ბენზოის მჟავა

ბენზოის მჟავა — ორგანული ნაერთი, უმარტივესი არომატული მჟავა, უფერო მბზინავი კრისტალები ქიმიური ფორმულით C₆H₅COOH. ნივთიერების დნობის ტემპერატურაა 122.41°C. წყალში ცუდად იხსნება, ორგანულ გამხსნელებში — კარგად. ადვილად აქროლადია, გამოიხდება წყლის ორთქლთან ერთად.

ბენზოის მჟავა
ზოგადი
სისტემური სახელწოდება	ბენზოის მჟავა
ქიმიური ფორმულა	C6H5COOH
მოლური მასა	122.12 გ/მოლი
ფიზიკური თვისებები
სიმკვრივე	1.2659 გ/სმ³
თერმული თვისებები
დნობის ტემპერატურა	122.41 °C
დუღილის ტემპერატურა	249.2 °C
კლასიფიკაცია
CAS	65-85-0
PubChem	243

მიღება და გამოყენება

ბენზოის მჟავას ღებულობენ აზოტ- და ქრომმჟავით ტოლუოლის დაჟანგვისას, აგრეთვე ფთალმჟავას დეკარბოქსილირებით. ბენზოის მჟავას ფართოდ იყენებენ მედიცინაში, კვების მრეწველობაში, პარფიუმერიაში, მის სხვადასხვა წარმოებულს კი საღებრების სინთეზისათვის.

ლიტერატურა

• ქართული საბჭოთა ენციკლოპედია, ტ. 2, თბ., 1977. — გვ. 306.

რესურსები ინტერნეტში

• ქიმიური უსაფრთხოების საერთაშორისო ბარათი 0103
• SIDS-ის თავდაპირველი შეფასების ანგარიში ნივთიერებისთვის ბენზოის მჟავა ეკონომიკური თანამშრომლობისა და განვითარების ორგანიზაციისგან (OECD)