გიორგი ტყემალაძე
გიორგი ტყემალაძე (დ. 28 აგვისტო, 1975) — ქართველი ინჟინერ-ტექნოლოგი, პოლიტიკოსი, ქ. თბილისის საკრებულოს თავმჯდომარე 2017 წლიდან დღემდე.
| გიორგი ტყემალაძე | |
  | |
|---|---|
| ამჟამინდელი თანამდებობა | |
| დაიკავა | 2021-დან |
| პრეზიდენტი | სალომე ზურაბიშვილი |
| პრემიერ-მინისტრი | ირაკლი ღარიბაშვილი |
| წინამორბედი | გიორგი ტყემალაძე |
| თანამდებობაზე ყოფნის დრო | |
| 2017 – 2021 | |
| პრეზიდენტი | გიორგი მარგველაშვილი, სალომე ზურაბიშვილი |
| პრემიერ-მინისტრი | გიორგი კვირიკაშვილი, მამუკა ბახტაძე, ირაკლი ღარიბაშვილი |
| დაბადებული | 28 აგვისტო, 1975 თბილისი |
| მოქალაქეობა |  საქართველო |
| ეროვნება | ქართველი |
| პროფესია | ინჟინერ-ტექნოლოგი |
| საქმიანობა | პოლიტიკოსი |
ბიოგრაფია
რედაქტირებაგიორგი ტყემალაძე დაიბადა 1975 წლის 28 აგვისტოს. სწავლობდა საქართველოს აგრარული უნივერსიტეტში, აგრარულ მეცნიერებათა აკადემიაში, რომელიც დაამთავრა ინჟინერ-ტექნოლოგის სპეციალობით. 1998-2000 წლებში იყო საქართველო-ამერიკის ერთობლივი საწარმო „ჩალას-ვაინსის" მენეჯერი. 2000-2002 წლებში მუშაობდა საქართველოს სახელმწიფო კანცელარიაში, სახელმწიფო მინისტრის თანაშემწის პოზიციაზე. 2002-2003 წლებში საქართველოს ეროვნული საინვესტიციო სააგენტოს პირველი მოადგილეა, 2003-2004 წლებში საქართველოს ეროვნული საინვესტიციო სააგენტოს დირექტორი, 2004-2006 წლებში საქართველოს ბიზნესმენთა ფედერაციის ბიზნეს კომპანიებთან ურთიერთობის მენეჯერი. 2006-2008 წლებში მუშობდა შ.პ.ს. "ვეტპრეპარატის" დირექტორად.
გიორგი ტყემალაძე 2007 წლიდან პოლიტურ საქმიანობაში ჩაება და 2007-2008 წლებში „თოფაძე - მრეწველების" პროპორციული საარჩევნო სიით ქ. თბილისის მუნიციპალიტეტის მესამე მოწვევის საკრებულოს წევრი გახდა. 2008-2010 წლებში იყო ქ.თბილისის მუნიციპალიტეტის მესამე მოწვევის საკრებულოს წევრი და საზღვარგარეთის ქვეყნების თვითმმართველობის ორგანოებთან თანამშრომლობის დროებითი კომისიის თავმჯდომარე. 2010 წლიდან დღემდე - ევროსაბჭოს ადგილობრივი და რეგიონული თვითმმართველობის კონგრესის წევრი. 2010 წლიდან დღემდე საქართველოს ადგილობრივი თვითმმართველობის ეროვნული ასოციაციის ვიცე პრეზიდენტი. 2010-2012 წლებში ქ. თბილისის მუნიციპალიტეტის მეოთხე მოწვევის საკრებულოს წევრი, ურბანული დაგეგმარების და ძველი თბილისის რეაბილიტაციის კომისიის თავმჯდომარე.
2012-2014 წლებში ქ. თბილისის მუნიციპალიტეტის მეოთხე მოწვევის საკრებულოს წევრი - თავმჯდომარის მოადგილე, 2012 ელიდან დღემდე - საქართველოს ჩოგბურთის ფედერაციის ვიცე-პრეზიდენტი, 2014-2017 წლებში ქ. თბილისის მუნიციპალიტეტის V მოწვევის საკრებულოს წევრი- თავმჯდომარის პირველი მოადგილე, 2017 წლიდან დღემდე ქ. თბილისის მუნიციპალიტეტის VI მოწვევის საკრებულოს თავმჯდომარე.[1]
რესურსები ინტერნეტში
რედაქტირებასქოლიო
რედაქტირება- ↑ გიორგი ტყემალაძე - საკრებულოს თავმჯდომარე. tbsakrebulo.gov.ge. ციტირების თარიღი: 22 იანვარი, 2019.