ანთროპოლოგიის ეროვნული მუზეუმი

ანთროპოლოგიის ეროვნული მუზეუმი (ესპ. Museo Nacional de Antropología) — მექსიკის უმნიშვნელოვანესი სახელმწიფო მუზეუმი. მდებარეობს მეხიკოში, ჩაპულტეპეკის პარკში. მეზეუმი შეიცავს კოლუმბამდელი პერიოდის არქეოლოგიისა და ანთროპოლოგიის უნიკალურ კოლექციას, რომლებიც ნაპოვნია მექსიკის ტერიტორიაზე.

ანთროპოლოგიის ეროვნული მუზეუმი
ესპ. Museo Nacional de Antropología
მუზეუმის ერთ-ერთი სიმბოლო, ტლალოკის ქანდაკება, სიმაღლე 7 მ, წონა 167 ტონა, ნაპოვნია 1940-იან წლებში მეხიკოს შტატში.
19°25′33″ ჩ. გ. 99°11′09″ დ. გ.
დაარსდა	1825
ქვეყანა	მექსიკა
მდებარეობა	მიგელ-იდალგო
ვიზიტორები	ყოველწლიურად 2 მილიონზე მეტი
დირექტორი	ფილიპე სოლისი
ოფიციალური საიტი	https://www.mna.inah.gob.mx

ზოგჯერ შეცდომით მიიჩნევენ, რომ მისი სრული დასახელებაა ანთროპოლოგიისა და ისტორიის ეროვნული მუზეუმი. ეს გამოიწვია იმან, რომ მასთან ახლოს მდებარეობს ისტორიის ეროვნული მუზეუმი, თუმცა ის ცალკე დაწესებულებაა და შეისწავლის პერიოდს კონკისტადან დღევანდელ დღემდე. ასევე ეს გამოწვეულია იმითაც, რომ ადმინისტრაციული ორგანი, რომელიც ორივე მუზეუმს მართავს, ატარებს სახელს „ანთროპოლოგიისა და ისტორიის ეროვნული ინსტიტუტი“ (ესპ. Instituto Nacional de Antropología e Historia). თუმცა მუზეუმის ოფიციალური სახელია: ანთროპოლოგიის ეროვნული მუზეუმი.

მიზნები

ანთროპოლოგიის ეროვნული მუზეუმის მიზნები:

• კოლუმბამდელი პერიოდის კულტურისა და მექსიკის ხალხების თანამედროვე კულტურის პოპულარიზაცია.
• გამოფენების, კონფერენციებისა და ექსკურსიების ორგანიზებით მექსიკის ანთროპოლოგიის შესახებ ცნობების გავრცელება;
• მნიშვნელოვანი არქეოლოგიური და ეთნოგრაფიული ძეგლების შენახვა, აღწერა და რესტავრაცია;
• მექსიკის კულტურული ღირსების გაზრდა სხვადასხვა გამოკვლევების, პუბლიკაციებისა და მათი შედეგების პოპულარიზაციის გზით.

დარბაზები

მუზეუმის ექსპოზიცია შედგება ორი მსხვილი სექციისგან. არქეოლოგიური სექცია იკავებს პირველ სართულს, მეორე სართულზე კი მდებარეობს ეთნოგრაფიული სექცია.

მებრძოლი-იაგუარი, კედლის ფერწერის ფრაგმენტი, ოლმეკების კულტურა

ანთროპოლოგიაზე მიძღვნილი დარბაზები განლაგებულია ცენტრალური ეზოს გარშემო. მარჯვნიდან მარცხნივ ისინი მიდიან აცტეკების დარბაზამდე ქრონოლოგიური წესრიგში, ოახაკას დარბაზიდან კი, წესრიგი შეესაბამება გეოგრაფიულ მდებარეობას.

დარბაზების თემატიკა :

• შესავალი ანთროპოლოგიაში
• ამერიკაში დასახლება
• პრეკლასიკური პერიოდი მექსიკის მთიან რაიონებში
• ტეოტიუაკანი
• ტოლტეკები
• აცტეკები
• ოახაკა
• მექსიკის ყურის სანაპირო
• მაია
• ჩრდულოეთის ხალხების კულტურა
• დასავლეთის ხალხების კულტურა

ექსპონატები

მუზეუმის კრებულში შედის მსოფლიოში ცნობილი მრავალი ექსპონათ, მაგალითად მზის ქვა, რომელსაც აცტეკების კალენდარს უწოდებენ, ტაბასკოსა და ვერაკრუსის ჯუნგლებში ნაპოვნი ოლმეკების გიგანტური ქვის თავები, მაიას ცივილიზაციის განძი ჩიჩენ-იცასა და პალენკედან.

გარდა ამისა, მუზეუმში ტარდება გამოფენები, რომლებიც ძირითადად მიძღვნილია მსოფლიოს სხვა დიდ კულტურებზე. ამ გამოფენების თემას წარმოადგენდნენ: სპარსეთი, საბერნეთი, ჩინეთი, ეგვიპტე, ესპანეთი. მუზეუმის ექსპონატები

გალერეა

სურათები განლაგებულია ექსპოზიციების შესაბამისად. ფრჩხილებში მითითებულია დარბაზების დასახელება.

• 
  ტლალოკის ქანდაკება, მუზეუმის შესასვლელში
• 
  შადრევანი მუზეუმის შესასვლელში
• 
  მუზეუმის ფასადი — მექსიკის გერბი
• 
  მუზეუმში შესასვლელი
• 
  მხატვრობა ატატელკოს ტაძრიდან (ტეოტიაუკანური კულტურის დარბაზი)
• 
  მმართველ ტისოკის მსხვერპლთშეწირვების ქვა (აცტეკების დარბაზი)
• 
  ტემპლო მაიორის მოდელი (აცტეკების დარბაზი)
• 
  აცტეკების ქალღმერთ კოატლიკუეს ქანდაკება (აცტეკების დარბაზი)
• 
  მზის ქვა, ცნობილია, როგორც აცტეკების კალენდარი (აცტეკების დარბაზი)
• 
  ტენოჩტიტლანის მასშტაბური მოდელი (აცტეკების დარბაზი)
• 
  ოცელოტლი-კუაუჰიკალი (აცტეკების დარბაზი)
• 
  მაიას დარბაზი
• 
  პალენკეს ექსპოზიცია (აცტეკების დარბაზი)
• 
  ფერწერა ქვაზე იაჰჩილანიდან (მაიას დარბაზი)
• 
  გიგანტური ოლმეკური თავი (მექსიკის ყურის კულტურა)
• 
  ოლმეკი მებრძოლი (მექსიკის ყურის კულტურა)
• 
  მიჰტეკური ჭურჭელი (ოახაკას კულტურა)
• 
  № 104 ნამარხის რეპროდუცია, მონტე-ალბანი (ოახაკას კულტურა)
• 
  ყოველდღიური ცხოვრების სცენის რეკონსტრუქცია (ეთნოგრაფიული დარბაზი)
• 
  ქალი მზარეული (ეთნოგრაფიული დარბაზი)
• 
  დღესასწაული ხალხურ კოსტიუმებში (ეთნოგრაფიული დარბაზი)
• 
  ტრადიციული ნიღაბი (ეთნოგრაფიული დარბაზი)
• 
  სიცოცხლის ხე (ეთნოგრაფიული დარბაზი)

რესურსები ინტერნეტში

• ანთროპოლოგიის ეროვნული მუზეუმის საიტი (ესპ.)
• ანთროპოლოგიისა და ისტორიის ეროვნული ინსტიტუტი INAH (ესპ.)
• ანთროპოლოგიის ეროვნული მუზეუმი Encyclopædia Britannica-ში
• მუზეუმის ექსპონატების სურათების კოლექცია დაარქივებული 2012-11-22 საიტზე Wayback Machine. (ინგლ.)
• მეხიკოს მუზეუმების სია (ესპ.)