კოიოტი

კოიოტი (ლათ. Canis latrans) — მტაცებელი ძუძუმწოვარი ძაღლისებრთა ოჯახისა. მისი სხეულის სიგრძე 90 სმ აღწევს, მასა 13 კგ. აქვთ დაცქვეტილი ყურები, გრძელი, ხშირბალნიანი, ქვემოთ დაშვებული კუდი, მონაცრისფრო ან მურ-წითელი ზურგი, ღია ფერის მუცელი. გავრცელებულია ჩრდილოეთ ამერიკის დასავლეთ ნაწილში — კანადიდან მექსიკამდე. ბინადრობს გაშლილ ადგილებზე. იკვებება კურდღლებით, წვრილი მღრღნელებით, ლეშით, აგრეთვე ფრინველებით, ხვლიკებით, მწერებით, მცენარეთა ნაყოფით. მონოგამია, მაკეობა 60-65 დღე გრძელდება. შობს 5-10 ლეკვს. ცოცხლობს 13 წლამდე.

კოიოტი
კოიოტი
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ძუძუმწოვრები რიგი:  მტაცებლები ოჯახი:  ძაღლისებრნი გვარი:  ძაღლი (გვარი) სახეობა:  კოიოტი
ლათინური სახელი
Canis latrans
დაცვის სტატუსი
ყველაზე ნაკლები საფრთხის ქვეშ IUCN 3.1 Least Concern : 3745
გავრცელება
სისტემატიკა ვიკისახეობებში სურათები ვიკისაწყობში ITIS   180599 NCBI   9614 EOL   328608 FW   44854

ლიტერატურა

• ქართული საბჭოთა ენციკლოპედია, ტ. 5, თბ., 1980. — გვ. 574.