ვერხოვანი
ვერხოვანი — სოფელი აღმოსავლეთ საქართველოში (კახეთის მხარე), ახმეტის მუნიციპალიტეტში (თუშეთის ადმინისტრაციული ერთეული).
.svg)
მდებარეობს გომეწრის ხეობაში, მდ. თუშეთის ალაზნის მარცხენა მხარეს, ზღვის დონიდან 1190 მ-ზე, ახმეტიდან 30 კმ-ის დაშორებით.
ისტორია
რედაქტირებაწარსულში ვერხოვანი გომეწრის თემის ერთ-ერთი მნიშვნელოვანი სოფელი იყო. 1831 წლის კამერალური აღწერის მიხედვით, აქ 19 კომლი ცხოვრობდა.[2] საბჭოთა კავშირის ეკონომიკურმა და დემოგრაფიულმა პოლიტიკამ 1950-იან წლებში სოფლის მუდმივი მოსახლეობისგან ფაქტობრივი დაცლა განაპირობა. 1960 წელს საქართველოს სსრ უმაღლესი საბჭოს პრეზიდიუმმა სოფელი ვერხოვანი ოფიციალურად გააუქმა.[3] 2010-იანი წლებიდან ახმეტის მუნიციპალიტეტის სოფლების სიაშია, მინიჭებული აქვს მაღალმთიანი დასახლების სტატუსი.[4] 2014 წლის აღწერით სოფელში მუდმივი მოსახლეობა არ არის.
ვერხოვნის განაპირას დგას გვიანდელი შუა საუკუნეების ფიქლით ნაგები ექვსსართულიანი კოშკი, რომელიც გადახურული ყოფილა ფიქლისავე ცალფერდა სახურავით. ძეგლი დაზიანებულია.[5]
სქოლიო
რედაქტირება- ↑ მოსახლეობის 2014 წლის აღწერა (არქივირებული). საქართველოს სტატისტიკის ეროვნული სამსახური (ნოემბერი 2014). ციტირების თარიღი: 30 დეკემბერი 2019.
- ↑ ელანიძე ვ., თუშეთის ისტორიის საკითხები, თბ., 1988. — გვ. 28.
- ↑ Ведомости Верховного Совета Грузинской ССР, 1960, №4 (102). — გვ. 10.
- ↑ მაღალმთიანი დასახლების სტატუსის მქონე დასახლებების ნუსხა. — საქართველოს რეგიონული განვითარების და ინფრასტრუქტურის სამინისტრო.
- ↑ ჯინჭარაძე ზ., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 79-80.