გიორგი ცაბაძის ქუჩა — ქუჩა თბილისში დიდუბის რაიონში (დიდუბე). კოსმონავტების სანაპიროდან თევდორე მღვდლის ქუჩამდე. წარმოიქმნა XIX საუკუნეში. თავდაპირველად მიხეილის შესახვევი ერქვა. თბილისის 1876 წლის გეგმაზე დატანილია როგორც მუშთაიდის შესახვევი, 1897 გეგმაზე — როგორც ქუჩა. სახელი უკავშირდება იქვე მდებარე „მუშთაიდის“ ბაღს.

გიორგი ცაბაძის ქუჩა
საერთო ინფორმაცია
ქვეყანა საქართველოს დროშა საქართველო
ქალაქი თბილისის დროშა თბილისი
რაიონი დიდუბის რაიონი
წინა სახელები მიხეილის შესახვევი, მუშთაიდის შესახვევი
უბანი დიდუბე

1904 წლიდან ქუჩის მნიშვნელობა გაიზარდა, რაც განაპირობა ტრამვაის პარკისა და სახელოსნოების დაარსებამ. ქუჩას 1934 წელს ერნსტ ტელმანის სახელი ეწოდა (იწყებოდა დავით აღმაშენებლის გამზირიდან, ხოლო მონაკვეთი დავით აღმაშენებლის გამზირიდან კოსმონავტების სანაპირომდე თბილისის 1934 წლის გეგმაზე დატანილია როგორც ერნსტ ტელმანის ჩიხი). ქუჩას 1990 წელს გიორგი ცაბაძის სახელი ეწოდა. ქუჩაზეა აბრეშუმის მუზეუმის შენობა (1889, არქიტექტორი ა. შიმკევიჩი), ეროვნული სტადიონი [XX საუკუნის 30-იანი წლექბი; არქიტექტორი არჩილ ქურდიანი, არქიტექტორ ნ. გრინევსკის მონაწილეობით.

რეკონსტრუქცია ჩაუტარდა 1976 (არქიტექტორები: არჩილ და გიორგი ქურდიანები. კონსტრუქტორი შ. გაზაშვილი) და 2006 (გიორგი და არჩილ ქურდიანები), მეტრამვაეთა საცხოვრებელი სახლები (1926-1928, არქიტექტორი დ. ჩისლიევი). 70-იან წლებში მდინარე მტკვრის გაყოლებით აშენდა 16-სართულიანი საცხოვრებელი სახლები (არქიტექტორები მ. გუგუნავა, შოთა ყავლაშვილი). ქუჩაზეა შპს „კიდობანი“ და შპს „პასაჟი-2000“.

ლიტერატურარედაქტირება