გვიშტიბი

გვიშტიბი — სოფელი საქართველოში, იმერეთის მხარის წყალტუბოს მუნიციპალიტეტში, გვიშტიბის ტერიტორიული ერთეულის ცენტრი (სოფლები: გუბისწყალი, თერნალი, პირველი წყალტუბო).

სოფელი
გვიშტიბი
ქვეყანა	საქართველო
მხარე	იმერეთის მხარეიმერეთის მხარე
მუნიციპალიტეტი	წყალტუბოს მუნიციპალიტეტი
თემი	გვიშტიბი
კოორდინატები	42°18′41″ ჩ. გ. 42°34′15″ ა. გ.
ცენტრის სიმაღლე	100 მ
ოფიციალური ენა	ქართული ენა
მოსახლეობა	1249 კაცი (2014)
ეროვნული შემადგენლობა	ქართველები 99,8 %
სასაათო სარტყელი	UTC+4
სატელეფონო კოდი	+995

მდებარეობს იმერეთის დაბლობზე, ზღვის დონიდან 100 მ-ზე, წყალტუბოდან დაშორებულია 4 კმ-ით. სოფელში მოიპოვება თიხა.

ისტორია

სოფლის თავდაპირველი სახელი გუშტიბი უნდა ყოფილიყო. 1647 წელს იმერეთის მეფე ალექსანდრე III-მ გვიშტიბი იქ მოსახლე ყმა გლეხებით აზნაურ ეზია იოსელიანს უბოძა.

სოფლის ცენტრში, სასაფლაოს ტერიტორიაზე დგას წმ. გიორგის XIX საუკუნის დარბაზული ეკლესია.

სოფელში დაიბადა და გარდაიცვალა ქართველი მწერალი ოტია იოსელიანი.

დემოგრაფია

2014 წლის აღწერის მონაცემებით სოფელში ცხოვრობს 1249 ადამიანი.

აღწერის წელი	მოსახლეობა	კაცი	ქალი
2002	1520	745	775
2014	1249	614	635

ლიტერატურა

• ბერაძე თ., ენციკლოპედია „საქართველო“, ტ. 1, თბ., 1997. — გვ. 612.