — ზაფხულსა და შემოდგომაზე. იყენებენ სარწყავად. ლოჭინის მარჯვენა მხარეს გაშენებულია თბილისის უბანი ლილო.
| ლოჭინი | |
|---|---|
.JPG) მდ. ლოჭინი (გარდაბნის გზატკეცილთან) | |
| სხვა სახელი | საცხენისი, ლოჭინისხევი, ომანისხევი |
| ქვეყანა |
 საქართველო |
| ტერიტორიული ერთეულები | ქვემო ქართლის მხარე, თბილისი |
| ქალაქები | თბილისი |
| სათავე |
იალნოს ქედი 41°44′48″ ჩ. გ. 45°01′32″ ა. გ. / 41.74667° ჩ. გ. 45.02556° ა. გ. |
| სათავის სიმაღლე | 1085 მ |
| შესართავი |
მტკვარი 41°37′23″ ჩ. გ. 44°56′16″ ა. გ. / 41.62306° ჩ. გ. 44.93778° ა. გ. |
| შესართავის მდებარეობა | თბილისი |
| სიგრძე | 30 კმ |
| აუზის ფართობი | 207 კმ² |
     — სათავე,  — შესართავი | |
ლიტერატურა
რედაქტირება- აფხაზავა ი., ქართული საბჭოთა ენციკლოპედია, ტ. 6, თბ., 1983. — გვ. 300.
- ენციკლოპედია „თბილისი“, თბ., 2002. — გვ. 632, ISBN 99928-20-32-2.