ზედაზენი
ზედაზენი — მთა საქართველოში, მცხეთა-მთიანეთის მხარეში, მცხეთის მუნიციპალიტეტში. მდებარეობს საგურამოს ქედზე. სიმაღლე 1178 მ. აგებულია მეოტურ-პონტური კონტინენტური კონგლომერატებით, ქვიშაქვებისა და თიხების შუაშრეებით. კალთები დამრეცია, მცირედ დანაწევრებული. შემოსილია ტყის ყომრალ ნიადაგებზე გავრცელებული რცხილა-წიფლისა და წიფლის ტყეებით. ხშირი ტყით დაფარულ ზედაზნის მთის კეხზე, საგურამოს სამხრეთით 6 კილომეტრზე მდებარეობს ზედაზნის მონასტერი.[1]
| ზედაზენი | |
|---|---|
 ზედაზენი (წიწამური-საგურამოს გზიდან) | |
| კოორდინატები: 41°52′16″ ჩ. გ. 44°45′56″ ა. გ. / 41.871222° ჩ. გ. 44.765694° ა. გ. | |
| ქვეყანა |  საქართველო
|
| ტერიტორიული ერთეული | მცხეთის მუნიციპალიტეტი |
| სიმაღლე | 1178 მ |
| ქედი | საგურამოს ქედი |
  | |
 | |
ზედაზნის მთა წარმართულ ხანაში წარმოადგენდა იბერიის ერთ-ერთ მთავარს საკულტო ადგილს, სადაც აღმართული იყო ზადენის კერპი და ციხე, რომლებიც ფარნაჯომმა დადგა ძვ. წ. II საუკუნეში. მთის სახელწოდება ზადენის კერპისგან მომდინარეობს, მისი წინა სახელწოდება კი კუხეთის მთა უნდა ყოფილიყო.[2]
იხილეთ აგრეთვე რედაქტირება
ლიტერატურა რედაქტირება
- უთმელიძე მ., ენციკლოპედია „საქართველო“, ტ. 3, თბ., 2014. — გვ. 311.
სქოლიო რედაქტირება
- ↑ ზედაზნის მონასტერი
- ↑ მერკვილაძე, დ. „ზედაზნის მონასტრის დაარსების ისტორიის და მისი სახელწოდების შესახებ“, საქართველოს შუა საუკუნეების ისტორიის საკითხები IX ტ. გვ. 68-76 — თბილისი, „უნივერსალი“, 2008