ზეკარის უღელტეხილი
უღელტეხილი საქართველოსა და რუსეთის საზღვარზე, შიდა ქართლის მხარეში და ჩრდილოეთ ოსეთში
ზეკარის უღელტეხილი — უღელტეხილი საქართველოსა და რუსეთის (ჩრდილოეთი ოსეთი) საზღვარზე, შიდა ქართლის მხარეში, ჯავის მუნიციპალიტეტში. მდებარეობს მაღრან-დვალეთის კავკასიონზე, მდინარე ზეკრის (დიდი ლიახვის შენაკადი) სათავეში, მწვერვალ ზეკრის აღმოსავლეთით. სიმაღლე ზღვის დონიდან 3184 მ. ზეკრის კალთები აგებულია იურული ქვიშაქვებითა და თიხაფიქლებით. ჩრდილოეთი კალთა დაფარულია მუდმივი თოვლ-ყინულით. აკავშირებს მდინარეების დიდი ლიახვისა და თერგის ხეობებს (ჩრდილოეთი ოსეთი).
| ზეკარის უღელტეხილი | |
|---|---|
| კოორდინატები: 42°33′07″ ჩ. გ. 43°57′28″ ა. გ. / 42.55194° ჩ. გ. 43.95778° ა. გ. | |
| ქვეყანა |  საქართველო რუსეთი
|
| ტერიტორიული ერთეული | შიდა ქართლის მხარე ჩრდილოეთი ოსეთი |
| სიმაღლე | 3184 მ |
| ქედი | მაღრან-დვალეთის კავკასიონი |
| აკავშირებს | დიდი ლიახვისა და თერგის ხეობებს |
| ამგებელი ქანები | იურული ქვიშაქვა და თიხაფიქალი |
  | |
 | |
ლიტერატურა
რედაქტირება- ქართული საბჭოთა ენციკლოპედია, ტ. 4, თბ., 1979. — გვ. 503.