თინათინ გოგოლაშვილი
თინათინ შალვას ასული გოგოლაშვილი (დ. 23 მარტი, 1919, დაბა ხარაგაული, — 26 დეკემბერი, 2011, თბილისი) — ქართველი პიანისტი, საქართველოს სსრ დამსახურებული არტისტი (1961).
| თინათინ გოგოლაშვილი | |
|---|---|
| დაბადების სახელი | თინათინ გოგოლაშვილი |
| დაბადების თარიღი |
23 მარტი, 1919 დაბა ხარაგაული |
| გარდაცვალების თარიღი |
26 დეკემბერი, 2011 (92 წლის) თბილისი |
| ეროვნება | ქართველი |
| საქმიანობა | პიანისტი |
ბიოგრაფია
რედაქტირება1938 წელს დაამთავრა თბილისის ვანო სარაჯიშვილის სახელობის სახელმწიფო კონსერვატორია (ანასტასია ვირსალაძის საფორტეპიანო კლასი). 1935 წლიდან იყო საქართველოს რადიოკომიტეტის, ხოლო 1938 წლიდან — საქართველოს სახელმწიფო ფილარმონიის სოლისტი. 1957 წლიდან იყო თბილისის კონსერვატორიის, 1991 წლიდან კი — ხელოვნების აკადემიის პედაგოგი. გამართული აქვს 100-ზე მეტი კონცერტი; ასევე ეწეოდა საგასტროლო მოღვაწეობას. გარდა მსოფლიო კლასიკოსებისა, გოგოლაშვილი იყო მრავალი ქართველი კომპოზიტორის (ანდრია ბალანჩივაძის, ალექსი მაჭავარიანის, არჩილ კერესელიძის, ალექსანდრე შავერზაშვილის და სხვ.) საფორტეპიანო ნაწარმოებთა პირველი შემსრულებელი.
ლიტერატურა
რედაქტირება- ენციკლოპედია „საქართველო“, ტ. 2, თბ., 2012. — გვ. 67.