გურამ ბელთაძე
გურამ ბელთაძე (დ. 15 იანვარი, 1949, ზედა ვანი) — ქართველი მათემატიკოსი, მეცნიერი, პედაგოგი, ფიზიკა-მათემატიკის მეცნიერებათა კანდიდატი, ფიზიკა-მათემატიკის მეცნიერებათა დოქტორი.
| გურამ ბელთაძე | |
|---|---|
| დაბ. თარიღი | 15 იანვარი, 1949 (75 წლის) |
| დაბ. ადგილი | ზედა ვანი |
| მოქალაქეობა |
 სსრკ საქართველო |
| საქმიანობა | მათემატიკოსი და პედაგოგი |
| ალმა-მატერი | თბილისის სახელმწიფო უნივერსიტეტი |
ბიოგრაფია რედაქტირება
1972 წელს დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი მათემატიკოსის კვალიფიკაციით.
1972-1973 წლებში იყო საქართველოს მეცნიერებათა აკადემიის გამოთვლითი ცენტრის უმცროსი მეცნიერ-თანამშრომელი. 1974-1976 წლებში იყო სსრკ მეცნიერებათა აკადემიის ცენტრალური ეკონომიკა-მათემატიკის ინსტიტუტის ლენინგრადის განყოფილებაში და შემდეგ იმავე აკადემიის სოციალურ-ეკონომიკური პრობლემების ინსტიტუტში ნ. ვორობიოვის თამაშთა თეორიისა და ოპერაციათა კვლევის სამეცნიერო სკოლის ასპირანტი მისივე ხელმძღვანელობით. 1975-1976 წლებში მუშაობდა ლენინგრადის სახელმწიფო უნივერსიტეტში ნ. ვორობიოვის ასისტენტი თამაშთა თეორიაში. 1977-1988 წლებში იყო ქუთაისის პოლიტექნიკური ინსტიტუტის უმაღლესი მათემატიკის კათედრის ასისტენტი, უფროსი მასწავლებელი და დოცენტი. 1989-1992 წლებში იყო რუსეთის მეცნიერებათა აკადემიის სანკტ-პეტერბურგის ეკონომიკა-მათემატიკის ინსტიტუტის უფროსი მეცნიერ-თანამშრომელი. 1993-1998 წლებში ქუთაისის ტექნიკური უნივერსიტეტის უმაღლესი მათემატიკის კათედრის პროფესორია. 1999-2006 წლებში თბილისის სახელმწიფო უნივერსიტეტის პროფესორია. 2007 წლიდან იყო საქართველოს ტექნიკური უნივერსიტეტის ინფორმატიკისა და მართვის სისტემების ფაკულტეტის პროფესორი, 2018 წლიდან იმავე ფაკულტეტის პროფესორ-ემერიტუსია. მისი სამეცნიერო სპეციალობაა დისკრეტული მათემატიკა და მათემატიკური კიბერნეტიკა. მიმართულება — თამაშთა თეორიის და ოპერაციათა კვლევის მათემატიკური თეორია, ხოლო მეცნიერული ინტერესების სფეროა: გადაწყვეტილებათა მიღების მათემატიკური თეორია, შეფასების თეორია, პრიორიტეტების დადგენის და საკონკურსო ამოცანები, სოციალური არჩევანი, სოციალურ-ეკონომიკური, პოლიტიკური და სამართლებრივი პროცესების მათემატიკური მოდელირება, სწავლების ორგანიზაცია. აქვს 120-ზე მეტი სამეცნიერო ნაშრომი, მათ შორის სამეცნიერო სტატიები, სახელმძღვანელოები, მონოგრაფიები.
საკანდიდატო დისერტაციის თემა — „Игры с лексикографическими выигрышами“, დაიცვა ლენინგრადის სახელმწიფო უნივერსიტეტში 1982 წელს. სადოქტორო დისერტაციის თემა — „Стратегические лексикографические игры“, დაიცვა სანკტ-პეტერბურგის სახელმწიფო უნივერსიტეტში 1992 წელს.
ბიბლიოგრაფია რედაქტირება
- ოქროს წესის მათემატიკური საფუძვლები: მონოგრაფია, თბილისი, საჩინო, 2018, გვ. 344 ISBN 9789941278518
- თამაშთა თეორია: ურთიერთობათა და წონასწორობის მათემატიკური თეორია: სახელმძღვანელო, თბილისი, ტექ. უნ-ტის გამ-ბა, 2016, გვ. 505 ISBN 9789941206054
- გადაწყვეტილებათა მიღების თეორი, ნაწ. II: მრავალკრიტერიუმიანი გადაწყვეტილებები, კონფლიქტები და თამაშები, თბილისი, ტექ. უნ-ტის გამ-ბა, 2011, გვ. 379 ISBN 9789941149757
- გადაწყვეტილებათა მიღების თეორიისა და ოპერაციათა კვლევის ამოცანები, თბილისი, ტექ. უნ-ტის გამ-ბა, 2011, გვ. 258 ISBN 9789941149696
- გადაწყვეტილებათა მიღების თეორია, ნაწ. I: პრიორიტეტების და სარგებლიანობების ანალიზი, თბილისი, ტექ. უნ-ტის გამ-ბა, 2009, გვ. 196 ISBN 9789941143366
- გადაწყვეტილებათა მიღების თეორიის საფუძვლები და მათი გამოყენება საზოგადოებრივ მეცნიერებებში, თბილისი, თბილ. უნ-ტის გამ-ბა, 2003, გვ. 480 ISBN 999401322X
ლიტერატურა რედაქტირება
- საქართველოს მათემატიკოსები და მექანიკოსები: ბიოგრაფიული ცნობარი, ნოდარ მახვილაძე, თბ., 2016, გვ. 187-188