ვარკეთილი (თბილისის მეტრო)
ვარკეთილი — თბილისის მეტროპოლიტენის პირველი ხაზის ერთ-ერთი სადგური, რომელიც სამგორის სადგურის შემდეგ მდებარეობს. გაიხსნა 1985 წლის ნოემბერში. არქიტექტორები ვ. ბახტაძე, ა. სურვილაძე.[1] სამშენებლო სამუშაოები განახორციელა „თბილმეტრომშენმა“.[2]
| „ვარკეთილი“ | |
|---|---|
 პირველი ხაზი | |
| თბილისის მეტროპოლიტენი | |
 სამგზავრო დარბაზი 2022 წლის დეკემბრისთვის | |
| ამოსასვლელი | 41°41′30″N 44°52′12″E / 41.6915594799439° ჩ. გ. 44.86995307975718° ა. გ. |
| რაიონი | სამგორის რაიონი |
| გახსნის თარიღი | 9 ნოემბერი, 1985 |
| ტიპი | მიწისქვეშა, ღრმა ჩაწოლის ერთთაღიანი |
| ბაქნების რაოდენობა | 1 |
| ბაქნის ტიპი | კუნძულოვანი |
| ბაქნის სიგრძე | 102 მ |
| არქიტექტორ(ებ)ი |
ვ. ბახტაძე ა. სურვილაძე |
| მშენებელი კომპანია | „თბილმეტრომშენი“ |
| ქალაქში გასასვლელი | ჯავახეთის ქუჩა |
| სამუშაო გრაფიკი | 06:00—00:00 |
|
| |
| „ვარკეთილი“ ვიკისაწყობში | |
ამ ხაზზე ჯერჯერობით უკანასკნელი სადგურია, მდებარეობს ჯავახეთის და ხომლელის ქუჩების გადაკვეთაზე. მიწისზედა ვესტიბიული არა აქვს, ქუჩებს უკავშირდება მიწისქვეშა გადასასვლელებითა და ესკალატორით. აგებულია ღია წესით. მიწისქვეშა დარბაზი კამარით გადახურული ერთიანი სივრცეა. იატაკზე კურსების გრანიტის ფილებია დაგებული. კედლები მოპირკეთებულია ლითონის ფურცლებით.[1]
2007 წელს სადგურის რეკონსტრუქცია განხორციელდა. განახლდა კომუნიკაციები, ინტერიერის დიზაინი. დამონტაჟდა სარეკლამო ბილბორდები და მონიტორები.
2017 წელს მოხდა ჭერის კლდის იმიტაციის დეკორაციის დემონტაჟი და მის ადგილზე აიკრა მსუბუქი თაბაშირმუყაო. მატარებლების მოძრაობის ვიბრაციამ კი მოახდინა ამ კონსტრუქციის ჩამონგრევა. ინციდენტი უმსხვერპლოდ დასრულდა. ამ ინციდენტიდან 2022 წლის დეკემბრამდე ჭერზე იყო დარჩენილი თაბაშირმუყაოს სამაგრები, ხოლო 2022 წლის დეკემბრიდან მეორედ დაიწყო სადგურის რეკონსტრუქცია. [წყარო არ არის მითითებული 721 დღე]
იხილეთ აგრეთვე
რედაქტირებარესურსები ინტერნეტში
რედაქტირებასქოლიო
რედაქტირება- ↑ 1.0 1.1 მეტროპოლიტენი // ენციკლოპედია „თბილისი“, თბ., 2002. — გვ. 668, ISBN 99928-20-32-2.
- ↑ თბილმეტრომშენი // ენციკლოპედია „თბილისი“, თბ., 2002. — გვ. 533, ISBN 99928-20-32-2.