გოქშო

გოქშო (ლათ. Dipsacus) — მცენარეთა გვარი გოქშოსებრთა ოჯახისა. ორწლოვანი, იშვიათად მრავალწლოვანი მაღალი ბალახებია. აქვთ ქაცვებით დაფარულია ღერო, ერთმანეთის მოპირისპირედ განლაგებული ღეროსეული ფოთლები. თავაკისებრ ყვავილედად შეკრებილი პატარა ყვავილები.

გოქშო
მეცნიერული კლასიფიკაცია
სამეფო:  მცენარეები
ლათინური სახელი
Dipsacus
სისტემატიკა ვიკისახეობებში სურათები ვიკისაწყობში ITIS   35403 NCBI   40573 EOL   59330 IPNI   14309-1

გვარში 15-20 სახეობაა. გავრცელებულია ევროპაში, აზიასა და აფრიკაში. საქართველოში იზრდება 3 სახეობა. საფეიქრო გოქშოს (ლათ. Dipsacus sativus) თავაკისებრ ყვავილედს, რომელიც ცნობილია საფეიქრო გირჩის სახელით, იყენებენ შალის ქსოვილების ასაჩეჩად; კულტივირებულია ძველთაგანვე.

ლიტერატურა

• გურგენიძე მ., ენციკლოპედია „საქართველო“, ტ. 2, თბ., 2012. — გვ. 126.

• ქართული საბჭოთა ენციკლოპედია, ტ. 3, თბ., 1978. — გვ. 238.