გველისმთა (თუშეთ-ხევსურეთის კავკასიონი)

გველისმთა — მთა საქართველო რუსეთის (ინგუშეთი) საზღვარზე, მცხეთა-მთიანეთის მხარეში, დუშეთის მუნიციპალიტეტში. მდებარეობს თუშეთ-ხევსურეთის კავკასიონის ჩრდილოეთ განშტოების — კიდეგანის ქედის სამხრეთ ნაწილში, მდინარე ჭიმღისწყლის (ასის მარცხენა შენაკადი), შანდონისა (არმხის შენაკადი) და ნაროვანისწყლის (ჯუთისწყლის მარჯვენა შენაკადი) სათავეებში. სიმაღლე ზღვის დონიდან — 3970 მეტრი. აგებულია იურული ასპიდური ფიქლებით. კალთები ციცაბოა, მეტწილად ფლატოვანი, ჩრდილოეთ და აღმოსავლეთ კალთებზე ცირკული მყინვარებია. განვითარებულია სუბნივალური ლანდშაფტი.

გველისმთა
კოორდინატები: 42°36′57″ ჩ. გ. 44°49′39″ ა. გ.
ქვეყანა	საქართველო  რუსეთი
ტერიტორიული ერთეული	მცხეთა-მთიანეთის მხარე ინგუშეთი
სიმაღლე	3970 მ
ქედი	კიდეგანის ქედი
ამგებელი ქანები	ფიქალი

ლიტერატურა

• ქართული საბჭოთა ენციკლოპედია, ტ. 3, თბ., 1978. — გვ. 139.

• უთმელიძე მ., ენციკლოპედია „საქართველო“, ტ. 1, თბ., 1997. — გვ. 608.