კუთხური სიხშირე

კუთხური სიხშირე, ორბიტალური სიხშირე, რადიალური სიხშირე (ω) — სკალარული ფიზიკური სიდიდე, რომელიც ახასიათებს სხეულის ბრუნვას რაიმე ღერძის გარშემო. კუთხური სიხშირე არის ვექტორული სიდიდის, კუთხური სიჩქარის მოდულის ტოლი.

კუთხური სიხშირე არის სიდიდე, რომელიც გვიჩვენებს რამდენას სწრაფად ბრუნავს სხეული რაიმე ღერძის გარშემო.

SI სისტემაში კუთხური სიჩქარის ერთეულია რადიანი წამში.

ვინაიდან ერთი სრული ბრუნი 2π რადიანს შეადგენს, გვაქვს

$\omega ={{2\pi } \over T}={2\pi f}={\frac {|v|}{|r|}}$

სადაც

• ω არის კუთხური სიხშირე;
• T არის პერიოდი (წამებში),
• f არის სიხშირე (ჰერცებში),
• v არის ტანგენციალური სიჩქარე;
• r არის ბრუნვის რადიუსი..

ანუ კუთხური სიხშირე ჩვეულებრივი სიხშირის პროპორციულია. ამის მიუხედავად ხშირად მისი გამოყენება უფრო მოსახერხებელია, რადგან აქრობს განტოლებებში π მამრავლებს. ამ მიზეზით კუთხური სიხშირე გამოიყენება ფიზიკის მრავალ დარგში, მაგალითად ელექტროდინამიკაში, კვანტურ მექანიკაში და პლაზმის ფიზიკაში.

იხილეთ აგრეთვე

• კუთხური სიჩქარე
• ტალღა