ბუბა
მთა საქართველოსა და რუსეთის საზღვარზე, რაჭა-ლეჩხუმისა და ქვემო სვანეთის მხარეში და ჩრდილოეთ ოს
ბუბა — მწვერვალი საქართველოსა და რუსეთის (ჩრდილოეთი ოსეთი) საზღვარზე, რაჭა-ლეჩხუმისა და ქვემო სვანეთის მხარეში, ონის მუნიციპალიტეტში. მდებარეობს რაჭის კავკასიონის მთავარ წყალგამყოფ ქედზე, მამისონის უღელტეხილის ჩრდილო-დასავლეთით. სიმაღლე ზღვის დონიდან 4419 მ. აგებულია პალეოზოური კრისტალური ქანებით, უმთავრესად გრანიტოიდებით. აქვს კლდოვანი და მყინვარული რელიეფი. ბუბის სამხრეთ კალთაზეა მყინვარები: ბუბა, თბილისა და სხვა, საიდანაც სათავეს იღებს მდინარე ჭანჭახის მარჯვენა შენაკადის — ბუბისწყლის მრავალი შენაკადი. ბუბის ქვემო კალთები შემოსილია ალპური მდელოებით. ბუბის მთის კალთებზე შემორჩენილია შუა საუკუნეების ნასოფლარ ბუბის ნაშთები.
| ბუბა | |
|---|---|
| კოორდინატები: 42°45′31″ ჩ. გ. 43°46′37″ ა. გ. / 42.75861° ჩ. გ. 43.77694° ა. გ. | |
| ქვეყანა |  საქართველო რუსეთი
|
| ტერიტორიული ერთეული | რაჭა-ლეჩხუმისა და ქვემო სვანეთის მხარე ჩრდილოეთი ოსეთი |
| სიმაღლე | 4419 მ |
| ქედი | რაჭის კავკასიონი |
  | |
 | |
ლიტერატურა
რედაქტირება- ტერელაძე ა., ენციკლოპედია „საქართველო“, ტ. 1, თბ., 1997. — გვ. 488.