კუს ტბა
კუს ტბა ან ქორქის ტბა — ტბა საქართველოში, ქალაქ თბილისში. მდებარეობს ქალაქის ცენტრიდან სამხრეთ-დასავლეთით, მთაწმინდის ქედის ჩრდილო კალთაზე, ზღვის დონიდან 686,7 მ სიმაღლეზე. ზედაპირის ფართობი 0,034 კმ², აუზის ფართობი 0,4 კმ², უდიდესი სიღრმე 2,6 მ, საშუალო სიღრმე 1,7 მ. ტბის სიგრძე 180 მ-ია, ხოლო სიგანე 50 მ. მოთავსებულია მცირე ტაფობში. წარმოქმნილია ეგზოტექტონიკური — ძირითადად ქანების მეწყრული დაცოცების შედეგად.[1]
| კუს ტბა | |
|---|---|
 კუს ტბა | |
| კოორდინატები: 41°42′01″ ჩ. გ. 44°45′15″ ა. გ. / 41.70028° ჩ. გ. 44.75417° ა. გ. | |
| მდებარეობა |  საქართველო
|
| ტერიტორიული ერთეული | თბილისი |
| სიმაღლე ზღვის დონიდან | 686,7 მ |
| სიგრძე | 0,18 კმ |
| სიგანე | 0,05 კმ |
| ფართობი | 0,034 კმ² |
| საშუალო სიღრმე | 1,7 მ |
| მაქსიმალური სიღრმე | 2,6 მ |
| აუზის ფართობი | 0,4 კმ² |
  | |
 | |
 მედიაფაილები ვიკისაწყობში
| |
ტბაში გადაგდებულია ვარაზისხევის წყალი. გარდა ამისა, კუს ტბა იკვებება წვიმისა და მიწისქვეშა წყლებით. თევზით ღარიბია. ვაკის პარკი უერთდება კუს ტბის მწვანე მასივს და შემდგომში ტბის გამწვანებული ტერიტორია ერთიანდება მთაწმინდის პარკთან ერთად ერთობლივ მწვანე მასივში.[2] დამახასიათებელია ბორცვიანი პლატო რელიეფი.[3]
კუს ტბა და მისი მიდამოები კეთილმოწყობილია. ხშირად იმართება სპორტული ღონისძიებები. ზაფხულის დადგომასთან ერთად ტბაზე საბანაო სეზონი იწყება. პლაჟთან და ღია საზაფხულო კაფე-ბარებთან ერთად კუს ტბის ტერიტორიაზე მოქმედებს სპორტულ-გამაჯანსაღებელი და კულტურულ-დასასვენებელი კომპლექსი, რომელშიც შედის მინი-ფეხბურთის სტადიონი, ბავშვთა გასართობი მოედანი, სანაოსნო და პროფესიული საკონცერტო სცენა პონტონით, სადაც სეზონის განმავლობაში სხვადასხვა ღონისძიება იმართება.[3]
კუს ტბა თბილისელთათვის დასვენებისა და გართობის ერთ-ერთი ყველაზე პოპულარული ადგილია. ნიშანდობლივია რბილი, კონტინენტური, ზომიერად მშრალი ჰავა, ზამთარი რბილია, მცირეთოვლიანი. კუს ტბის ფერდობის ჩრდილოეთ ნაწილში განთავსებულია ეთნოგრაფიული მუზეუმი ღია ცის ქვეშ, რომელიც საქართველოს მინიატიურული მოდელია.[3]
ბაგირგზა, რომელიც კუს ტბის მიდამოებს ქალაქის ცენტრთან აკავშირებდა, XX საუკუნის მეორე ნახევარში აშენდა და 2009 წლამდე ფუნქციონირებდა.[3] 2016 წელს გაიხსნა კუს ტბის განახლებული საბაგირო გზა. კუს ტბის ახალ საბაგირო გზაზე გაეშვა ორი გონდოლა. ილია ჭავჭავაძის გამზირიდან კუს ტბაზე მოხვედრა 6 წუთშია შესაძლებელი. თითო გონდოლა იტევს 10-12 ადამიანს, მათ შორის, ერთი მუდმივი გამცილებელია. გონდოლები და სადგურები ადაპტირებულია შეზღუდული შესაძლებლობის მქონე პირებისთვის.[4]
აღსანიშნავია, რომ 2016 წელს ზიკას ვირუსის გამავრცელებელი კოღოს გასანადგურებლად კუს ტბაში გამბუზიის ჯიშის თევზი გაუშვეს. სამინისტროსა და „საქართველოს მეთევზეთა კლუბს“ შორის გაფორმებული მემორანდუმის ფარგლებში კლუბის წევრებმა გამბუზია დასავლეთ საქართველოდან, კერძოდ კი აბაშიდან გადმოასახლეს და კუს ტბაში ჩაუშვეს.[5]
გალერეა
რედაქტირება.jpg)
.jpg)
სქოლიო
რედაქტირება- ↑ აფხაზავა ი., ქართული საბჭოთა ენციკლოპედია, ტ. 6, თბ., 1983. — გვ. 88.
- ↑ თბილისის საგარეუბნო ტერიტორიების ურბანული ტრანსფორმაცია მათი ფუნქციური მეტამორფოზის საფუძველზე
- ↑ 3.0 3.1 3.2 3.3 კურორტი კუს ტბა. დაარქივებულია ორიგინალიდან — 2017-11-10. ციტირების თარიღი: 2017-06-18.
- ↑ კუს ტბის განახლებული საბაგირო გზა გაიხსნა
- ↑ ზიკას ვირუსის გამავრცელებელი კოღოს გასანადგურებლად კუს ტბაში გამბუზიის ჯიშის თევზი გაუშვეს