ბროლისქედი (ქედი)
ქედი საქართველოში, იმერეთის მხარეში
ბროლისქედი — ქედი (სერი) საქართველოში, იმერეთის მხარის თერჯოლის მუნიციპალიტეტში. მდებარეობს კოლხეთის ბარში, ქუთაისის სამხრეთ-აღმოსავლეთით, მდინარე ყვირილის მარჯვენა მხარეს. ბროლისქედის სამხრეთი მონაკვეთი მთავარი ნაწილისაგან გამოყოფილია მდ. ჭიშურით (ყვირილის მარჯვენა შენაკადი). უმაღლესი წერტილის სიმაღლეა ზღვის დონიდან 385 მ. ბროლისქედი აგებულია ზედაცარცული და ეოცენური კირქვებით, მერგელოვანი კირქვებითა და ქვიშაქვებით, აგრეთვე ოლიგოცენური მანგანუმიანი ქვიშაქვებით. არის ქალცედონის საბადო. აქვს სტრუქტურულ-ეროზიული რელიეფი. შემოსილია უმთავრესად ბუჩქნარითა და მეორეული ტყით.
| ბროლისქედი | |
|---|---|
| კოორდინატები: 42°14′09″ ჩ. გ. 42°48′55″ ა. გ. / 42.23583° ჩ. გ. 42.81528° ა. გ. | |
| ქვეყანა |  საქართველო
|
| ტერიტორიული ერთეული | თერჯოლის მუნიციპალიტეტი |
| სიმაღლე | 385 მ |
| ამგებელი ქანები | კირქვა, მერგელოვანი კირქვა, ქვიშაქვა და მანგანუმიანი ქვიშაქვა |
  | |
 | |
ლიტერატურა
რედაქტირება- დევდარიანი გ., ენციკლოპედია „საქართველო“, ტ. 1, თბ., 1997. — გვ. 484.