დავით კვინიხიძე

დავით კვინიხიძე (გ. 1787) — იმერეთის სამეფოს სახელმწიფო მოღვაწე, დიპლომატი, ელჩი რუსეთში.

დავით კვინიხიძე იყო იმერეთის აზნაურთა გვარიდან. მეფე სოლომონ II-ის კარზე ჰქონდა მდივანბეგის თანამდებობა. 1769-1771 და 1774-1775 წლებში ხელმძღვანელობდა რუსეთის იმპერიაში სოლომონ მეფის ელჩობას. 1784-1786 წლებში კათალიკოს მაქსიმე აბაშიძესთან და ზურაბ წერეთელთან ერთად კვლავ დიპლომატიური მისიით იმყოფებოდა რუსეთში, ამჯერად დავით II-ის დავალებით. ელჩობების საბოლოო მიზანი — იმერეთის რუსეთის იმპერიის მფარველობაში მიღება — შეუსრულებელი დარჩა. რუსეთიდან დაბრუნებიდან მალევე, 1787 წელს მოკლეს ლეკმა მოთარეშეებმა.

ლიტერატურა

საქართველოს ისტორიის ნარკვევები, IV, თბილისი, 1979.
ზ. ცქიტიშვილი, საქართველოს სახელმწიფო მოღვაწენი XVIII ს. II ნახევარი–XIX ს. დამდეგი, მეცნიერება, 1980.

რესურსები ინტერნეტში

სურგულაძე მ., დავით კვინიხაძე / ვებ-გვერდი „ქართველი ისტორიული მოღვაწენი (IV–XVIII სს.)“.