გრეგ ოლმენი
გრეგორი ლენუა „გრეგ“ ოლმენი (ინგლ. Gregory LeNoir "Gregg" Allman; დ. 8 დეკემბერი, 1947, ნეშვილი, ტენესი, აშშ — გ. 27 მაისი, 2017) — ამერიკელი მუსიკოსი, მომღერალი და სიმღერების ავტორი, ჯგუფ Allman Brothers Band-ის ერთ-ერთი დამაარსებელი და წევრი.[2] დაიაბადა და ცხოვრების უმეტესი წლები გაატარა ქალაქ ნეშვილში. გრეგი და მისი ძმა დუეინ ოლმენი ჯერ კიდევ ბავშვობაში დაინტერესდნენ მუსიკით და 1960-იანი წლების შუა პერიოდში ჩამოაყალიბეს ჯგუფი Allman Joys. მოგვიანებით, 1967 წელს ჯგუფი გადავიდა ლოს-ანჯელსში, სადაც მათ შეიცვალეს სახელი Hour Glass-ით და გამოუშვეს ორი ალბომი Liberty Record-ისთვის, ხოლო 1969 წელს გრეგმა და დუენმა ჩამოაყალიბეს ჯგუფი Allman Brothers Band.
| გრეგ ოლმენი | |
|---|---|
.jpg) გრეგ ოლმენი 2011 წელს | |
| ბიოგრაფია | |
| ნამდვილი სახელი | გრეგორი ლენუა ოლმენი |
| დაბ. თარიღი | 8 დეკემბერი, 1947 |
| დაბ. ადგილი | ნეშვილი, ტენესი, აშშ |
| გარდ. თარიღი | 27 მაისი, 2017 (69 წლის) |
| გარდ. ადგილი | Richmond Hill, ბრაიანის ოლქი, ჯორჯია[1] |
| დასაფლავებულია | Rose Hill Cemetery |
| ჟანრ(ებ)ი | |
| საქმიანობა |
|
| ინსტრუმენტ(ებ)ი |
|
| აქტიური | 1960-დღემდე |
| ლეიბლ(ებ)ი | |
| საიტი | greggallman.com |
| გრეგ ოლმენი ვიკისაწყობში | |
ჯგუფმა დიდ წარმატებას მიაღწია 1970-იან წლებში საკონცერტო ალბომით At Fillmore East, რამაც მოახდინა კომერციული და შემოქმედებითი გარღვევა. ამ მოვლენებიდან მცირე ხნის შემდეგ 1971 წელს, ჯგუფის წამყავნი წევრი დუეინი ავტოავარიაში გარდაიცვალა. მომდევნო წელს ამავე ვითარებაში გარდაიცვალა ჯგუფის ბასისტი ბერი ოუკლი. 1973 წელს მათ გამოუშვეს ალბომი „Brothers and Sisters“, რაც იქცა ჯგუფის ყველაზე დიდ ჰიტად. მოგვიანებით გრეგმა დაიწყო სოლო კარიერა[2] და გამოუშვა სადებიუტო ალბომი „Laid Back“. 1975 წელს შიდა არეულობის გამო ჯგუფი დაიშალა. ათწლეულის მიწურულს ოლმენი დაქორწინდა პოპ ვარსკვლავ შერიზე და პარალელურად აგრძელებდა მოღვაწეობას Gregg Allman band-თან ერთად. გრეგს ყველაზე დიდი პოპულარობა მოუტანა 1987 წელს გამოსულმა ჰიტმა „I'm No Angel“, რომელმაც Billboard Hot 100-ში 49-ე პოზიცია დაიკავა.[3][4] 1989 წელს The Allman Brothers Band აღდგა მესამედ და უკანასკნელად და აგრძელებდა მუსიკალურ მოღვაწეობას 2014 წლამდე.
კარიერის განმავლობაში ოლმენმა მიიღო უამრავი ჯილდო, მათ შორის რამდენიმე გრემი. იგი შეყვანილია როკ-ენ-როლისა და ჯორჯიის მუსიკის დიდების დარბაზში. ჟურნამლა როლინგ სტოუნმა გრეგ ოლმენს სიაში „ყველა დროის 100 უდიდესი მომღერალი“ 70-ე ადგილი მიუჩინა.[5].
დისკოგრაფია
რედაქტირება
მთავარი სტატია: გრეგ ოლმენის დისკოგრაფია.- სტუდიური
- „Laid Back“ (1973)
- „Playin' Up a Storm“ (1977)
- „I'm No Angel“ (1987)
- „Just Before The Bullets Fly“ (1988)
- „Searching for Simplicity“ (1997)
- „Low Country Blues“ (2011)
- „Southern Blood“ (2017)
- ცოცხალი
- „The Gregg Allman Tour“ (1974)
- „Gregg Allman Live: Back to Macon, GA“ (2015)
ლიტერატურა
რედაქტირება- Paul, Alan (2014). One Way Out: The Inside History of the Allman Brothers Band. St. Martin's Press. ISBN 978-1250040497.
- Allman, Gregg; Light, Alan (2012) My Cross to Bear. William Morrow. ISBN 978-0062112033.
- Poe, Randy (2006). Skydog: The Duane Allman Story. Backbeat Books. ISBN 978-0879309398.
- Allman, Galadrielle (2014). Please Be with Me: A Song for My Father, Duane Allman. New York: Spiegel & Grau. ISBN 978-1-4000-6894-4.
რესურსები ინტერნეტში
რედაქტირება
სქოლიო
რედაქტირება- ↑ Gregg Allman, Southern Rock Pioneer, Dead at 69 / J. Wenner — NYC: Jann Wenner, 1967. — ISSN 0035-791X
- ↑ 2.0 2.1 Gregg Allman - Biography - Singer, Songwriter en. Biography.com. დაარქივებულია ორიგინალიდან — 2017-01-05. ციტირების თარიღი: 2015-02-04.
- ↑ Gregg Allman — Awards en. AllMusic. ციტირების თარიღი: 2015-02-04.
- ↑ Gregg Allman - Biography - Singer, Songwriter en. Biography.com. დაარქივებულია ორიგინალიდან — 2017-01-05. ციტირების თარიღი: 23015-02-04.
- ↑ Gregg Allman - 100 Greatest Singers en. Rolling Stone (2010-12-02). დაარქივებულია ორიგინალიდან — 2017-05-16. ციტირების თარიღი: 2015-02-03.