გიორგი სხირტლაძე

გიორგი სერგოს ძე სხირტლაძე (დ. 9 ნოემბერი (ან სექტემბერი), 1932, მთისკალთა, ახლანდელი ონის მუნიციპალიტეტი — გ. 25 მარტი, 2008, თბილისი) — ქართველი სპორტსმენი (თავისუფალი ჭიდაობა). საბჭოთა კავშირის სპორტის დამსახურებული ოსტატი (1960).

ბიოგრაფია

1960 წელს დაამთავრა საქართველოს ფიზკულტურის ინსტიტუტი და 1966 წელს თბილისის სახელმწიფო უნივერსიტეტის ეკონომიური ფაკულტეტი. ოლიმპიადის ვიცე-ჩემპიონი (1960, რომი), ოლიმპიური თამაშების ბრინჯაოს პრიზიორი (1956, მელბურნი), მსოფლიოს ჩემპიონი (1959, თეირანი), მსოფლიოს ვიცე-ჩემპიონი (1957, სტამბოლი), მსოფლიო თასის გათამაშების ვიცე-ჩემპიონი (1958), სსრკ ხალხთა I სპარტაკიადის ჩემპიონი (1956), სსრკ ხალხთა II სპარტაკიადის ვიცე-ჩემპიონი (1959), სსრკ სამგზის ჩემპიონი (1954, 1957, 1960), სსრკ ვიცე-ჩემპიონი (1953). შვედეთის, უნგრეთის, აშშ-ის საერთაშორისო ტურნირებში გამარჯვებული. საპატიო ნიშნის ორდენის კავალერი. სკკპ წევრი 1961 წლიდან.

1956 წლის 1 სექტემბერს სპორტის განვითარების საქმეში აქტიური მონაწილეობისა და სსრ კავშირის 1956 წლის ხალხთა სპარტაკიადაზე მაღალი სპორტული მიღწევებისათვის დაჯილდოვდა საქართველოს სსრ უმაღლესი საბჭოს პრეზიდიუმის საპატიო სიგელით.

ძირითადი შედეგები

წელი	ტურნირი	მასპინძელი	წონითი კატეგორია	ადგილი
1956	ზაფხულის XVI ოლიმპიური თამაშები	მელბურნი, ავსტრალია	-79 კგ	03 
1957	მსოფლიო ჩემპიონატი	სტამბოლი, თურქეთი	-79 კგ	02 
1959	მსოფლიო ჩემპიონატი	თეირანი, ირანი	-79 კგ	01 
1960	ზაფხულის XVII ოლიმპიური თამაშები	რომი, იტალია	-79 კგ	02 

ლიტერატურა

• ქართული საბჭოთა ენციკლოპედია, ტ. 9, თბ., 1985. — გვ. 631.
• ელგუჯა ბერიშვილი, ქართული სპორტის ოქროს წიგნი, გვ. 103, თბ., 2013.

რესურსები ინტერნეტში

• გიორგი სხირტლაძე — საქართველოს ბიოგრაფიული ლექსიკონი
• გიორგი სხირტლაძე — ბიოგრაფიული ლექსიკონი
• გიორგი სხირტლაძე — ქართული სპორტი