ანდორი (ინგლ. Andor, ასევე ცნობილი, როგორც Star Wars: Andor) — ამერიკული სამეცნიერო ფანტასტიკის ჟანრის მძაფრსიუჟეტიანი სათავგადასავლო ლიმიტირებული სატელევიზიო სერიალი. შექმნა ტონი გილროიმ სტრიმინგ სერვისისათვის Disney+. „ვარსკვლავური ომების“ სამყაროს რიგით მეოთხე მხატვრული (live-action) სერიალია და წარმოადგენს 2016 წლის ფილმ „განდგომილი ერთის“ და 1977 წლის ფილმ „ვარსკვლავური ომების“ წინარე ისტორიას (პრიქველს). სერიალი მოგვითხრობს ამბოხებულთა ჯაშუშად ქცეული ყოფილი ქურდის, კასიან ანდორის ცხოვრების შესახებ აღნიშნულ ფილმებში გადმოცემულ მოვლენებამდე ხუთი წლით ადრე.

ანდორი
ჟანრი
  • მძაფრსიუჟეტიანი
  • სათავგადასავლო
  • დრამა
  • პოლიტიკური ჯაშუშური თრილერი
  • სამეცნიერო ფანტასტიკა
ავტორი ტონი გილროი
ეფუძნება ჯორჯ ლუკასის „ვარსკვლავური ომები“
მონაწილეობენ
კომპოზიტორ(ებ)ი ნიკოლას ბრიტელი
ქვეყანა აშშ-ის დროშა აშშ
ენა ინგლისური
სეზონი 1
წარმოება
აღმასრულებელი პროდიუსერ(ებ)ი
ხანგრძლივობა 38–57 წუთი
კომპანია Lucasfilm
ბიუჯეტი 250 მილიონი აშშ დოლარი (დაახლ.)[1]
ეთერი
ორიგინალური არხი Disney+
ეთერში 21 სექტემბერი, 2022 (2022-09-21) — მიმდინარე
რესურსები ინტერნეტში

დიეგო ლუნა უბრუნდება კასიან ანდორის როლს და სერიალის აღმასრულებელი პროდიუსერიცაა. სამსახიობო ანსამბლში შედიან კაილ სოლერი, ადრია არხონა, ფიონა შო, სტელან სკარსგარდი, დენის გოუ, ჯენევიევ ო'რილი, ფეი მარსეი, ვარადა სეთჰუ, ელიზაბეთ დულაუ და სხვები. Lucasfilm-მა ანდორის შესახებ სერიალი, ისევე, როგორც ლუნას დაბრუნება, 2018 წლის ნოემბერში დააანონსა. ამ დროს სერიალის ავტორად სტივენ შიფი მოიაზრებოდა, რომელიც 2020 წლის აპრილში „განდგომილი ერთის“ თანაავტორმა, ტონი გილროიმ ჩაანაცვლა. გადაღებები 2020 წლის ნოემბერში დაიწყო და მას COVID-19-ის პანდემიამ შეუშალა ხელი. გადაღებები, რომელიც Pinewood Studios ბაზაზე და ასევე, ლონდონის სხვადასხვა ლოკაციებზე მიმდინარეობდა, 2021 წლის სექტემბერში დასრულდა.

„ანდორის“ პირველი სეზონის პრემიერა Disney+-ზე 2022 წლის 21 სექტემბერს პირველი სამი ეპიზოდით შედგა, დანარჩენი ეპიზოდები კვირაში ერთხელ გამოდიოდა და 23 ნოემბერს დასრულდა. სერიალს კინოკრიტიკოსების ფართო აღიარება ხვდა წილად, განსაკუთრებით აღინიშნა მისი სცენარი, ექშენი, მუსიკა და უფრო მოწიფული, სერიოზული ტონი „ვარსკვლავური ომების“ სხვა პროექტებთან შედარებით.[2][3][4] მეორე სეზონის გადაღებები ლონდონში ამჟამად მიმდინარეობს. იგი სერიალს დაასრულებს და პირდაპირ დაუკავშირდება „განდგომილი ერთის“ მოვლენებს.

წინამძღვრები რედაქტირება

სერიალში მოვლენები ვითარდება „განდგომილი ერთის“ (2016) და „ახალი იმედის“ (1977) მოვლენებამდე ხუთი წლით ადრე და მოგვითხრობს პერსონაჟებზე გალაქტიკურ იმპერიასთან მებრძოლი აჯანყებულთა ალიანსის ფორმირების პერიოდში. ამ პერსონაჟთაგან ერთ-ერთია კასიან ანდორი, ქურდი, რომელიც რევოლუციონერი გახდება და საბოლოოდ, ამბოხებას შეუერთდება.[5][6]

მსახიობები და პერსონაჟები რედაქტირება

მთავარი რედაქტირება

  • დიეგო ლუნაკასიან ანდორი:
    ქურდი და მოხეტიალე, რომლის მშობლიური პლანეტა, კენარი, იმპერიის სამრეწველო საბადოების პროექტმა გაანადგურა. სერიალის დასაწყისში ანდორი რევოლუციის მოწინააღმდეგე ცინიკოსია და სიუჟეტის განმავლობაში გარდაიქმნება „ყველაზე შეუპოვარ პიროვნებად, რომელიც მზადაა, გალაქტიკის გადასარჩენად თავი გაწიროს“ ფილმში „განდგომილი ერთი“. გილროიმ პერსონაჟი დაახასიათა, როგორც ხალხის მანიპულირების უნარით დაჯილდოვებული ბუნებრივი ლიდერი, „სრულყოფილი ჯაშუში, მეომარი და მკვლელი“.[5][6] ახალგაზრდა ანდორის როლს, როცა მას კასას სახელით იცნობდნენ, ანტონიო ვინია თამაშობს.[7]
  • კაილ სოლერი – სირილ კარნი:
    ინსპექტორის მოადგილე კორპორატიულ კონგლომერატ პრეოქს-მორლანას (პრე-მორის) შემადგენლობაში, რომელიც იმპერიის ერთ-ერთ სავაჭრო სექტორს აკონტროლებს. იგი პრე-მორის უსაფრთხოების სამსახურში მუშაობს და მიზნად აქვს დასახული ანდორის შეპყრობა მას შემდეგ, რაც ამ უკანასკნელმა უსაფრთხოების სამსახურის ორი თანამშრომელი მოკლა.[7] სოლერის დახასიათებით, მის პერსონაჟს „აქვს შთაბეჭდილების მოხდენის და საკუთარ თავში სიცარიელის ამოვსების უკიდურესი საჭიროება, რაც, სინამდვილეში უკავშირდება კარიერულ სიმაღლეებზე ასვლას იმ სფეროში, სადაც არის. ხოლო სფერო, რომელიც მან აირჩია შეზღუდვების, სრული კონტროლის და დომინაციისაა.“[8][9]
  • ადრია არხონა – ბიქს კეილინი: მექანიკოსი და დილერი შავ ბაზარზე; ანდორის მოკავშირე და ახალო მეგობარი.[7]
  • ფიონა შოუ – მარვა ანდორი: კასიანის დედობილი, რომელმაც კასიანი კლემთან ერთად კენარიდან წამოიყვანა და გადაარჩინა.[7]
  • სტელან სკარსგარდი – ლუთენ რაელი:
    კეილინის საკონტაქტო პირი შავ ბაზარზე, აჯანყებულთა ალიანსის წევრი. იგი დაიქირავებს ანდორს თავის პირველ მისიაზე. ლუთენი საზოგადოების თვალის ასახვევად კორუსანტზე მოღვაწე ექსცენტრიული ანტიკვარიატით მოვაჭრის როლს თამაშობს.[10][11]
  • დენის გოუ – დედრა მირო: ამბიციური და ჭკვიანი ზედამხედველი იმპერიის უსაფრთხოების ბიუროში.[12][13]
  • ჯენევიევ ო'რილიმონ მოთმა:
    იმპერიის სენატის წევრი შიდა ზონის მდიდარი პლანეტა შანდრილადან, რომელიც ცდილობს ნავიგაციას იმპერიის პოლიტიკურ ველზე და საიდუმლოდ ეხმარება აჯანყებულთა ალიანსს.[6]
  • ფეი მარსეი – ველ სართა: აჯანყებულთა ლიდერი პლანეტა ალდანიზე, მოთმას ბიძაშვილი.[7]
  • ვარადა სეთჰუ – სინტა კაზი: აჯანყებული პლანეტა ალდანიდან, გუნდის მედიკოსი და მკურნალი.
  • ელიზაბეთ დულაუ – კლეია მარკი: ლუთენის ასისტენტი ანტიკვარიატის მაღაზიაში.[7]

მეორეხარისხოვანი რედაქტირება

  • ჯოპლინ სიბტეინი – ბრასო: ანდორის თანამშრომელი და მეგობარი.[7]
  • ჯეიმზ მაკარდლი – ტიმ კარლო: კეილინის თანამშრომელი და შეყვარებული.[7]
  • რუპერტ ვანსიტარტი – ჰაინი: სირილის ზედამხედველი პრე-მორზე.
  • ალექს ფერნზი – სერჟანტი ლინუს მოსკი: ოფიცერი პრე-მორიდან.[7]
  • გარი ბიდლი – კლემ ანდორი: მარვას პარტნიორი და კასიანის მამობილი. კასიანი ფსევდონიმად მის სახელს იყენებს.[7]
  • ქეთრინ ჰანტერი – იდი კარნი: სირილის დედა.[9]
  • ალასტერ მაკენზი – პერინ ფერთა: მოთმას ქმარი.
  • ანტონ ლესერი – მაიორი პარტაგაზი: იმპერიის უსაფრთხოების ბიუროს მაღალი რანგის ოფიცერი.[14]
  • ალექს ლოთერი – კარის ნემიკი: იდეალისტი ამბოხებული ალდანიდან, რომელმაც ანტიიმპერიული მანიფესტი დაწერა.
  • სულე რიმი – ლეიტანანტი გორნი: იმპერიის ძალების ოფიცერი ალდანიზე, რომელიც, საიდუმლოდ, ველის ამბოხებულთა ჯგუფის წევრია.
  • ებონ მოს-ბექრექი – არველ სკინი:[15] იდუმალი ამბოხებული ალდანიდან.
  • გერშვინ იუსტაში – ტარამინ ბარკონა: ამბოხებული ალდანიდან, ყოფილი შტურმტრუპერი.
  • სტენლი ტაუნსენდი – კომენდანტი ჯეიჰოლდ ბიჰაზი: გორნის ზემდგომი ოფიცერი ალდანიზე.
  • ბენ მაილზი – ტეი კოლმა: ბანკირი შანდრილადან, მონ მოთმას ბავშვობის მეგობარი, რომელსაც მოთმა დახმარებისთვის მიმართავს.
  • ენდი სერკისი – კინო ლოი: პატიმარი და სართულის მენეჯერი იმპერიის შრომით დაწესებულებაში ნარკინა 5-ზე. მანამდე, სერკისმა „ვარსკვლავური ომების“ გაგრძელების ტრილოგიაში უზენაესი ლიდერი სნოუკი ითამაშა.
  • დანკან პოუ – რუსკოტ მელში: პატიმარი იმპერიის შრომით დაწესებულებაში, რომელიც, მოგვიანებით, ანდორთან ერთად ალიანსს შეუერთდება. პოუ იგივე პერსონაჟს „განდგომილი ერთშიც“ განასახიერებს.[16]
  • ფორესტ უიტეკერი – სო გერერა: კლონების ომის ვეტერანი და შეიარაღებული დაჯგუფების, „პარტიზანების“ ლიდერი.[17]
  • რიჩარდ დილეინი – დავო სკალდანი: საეჭვო ბიზნესმენი, რომელსაც მოთმა „განგსტერს“ უწოდებს.

დეივ ჩეპმენი ახმოვანებს მარვას დროიდს B2EMO. ფერიქსის სხვა მაცხოვრებლები: ზუბინ ვარლა – ზანვანი, ფერიქსზე სატრანსპორტო ბიზნესის უფროსი და ანდორის მეგობარი; აბინ გალეია – სალმან პააკი, მაღაზიის მფლობელი; მუჰამედ ბაიერი – უილმონი, სალმანის ვაჟი; კირან ო'ბრიენი – პეგლა, მეთვალყურე ხომალდების სადგურზე; რეიმონდ ანუმი – ნურჩი; ვიქტორ პერესი – რაში; ნილ ბელი – დროის მაჩვენებელი, რომელიც გრდემლზე დარტყმით ფერიქსის მოქალაქეებს დროს ატყობინებს; პამელა ნომვეტე – ჯეზი, „ფერიქსის ქალიშვილების“ წევრი.[7] ბრონტე კარმაიკლი თამაშობს მოთმას ქალიშვილს, ლეიდას. ბენ ბეილი სმითი, რობერტ ემსი, მაიკლ ჯენი და ლუსი რასელი განასახიერებენ იმპერიის უსაფრთხოების ბიუროს ზედამხედველებს, შესაბამისად, ბლევინს, ლონი იუნგს, ლაგრეტს და გრანდის.[18][19] იმპერიის ძალების სხვა წარმომადგენლები: ლი როსი – კლორისი, მონ მოთმას მძღოლი და ბლევინის ჯაშუში; ჯეიკონ ჯეიმზ ბესუიკი – ჰერტი, დედრას ადიუტანტი; უილფ სკოლდინგი – ვანის ტიგო, იმპერიის გარნიზონის უფროსი ფერიქსზე; ნიკ მოსი – კეისაქსი, ტიგოს ლეიტენანტი და ნუფ უსელამი კორვის როლში. კრისტოფერ ფეარბენკი, კლემენს შიკი, ბრაიან ბოველი, ტომ რიდი, ჯოზეფ დეივისი, რასაქ კუკოი და მენსა ბედიაკო, შესაბამისად, ულაფის, ჰემის, ჯემბოკის, ტაგას, ზაულის, ბირნოკის და ზინსკას როლში; ყველა მათგანი პატიმარია ნარკინა 5-ზე.

გარდა ამისა, ბელ სუორკი ასრულებს კერის, ანდორის დის როლს;[7] ლი ბორდმენი და სტივენ რაიტი – კრავასი და ვერლო, პრე-მორის უსაფრთხოების სამსახურის ოფიცრები, რომლებიც ანდორმა მოკლა; ნიკ ბლადი – კიმზი, კაპრალი ალდანიზე; დეივიდ ჰეიმანი – ალდანის აბორიგენი მოსახლეობის ბელადი;[20] ედრიენ როლინსი – რასივი, ციხის მედიკოსი ნარკინა 5-ზე. მალკოლმ სინკლერი ჩნდება პოლკოვნიკ ვულფ იულარენის როლზე, პერსონაჟის, რომელიც „ვარსკვლავური ომების“ ფრენჩაიზის სხვა პროდუქტებიდანაა ცნობილი და მას 1977 წლის ფილმში რობერტ კლარკი თამაშობს, ხოლო „კლონების ომში“ და „აჯანყებულებში“ ტომ კეინი ახმოვანებს. სემ უიტვერი (მოხსენიების გარეშე) ახმოვანებს შორტრუპერს, რომელიც ნიამოსზე ანდორს აპატიმრებს. კერედიანი ძმების, დიუი და ფრიდის როლს მეტ ლიონსი და ლიამ კუკი ასრულებენ და მათ მაიკ ქუინი და დემიენ ფარელი ახმოვანებენ.

ეპიზოდები რედაქტირება

I სეზონი (2022) რედაქტირება

#სახელწოდებარეჟისორისცენარის ავტორიორიგინალური გამოსვლის თარიღი
1„კასა“ტობი ჰეინსიტონი გილროი21 სექტემბერი, 2022 (2022-09-21)
იავინის ბრძოლამდე ხუთი წლით ადრე, კასიან ანდორი ეძებს საკუთარ დას ინდუსტრიულ პლანეტაზე მორლანა ერთის სისტემაში. მოკვლევისას მას დაუპირისპირდება ორი ოფიცერი. იწყება კონფლიქტი, რის შედეგადაც კასიანი უნებლიედ უსპობს სიცოცხლეს ერთ-ერთ ოფიცერს, შემდეგ კი განზრახ კლავს მეორეს. პლანეტა ფერიქსზე ის ცდილობს დამალოს მისი მონაწილეობა დანაშაულში თავისი დედობილის, მაარვას დროიდ B2EMO-ს და მისი მეგობრის ბრასოს დარწმუნებით, იცრუონ მის სასარგებლოდ. ფლობს რა ვარსკვლავთბილიკის ერთეულს (იმპერიული სანავიგაციო ტექნოლოგიის ძვირადღირებული ნაწილი), კასიანი სთხოვს მის მეგობარს, ბიქსს, გაიყვანოს იგი კავშირზე შავი ბაზრის მყიდველთან. ბიქსი თანხმდება კასიანს და უკავშირდება მყიდველს. ამასობაში, ბიქსის შეყვარებული ტიმი ეჭვს იღებს ანდორზე. იმპერიულ ხელმძღვანელობასთან საკუთარი მდგომარეობის გასაუმჯობესებლად, მორლანა ერთის უსაფრთხოების მთავარი ინსპექტორი იღებს გადაწყვეტილებას დაფაროს მკვლელობები, თუმცა, მისი მოადგილე, პასუხისმგებლიანი სირილ კარნი, მოწადინებულია საქმის გასახსნელად. იგი ამოიცნობს ანდორის ხომალდს, მიაკვლევს მას ფერიქსამდე და იგებს, რომ გაქცეული წარმოშობით პლანეტა კენარიდანაა. წარსულის სცენაში ირკვევა, რომ ახალგაზრდა კასიანი, სახელით კასა, უერთდება კენარის მკვიდრთა გუნდს, რომელიც მიემართება ჩამოვარდნილი ხომალდის საპოვნელად. კასა უარყოფს მისი უმცროსი დის წადილს, შეუერთდეს ძებნას და ტოვებს მას თავიანთი ტომის ბანაკში.
2„ეს მე უნდა ვიყო“ტობი ჰეინსიტონი გილროი21 სექტემბერი, 2022 (2022-09-21)
ტიმი, რომელიც კვლავ ეჭვის თვალით უყურებს კასიანისა და ბიქსის ურთიერთობას, დააბეზღებს კასიანს პრეოქს-მორლანას უსაფრთხოების სამსახურთან, რომელიც გასცემს ორდერს მის დაპატიმრებაზე. კარნი იწყებს თანამშრომლობას სერჟანტ ლინუს მოსკთან, ასევე პასუხისმგებლიან პრე-მორის ოფიცერთან, რათა დააპატიმროს კასიანი. B2EMO აცნობებს კასიანსა და მაარვას ორდერის თაობაზე. კასიანი ემზადება პლანეტიდან გასაქცევად. ამასობაში, ბიქსის მყიდველი მიემგზავრება ფერიქსზე ვარსკვლავთგზის ერთეულის მოსაპოვებლად. მოგონებაში ჩანს, რომ კასა და მისი ტომის წევრები პოულობენ და იკვლევენ ჩამოვარდნილ ხომალდს მიტოვებული ინდუსტრიული მაღაროს მიმდებარედ. როდესაც ერთ-ერთი მათგანი კვდება დაცემული ხომალდის ეკიპაჟის წევრის ხელით, ტომი კლავს თავდამსხმელს და სწრაფად ტოვებს ჩამოვარდნის ადგილს. კასა რჩება ხომალდის დასათვალიერებლად.
3„გამოფხიზლება“ტობი ჰეინსიტონი გილროი21 სექტემბერი, 2022 (2022-09-21)
ლუთენ რაელი, ბიქსის მყიდველი, ჩადის ფერიქსზე და ხვდება კასიანს მიტოვებულ ქარხანაში. ასევე ჩნდებიან კარნი და მოსკი თორმეტიოდე უსაფრთხოების ოფიცერთან ერთად. ისინი დაკითხავენ მაარვას, რომელიც უარს აცხადებს თანამშრომლობაზე. B2EMO-ს მიერ კასიანისამი მიწოდებული შეტყობინების გადაჭერით, კარნი მიაკვლევს კასიანის ადგილმდებარეობას. კასიანს სურს გაყიდოს ვარსკვლავთგზის ერთეული და დატოვოს ფერიქსი. თუმცა, ლუთენი ცდილობს დაარწმუნოს იგი, შეუერთდეს ამბოხებულთა ალიანსს, მიუთითებს რა კასიანის არაერთგზის წარმატებაზე იმპერიული ხომალდების საბოტაჟისა და ქურდობისას. როდესაც კარნის ოფიცრები არბევენ ქარხანას, რაელი და ანდორი სპიდერების ანგარს აფარებენ თავს და იმორჩილებენ კარნს. ტიმის ღალატის შეტყობის შემდეგ, ბიქსი გარბის კასიანის დასახმარებლად, თუმცა მას უმალ აკავებენ ოფიცრები, ხოლო ტიმი ამის აღკვეთის მცდელობისას იღუპება. პოდი, რომლითაც უსაფრთხოების ოფიცრები ჩამოვიდნენ, ნადგურდება ბრასოს საბოტაჟის შედეგად. ლუთენი და კასიანი გარბიან პლანეტიდან, ხოლო კარნი და მოსკი ითხოვენ ევაკუაციას. მოგონებაში ჩანს, რომ მაარვა და მისი ქმარი, კლემი, კენარიზე დაცემულ ხომალდზე გამოსადეგ ნარჩენებზე ნადირობისას, პოულობენ კასას. მაარვა იღებს გადაწყვეტილებას თან გაიყოლოს კასა, რადგან ადარდებს მისი ბედი იმ შემთხვევაში, თუ მას რესპუბლიკა მიაგნებს.
4„ალდანი“სუზანა უაითიდენ გილროი28 სექტემბერი, 2022 (2022-09-28)
ლუთენს მიჰყავს ანდორი პლანეტა ალდანიზე, სადაც დაგეგმილ მძარცველობით მისიაში ჩართვას სთხოვს. თავიდან კასიანი არ არის მოწადინებული, თუმცა საბოლოოდ აცხადებს თანხმობას. ლუთენი სთხოვს, ამბოხებულთა შორის ფსევდონიმით ისარგებლოს და კასიანი ირჩევს სახელს „კლემი“. ველი, ამბოხებულთა გუნდის ლიდერი, აცნობს მის თავს დანარჩენ წევრებს, თუმცა საიდუმლოდ ტოვებს ლუთენის ჩართულობის ფაქტს. ისინი უხსნიან ანდორს, რომ გეგმავენ იმპერიული სექტორის სახელფასო ფონდის მიტაცებას იმპერიული მომარაგების საკვანძო ჰაბიდან, ხოლო გასაქცევად ალდანის ცაზე არსებული იშვიათი ბუნებრივი ფენომენის მიერ შექმნილი შესაძლებლობის გამოყენებას აპირებენ, ვინაიდან მათი ხომალდი ნელია. ამასობაში, ლუთენი, წარმოსდგება რა ანტიკვარიატის დილერად კორუსანტზე, ხვდება სენატორ მონ მოთმას და მასთან ერთად განიხილავს იმპერიისადმი მათი წინააღმდეგობის დამალვის გამოწვევბს. კარნი გადადის საცხოვრებლად დედამისთან მას შემდეგ, რაც მას გაკიცხავენ და გაათავისუფლებენ სამსახურიდან. იმპერიის უსაფრთხოების ბიუროს (ISB) ლეიტენანტი, დედრა მიირო, ცდილობს მიიღოს დაშვება და უფლებამოსილება ფერიქსის ინციდენტზე, თუმცა მას უპირისპირდება კოლეგა და ზემდგომი ოფიცერი.
5„ნაჯახს ავიწყდება“სუზანა უაითიდენ გილროი5 ოქტომბერი, 2022 (2022-10-05)
ალდანიზე, „კლემი“ მალავს მის წარსულს თანაგუნდელ ამბოხებულებთან, რომელთა უმეტესობა მას უნდობლობით ხვდება, განსაკუთრებით კი სკინი. ტარამინი წვრთნის კასიანსა და სხვა ამბოხებულებს დაგეგმილ ძარცვაში. ალდანის იმპერიულ გარნიზონში მგზავრობისას, კასიანი აღიარებს, რომ იგი დაქირავებულია. ველი იღებს გადაწყვეტილებას განაგრძონ ძარცვის გეგმა, ხოლო „კლემის“ წარსული განიხილონ მოგვიანებით, მას შემდეგ, რაც მიაღწევენ დასახულ მიზნებს. იმპერიის ოფიცერი და ორმაგი აგენტი, ლეიტენანტი გორნი, მალულად ეხმარება ამბოხებულებს. კორუსანტზე, იდი კარნი ამცირებს მის ვაჟიშვილს, სირილს, ეს უკანასკნელის კი სამსახურის ძიებაშია. მონ მოთმა აფუძნებს ახალ საქველმოქმედო ფონდს, ამავდროულად კი ქმარსა და შვილთან განსაკუთრებით დაძაბული ურთიერთობების მართვას ცდილობს. ISB-ს ზედამხედველი ბლევინი ხელთ იგდებს სასტუმროს შენობას ფერიქსზე, რათა იგი ISB-ს ახალ შტაბად გამოიყენოს. ამასობაში, მისი მეტოქე, მირო და მიროს ასისტენტი, ჰერტი მიდიან დასკვნამდე, რომ ამბოხებულნი ახორციელებენ იმპერიული იარაღისა და ტექნოლოგიის კოორდინირებულ ძარცვებს. ლუთენი მოუთმენლად ელის შეტყობინებას კასიანის ამბოხებულთა გუნდიდან.
6„თვალი“სუზანა უაითიდენ გილროი12 ოქტომბერი, 2022 (2022-10-12)
გორნის დახმარებით, ამბოხებულები აღწევენ გარნიზონში გორნის ზემდგომის, კომენდანტ ჯეიჰოლდ ბიჰაზის ესკორტ დაჯგუფებად თავის გასაღებით. ისინი მძევლად აიყვანენ ბიჰაზის ოჯახს და აიძულებენ მას, მისცეს დაშვება სახელფასო სეიფზე. ხომალდზე კრედიტების დატვირთვისას მათ აღმოაჩენენ იმპერიული ძალები. ტარამინი და გორნი კვდებიან ცეცხლსასროლი იარაღით დაპირისპირებაში. სინტა ვერ ახერხებს ხომალდზე მოხვედრას, ასე რომ ალდანიდან გარბიან მხოლოდ კასიანი, სკინი, ნემიკი და ველი. აფრენისას ნემიკი მოჰყვება კრედიტების დაუმაგრებელი პალეტის ქვეშ და იღებს მძიმე დაზიანებას. ისინი დაეშვებიან პლანეტა ფრეზნოზე, რათა ნემიკის ტრავმებს უმკურნალონ. სანამ ველი დაკავებულია ნემიკის მოვლით, სკინი სთავაზობს კასიანს გაიქცნენ და გაინაწილონ სახელფასო ფონდი. გაცეცხლებული კასიანი, საკუთარი სიცოცხლის დასაცავად, კლავს სკინს. იგი ატყობინებს ველს მომხდარის შესახებ და აცხადებს, რომ სურს მიიღოს დაპირებული კუთვნილი წილი ნაძარცვიდან და წავიდეს. ველი გადასცემს კასიანს ნემიკის მანიფესტს, თანახმად ნემიკის სიკვდილისწინა სურვილისა. ამ დროს კორუსანტზე, ISB აგენტები იკრიბებიან ძარცვის საპასუხო ქმედებების ჩამოსაყალიბებლად, ხოლო ლუთენი, იგებს რა წარმატებული ძარცვის ამბავს, მალულად ზეიმობს.
7„განაცხადი“ბენჯამინ კარონისტივენ შიფი19 ოქტომბერი, 2022 (2022-10-19)
კორუსანტზე, კარნი იწყებს ახალ სამსახურს სტანდარტების ბიუროში. პოლკოვნიკი იულარენი აცხადებს, რომ ISB-მ მოიპოვა მეტი სათვალთვალო და სადამსჯელო უფლებამოსილება, ხოლო ბლევინი უპირისპირდება მიროს მასზედ, რომ ამ უკანასკნელმა დაარღვია პროტოკოლი იმპერიულ მონაცემებზე დაშვების მოპოვებით შესაბამისი ავტორიზაციის გარეშე. მირო წარმატებით არწმუნებს ზემდგომებს საკუთარი სამუშაოს ფასეულობაში და მას გადაეცემა ზედმახედველობა ფერიქსზე. ლუთენის ასისტენტი კლეია უბრძანებს ველს, იპოვოს და მოკლას კასიანი, ვინაიდან მან იცის ლუთენის პიროვნების შესახებ. მონ მოთმა ხვდება ტეი კოლმას, ძველ მეგობარსა და ბანკირს და სთხოვს მას დახმარებას ოჯახის ფინანსებზე წვდომის მოპოვებაში. კასიანი ბრუნდება ფერიქსზე ძველი ვალების გასასტუმრებლად და შეიტყიბს, რომ ხალხი მას აბრალებს კორპორატიული უსაფრთხოების გაძლიერებას პლანეტაზე. იმპერიის არსებობა ფერიქსზე ახსენებს კასიანს, თუ როგორ მოკლეს მისი მამობილი, კლემი, მაარვას ქმარი, ტრუპერებმა წლების წინ. კასიანი ცდილობს, დაარწმუნოს მაარვა, მიატოვოს ფერიქსი მასთან ერთად, მაგრამ ის ირჩევს დარჩენას და იმპერიის გაზრდილი ძალებისთვის დაპირისპირებას. კასიანი მარტო მიემგზავრება ტროპიკულ სამოთხეში, პლანეტა ნიამოსზე. ერთი თვის თავზე, სახელ „კიფ გრიგოთი“ ცხოვრებისას, მას უსამართლოდ დააპატიმრებს ნაპირის ტრუპერი, სასჯელად კი განესაზღვრება ექვსი წლით თავისუფლების აღკვეთა.
8„ნარკინა 5“ტობი ჰეინსიბო უილიმონი26 ოქტომბერი, 2022 (2022-10-26)
კასიანი მიჰყავთ წყლით გარშემორტყმულ ციხეში ნარკინა 5-ზე, სადაც იგი ყოველ დღეს ატარებს მონოტონურ და მძიმე ინდუსტრიულ სამუშაოებზე ასეულობით პატიმართან ერთად. ველი და სინტა მიემგზავრებიან ფერიქსზე მის მოსაძებნად. როდესაც მაარვა ავადდება, ბიქსი ცდილობს ლუთენთან დაკავშირებას კასიანის ადგილმდებარეობის გასაგებად, მაგრამ ლუთენი, ეშინია რა მისი შესაძლო გამოაშკარავებისა მიმყურადებლებთან, არ სცემს მას პასუხს. შემდეგ იგი ტოვებს კორუსანტს სო გერერასთან შესახვედრად. რაელი ცდილობს დაიქირავოს გერერას ამბოხებულთა ერთეული სპელჰაუსზე განლაგებული იმპერიული ენერგოსადგურის დასარბევად, რასაც გეგმავს ანტო კრიგერი, თუმცა მას უარით ისტუმრებენ. დედრა მირო ახორციელებს სირილ კარნის დაკითხვას ფერიქსზე მისი გამოცდილების თაობაზე, თუმცა უარს აცხადებს მის შეთავაზებაზე დაეხმაროს გამოძიებას. იგი თავად მიუძღვის საბრძოლო ერთეულს ფერიქსზე, სადაც აპატიმრებს ბიქსს.
9„არავინ გვისმენს!“ტობი ჰეინსიბო უილიმონი2 ნოემბერი, 2022 (2022-11-02)
დედრა მირო და იმპერიის წარმომადგენელი მეცნიერი სახელად დოქტორი გორსტი, ინფორმაციის გამოძალვის მიზნით, აწამებენ ბიქსს და ხვდებიან, რომ კასიანი, შესაძლოა, მონაწილეობდა ალდანის შეტევაში. ლუთენის თაობაზე ბიქსისგან ინფორმაციას ვერ იღებენ. ISB იჭერს ამბოხებულთა პილოტს კრიგერის ჯგუფიდან, რომელიც ამჟღავნებს, რომ სპელჰაუსის ელექტროსადგური გამიზნულია დასარბევად. მონ მოთმა ხვდება ველს, რომელიც მისი ბიძაშვილი აღმოჩნდება და ურჩევს შეინარჩუნოს მდიდარი და პოლიტიკისადმი გულგრილი ახალგაზრდა ქალის იერსახე, რითაც აირიდებს ყურადღებას. მონი და ტეი კოლმა აგრძელებენ საიდუმლო მუშაობას ამბოხებულთა აქტივობისათვის თანხების მოსაზიდად. ამასობაში, კასიანის ციხის სამუშაო ჯგუფის უხუცესს წევრს, ულაფს, ევთანაზიას უკეთებს ციხის ექიმი რასივი, რადგან მას აქვს ინსულტი და ვეღარ შეძლებს ეფექტურად მუშაობას. ექიმი რასივი უდასტურებს კასიანსა და სართულის მენეჯერს, კინო ლოის, საგანგაშო ჭორს: პატიმარი, რომელმაც მოიხადა სასჯელი, გაგზავნილ იქნა სამუშაოდ ციხის სხვა სართულზე გათავისუფლების ნაცვლად, რამაც აიძულა ციხე მოეკლა ყველა პატიმარი შესაბამის სართულზე შეცდომის დასამალად. კასიანი და კინო იაზრებენ, რომ ციხემ შესაძლოა არასოდეს გაათავისუფლოს ისინი და კასიანი დაიყოლიებს კინოს, ჩაერთოს მის გაქცევის გეგმაში.
10„ერთი გზა გარეთ“ტობი ჰეინსიბო უილიმონი9 ნოემბერი, 2022 (2022-11-09)
წყლის მილის დაზიანების შედეგად სართულის დატბორვის გზით, კასიანი თიშავს სართულის უსაფრთხოების სისტემას, რაც აძლევს საშუალებას სამუშაო ჯგუფებს დაიმორჩილონ მცირერიცხოვანი დაცვის პერსონალი და გაიქცნენ. კინო იყენებს ციხის საკომუნიკაციო სისტემას, რათა დანარჩენი სართულებიც წაახალისოს გასაქცევად და ამბოხება მოიცავს მთელს ციხეს. გაქცევაში მისი როლის მიუხედავად, კინო აღიარებს, რომ მას არ შეუძლია ცურვა. კასიანი გაცურავს სხვა გაქცეულებთან ერთად და აღწევს ნაპირს. მონ მოთმა ხვდება დავო სკალდანს, საეჭვო რეპუტაციის ბიზნესმენს, რომელიც სთავაზობს მას დახმარებას პროექტების დაფინანსებაში, რაზეც მონი აცხადებს უარს, მას შემდეგ, რაც დავო მოითხოვს მონის მიერ ორგანიზებულ შეხვედრას მის ქალიშვილსა და საკუთარ ვაჟიშვილს შორის, რაც წარმოადგენს პირველ საფეხურს შანდრილას კულტურის შესაბამისი საქორწინო ტრადიციისა. ISB-ს ზედამხედველი, ლონი იუნგი, რომელიც, ამავე დროს, ამბოხებულთა ინფორმატორია, ხვდება ლუთენს და აცნობებს მას ISB-ს აქტივობების სიახლეებს. ორივე მამაკაცი განიხილავს, თუ როგორ არიან დამწყვდეულნი საკუთარი როლების მარწუხებში.
11„ფერიქსის ქალიშვილი“ბენჯამინ კარონიტონი გილროი16 ნოემბერი, 2022 (2022-11-16)
მაარვა კვდება, ხოლო მისი დაკრძალვის ცერემონია წახალისებულია დედრა მიროს მიერ იმის იმედად, რომ მას დაესწრება ანდორი. ველი ატყობინებს კლეიას მაარვას სიკვდილის თაობაზე და იგებს, რომ მონ მოთმა იძუელებულია, დათანხმდეს გეგმას გაათხოვოს ქალიშვილი დავო სკალდანის მეშვეობით ფულადი ნაკადების უზრუნველსაყოფად. მონის ქალიშვილი ლეიდა იწყებს მონაწილეობის მიღებას ჯგუფურ შეკრებებში, რომელთა მთავარი თემაა შანდრილას კულტურა და ტრადიციები, რაც ძალიან არ მოსწონთ მოთმასა და ველს. სირილ კარნი ასევე შეიტყობს დაკრძალვის შესახებ ლინუს მოსკისგან. სო გერერა უკანასკნელ მომენტში იღებს გადაწყვეტილებას, დაეხმაროს კრიგერის შეტევას სპელჰაუსზე, მაგრამ ლუთენი საწინააღმდეგოს ურჩევს, როდესაც განაცხადებს, რომ ISB ინფორმირებულია მოსალოდნელი თავდასხმის თაობაზე. კორუსანტზე დაბრუნებისას, ლუთენი ხელიდან დაუსხლტება იმპერიულ პატრულს, რამდენიმე TIE მებრძოლისა და მქაჩავი სხივის განადგურებით. კერედიანელი დევი და ფრედის დახმარებით, კასიანი და მისი თანამეციხე მელში ახერხებენ ნარკინა 5-დან გაქცევას და მიემგზავრებიან ნიამოსზე, კასიანის ნივთების ასაღებად. მაარვას გარდაცვალების ამბის შეტყობის შემდეგ, კასიანი და მელში იშლებიან იმ განზრახვით, რომ საჯაროდ გამოააშკარაონ იმპერიის უსამართლო პენიტენციური სისტემა.
12„რიქსის გზა“ბენჯამინ კარონიტონი გილროი23 ნოემბერი, 2022 (2022-11-23)
კასიანი ბრუნდება ფერიქსზე მაარვას დაკრძალვისთვის და შეიტყობს ბიქსის დაპატიმრების ამბავს. დედრა მირო და ადგილობრივი იმპერიული გარნიზონი ემზადება დაკრძალვის გამოყენებით კასიანის დაპატიმრებისათვის ღერძის (Axis) თაობაზე დასაკითხად, ხოლო ლუთენი გეგმავს (ველისა და სინთას მხარდაჭერით) კასიანის მკვლელობას, ჩასაფრებული იმპერიული ძალების შირმად გამოყენებით. ISB აღწევს წარმატებას კრიგერის შეტევის შეჩერებაში, თუმცა არ ტოვებს ცოცხალ ტყვეებს, რაც მიროს განრისხებას იწვევს. მოთმას 13 წლის ქალიშვილს, ლეიდას, აცნობენ დავო სკულდუნის 14 წლის ვაჟიშვილს. დაკრძალვის დროს, B2EMO გადმოსცემს მაარვას ჰოლოგრაფიულ ჩანაწერს, რომელიც მოუწოდებს მოსახლეობას იბრძოლონ იმპერიის წინააღმდეგ, რაც იწვევს აჯანყებას მთავარ კვარტალში. არეულობის დროს, კასიანი გაათავისუფლებს ბიქსს, ხოლო სირილ კარნი გადაარჩენს მიროს თავდასხმისგან. B2EMO-სთან, ბრასსოსთან და რამდენიმე სხვა ადამიანთან გემთსაშენზე შეხვედრისას, კასიანი არწმუნებს მათ ბიქსი გადამალონ უსაფრთხო ადგილას, ფერიქსისგან შორს. ფერიქსზე აჯანყებით გულაჩუყებული ლუთენი ბრუნდება საკუთარ ხომალდზე სადაც მას ელის კასიანი. იცის რა, რომ ლუთენი იქ მიდის მისი მკვლელობის განზრახვით, კასიანი სთავაზობს ლუთენს არჩევანს: მოკლას იგი ან მიიღოს იგი გუნდში, რის პასუხადაც ლუთენი იღიმის. ტიტრების შემდგომ სცენაში, დროიდები ამაგრებენ ნარკინა 5-ის პატიმრების მიერ შექმნილ მექანიზმებს სიკვდილის ვარსკვლავის ცეცხლსასროლ დისკზე.

II სეზონი რედაქტირება

დაგეგმილია, რომ მე-2 სეზონი, პირველის მსგავსად, 12 ეპიზოდისგან იქნება შემდგარი. რეჟისორები იქნებიან არიელ კლეიმანი, იანუს მეცი და ალონსო რუისპალასიოსი. კლეიმანი 6 ეპიზოდს გადაიღებს.[21]

წარმოება რედაქტირება

შექმნის პროცესი რედაქტირება

Disney-ს აღმასრულებელმა დირექტორმა ბობ აიგერმა 2017 წლის ნოემბერში დააანონსა, რომ დისნეი და ლუკასფილმი Disney+-ის[22][23] ახალი სტრიმინგ პლატფორმისთვის „ვარსკვლავური ომების“ მხატვრულ (live-action) სატელევიზიო სერიალებზე მუშაობდნენ. ერთი წლის შემდეგ აღმოჩნდა, რომ ერთ-ერთი სერიალი იქნებოდა ფილმ „განდგომილი ერთის“ (2016) წინაისტორია. სერიები აღწერილი იყო, როგორც ჯაშუშური თრილერი რომელიც ორიენტირებული იქნებოდა კასიან ანდორზე, პერსონაჟზე, რომლის როლსაც ფილმში დიეგო ლუნა ასრულებს. წარმოება სავარაუდოდ უნდა დაწყებულიყო 2019 წელს, მას შემდეგ რაც ლუნა დაასრულებდა Narcos: Mexico-ს მეორე სეზონის გადაღებას. ამ პროექტისათვის[24] თავდაპირველად ჯარედ ბუშმა შეიმუშავა სერიები, დაწერა საპილოტე სცენარი და სერიალის ე.წ. „ბიბლია“.

2018 წლის ბოლოს სერიალის შოურანერი (ხელმძღვანელი) და აღმასრულებელი პროდიუსერი სტივენ შიფი იყო.[25] ტონი გილროი, რომელიც „განდგომილი ერთის“ თანაავტორი იყო და აკონტროლებდა ფილმის ხელახალ გადაღებებს,[26] სერიალს შეუერთდა 2019 წლის დასაწყისში, მას შემდეგ, რაც ლუნასთან ერთად სიუჟეტის პირველი დეტალები განიხილა.[5] 2019 წლის ივლისში რიკ ფამუივა ადრეულ მოლაპარაკებებს აწარმოებდა რამდენიმე ეპიზოდის გადაღებაზე, მას შემდეგ რაც იგივე გააკეთა „ვარსკვლავური ომების“ პირველ მხატვრულ (live-action) სერიალში „მანდალორელი“.[27] გილროის ჩართულობა ცნობილი გახდა ოქტომბერში, როდესაც მას უნდა დაეწერა პირველი ეპიზოდი, გადაეღო რამდენიმე და ემუშავა შიფთან ერთად;[26] 2020 წლის აპრილისთვის გილროიმ ოფიციალურად ჩაანაცვლა შიფი, როგორც შოურანერი.[8] სერიალის წინასწარი ექვსკვირიანი გადაღება დაიწყო გაერთიანებულ სამეფოში, მაგრამ მოგვიანებით გადაღება შეჩერდა და გადაიდო COVID-19-ის პანდემიის გამო.[28][29] წინასწარი წარმოება განახლდა სექტემბრისთვის, მომდევნო თვეში დაგეგმილი გადაღებების დაწყებამდე. გილროიმ, რომელიც ამ დროისათვის ნიუ-იორკში ცხოვრობდა, პანდემიის გამო არჩია არ გამგზავრებულიყო დიდ ბრიტანეთში და შესაბამისად, ვერ შეძლო სერიალის პირველი ეპიზოდის გადაღება. მის მაგივრად პირველი სამი ეპიზოდის რეჟისორად დაიქირავეს ბრიტანელი ტობი ჰეინსი, რომელიც უკვე იყო სერიალის პოტენციური რეჟისორების პრიორიტეტულ სიაში. გილროი დარჩა აღმასრულებელი პროდიუსერის და შოურანერის ამპლუაში.[30] Lucasfilm-ის პრეზიდენტმა კეთლინ კენედიმ 2020 წლის დეკემბერში გამოაცხადა სერიალის სათაური, „ანდორი“ და სერიალის გამოსვლის თარიღად 2022 წელი დაასახელა. ცნობილი გახდა, რომ ლუნა იქნებოდა 12-ეპიზოდიანი სერიალის აღმასრულებელი პროდიუსერი.[31][32] 2021 წლის თებერვალში ბენ კარონი და სუზანა უაიტი დამატებით რეჟისორებად,[33][34] ხოლო სანე ვოლენბერგი და მიშელ რეივანი აღმასრულებელ პროდიუსერებად დაინიშნენ.[33]

2022 წლის თებერვალში სტელან სკარსგარდმა გაამჟღავნა, რომ სერიალს მეორე სეზონი ექნებოდა, რომლის გადაღებები 2022 წლის ბოლოს უნდა დაწყებულიყო.[35] აპრილში კინემატოგრაფმა ადრიანო გოლდმენმა აღნიშნა, რომ თავდაპირველად სერიალის ხუთი სეზონი იყო დაგეგმილი, თუმცა ახლა მოსალოდნელი იყო მის სამ სეზონამდე შემცირება.[36] ერთი თვის შემდეგ, Star Wars Celebration-ზე ლუკასფილმმა დაადასტურა მეორე 12 ეპიზოდიანი სეზონი.[37] გილროიმ განმარტა, რომ თავდაპირველი ხუთი სეზონის გეგმა ფიზიკურად შეუძლებლად მიიჩნიეს სერიალის მასშტაბების გამო[38] და სამაგიეროდ, მიხვდნენ, რომ შეეძლოთ სერიალის დასრულება კიდევ ერთი სეზონით, რომელიც უშუალოდ „განდგომილი ერთის“ მოვლენებთან მიგვიყვანდა.[37][38][39]

სცენარი რედაქტირება

გილროისა და შიფის გარდა, სერიალის ავტორები არიან ბო უილიმონი და გილროის ძმა დენი.[8][40] გილროიმ თავის გუნდს მოუწოდა, გვერდზე გადაედოთ პირადი პატივისცემა და ნოსტალგია „ვარსკვლავური ომების“ მიმართ, იმის შიშით, რომ ასეთ დამოკიდებულებას შეეძლო შეეცვალა მათი ქცევა და მუშაობა.[41] გილროის სურდა, რომ სერიალი გასაგები ყოფილიყო ყველა მაყურებლისთვის და არა მხოლოდ „ვარსკვლავური ომების“ თაყვანისმცემლებისთვის, იმ იმედით, რომ ფანები შეძლებდნენ სერიალის ყურებას მეგობრებთან და ოჯახის წევრებთან ერთად, რომლებიც არ იყვნენ დაინტერესებულნი ფრენჩაიზის დანარჩენი ნაწილით.[6] ლუნამ აღფრთოვანება გამოხატა სერიალში ანდორის პერსონაჟის უკეთ გამოვლენის ხელშეწყობისათვის „განდგომილი ერთის“ გადაღების მწარე გამოცდილების შემდეგ, რომელშიც პერსონაჟი კვდება.[32] იმის გამო, რომ „ანდორი“ არის ფილმის პრიქუელი, ლუნამ თქვა, რომ „სასიამოვნო იყო ისტორიაში ჩართვა, [რომლის] დასასრული უკვე იცი. ახლა შეგიძლია [შეავსო] ნიუანსები და დეტალები. ვფიქრობ, რომ სასიამოვნოა რაღაცის გაკეთება, რაც კი არ სრულდება, არამედ ხანგრძლივდება.“[42] ლუნამ შეძლო შეეთავაზებინა პერსონაჟის წინაისტორიის ელემენტები, რომლებიც მან მოიფიქრა ფილმის გადაღების დროს[6] და მადლობელი იყო, რომ გილროიმ პერსონაჟი ლტოლვილად აქცია.[5] მან განმარტა: „ეს არის მიგრანტის მოგზაურობა, რაც ჩემთვის ყველაფერია, საიდანაც მოვდივარ. ეს გრძნობა, რომ იძულებული ხარ, იმოძრავო, ძალიან საფუძვლიანად დგას ამ ამბის უკან“.[6] ლუნა გრძნობდა, რომ ამის გამო „ძნელი იყო იმის გარკვევა, თუ საიდან მოდის“ და გრძნობდა, რომ ანდორს სურდა „ეპოვა შესაძლებლობები, თავისუფლება, შანსები, რომელიც მისი დაბადების ადგილას ვერ იპოვა“.[43]

პირველი სეზონი იწყება „განდგომილი ერთის“ სიუჟეტამდე ხუთი წლით ადრე და მოგვითხრობს ანდორის ისტორიის ერთი წლის შესახებ, როდესაც იგი პირველად ხდება ამბოხებული. მეორე სეზონი მოიცავს მომდევნო ოთხი წლის ამბავს, რომელიც პირდაპირ მიგვიძღვის ფილმის მოვლენებთან.[6][39] გილროიმ ორი სეზონი რომანის ორ ნახევრად მიიჩნია და შოუს დასაწყისი აღწერა, როგორც „ძალიან მარტივი, თითქმის film noir სიტუაცია ქურდისთვის [ანდორისთვის]. საძაგელი ტიპი დიდ ხათაბალაში ეხვევა და ცდილობს. გაყიდოს რაღაც თავისი უკანალის გადასარჩენად“.[6] ლუნამ თქვა, რომ სერიალი ეხებოდა ამბოხის დაწყებას[32] და თქვა, რომ მნიშვნელოვანია აღმოვაჩინოთ „რევოლუციონერები, რომლებიც შეიძლება გავხდეთ, რათა შევცვალოთ რამე, შევაჩეროთ ომი, ვაქციოთ ეს სამყარო საცხოვრებელ ადგილად“, რაც, მისი აზრით, მართებული იყო რეალური სამყაროსათვისაც.[6] გილროიმ თქვა: „ამ ბიჭმა სიცოცხლე გალაქტიკისთვის გაიღო, არა? ვგულისხმობ, მან შეგნებულად, ფხიზლად, პატივმოყვარეობისა და აღიარების გარეშე გასწირა თავი. ვინ აკეთებს ამას?“ მას სურდა, მიმოეხილა ეს იდეა პირველ სეზონში, დაწყებული იმით, რომ ანდორი „ნამდვილად რევოლუციის მოძულე, ცინიკური, დაკარგული და არეული ადამიანი იყო“. სეზონი გვიჩვენებს ანდორის სამშობლოს განადგურებას, როდესაც ის ბავშვი იყო და შემდეგ დაფუძნებულია ამბებზე პლანეტისა, რომლის მოქალაქეებმაც ანდორი იშვილეს და რომელიც რადიკალიზებულია გალქტიკური იმპერიის წინააღმდეგ..[5]

ლუნამ და გილროიმ თქვეს, რომ სერიალი იყო იმის შესახებ, თუ „როგორ შეუძლიათ უუფლებო პირებს გამოიწვიონ ცვლილება“.[43] თანავარსკვლავმა ფიონა შოუმ გილროის პოლიტიკური კომენტარები სცენარებში აღწერა, როგორც „დიდი, შეურაცხმყოფელი შეტევა ტრამპისეულ სამყაროზე“ და დასძინა, რომ „ახლა ჩვენი სამყარო სხვადასხვა ადგილას ირყევა, ხალხის უფლებები ქრება და „ანდორი“ ამას ასახავს. [შოუში] იმპერია დამპყრობელია და თითქოს იგივე ხდება რეალობაშიც“.[44] იმავდროულად, გოუმ განაცხადა, რომ სერიალში მისი პერსონაჟის ამბავი ეხება გენდერულ პოლიტიკას, ხოლო გილროიმ განმარტა, რომ „ჩვენ ძალიან, ძალიან, ძალიან ჩავუღრმავდებით სიუჟეტის იმპერიულ მხარეს“.[13] პირველი სამი ეპიზოდის შემდეგ, რომელიც ანდორის ისტორიით იწყება, მეოთხე სერიაში სერიალის მასშტაბები ფართოვდება და მოიცავს მის დანარჩენ ფართო სამსახიობო ანსამბლის წევრებს, როგორიცაა მაგალითად მეამბოხე ლიდერი მონ მოთმა, რომლის გზაც ანდორთან მეორე სეზონში გადაიკვეთება. გილროი ფიქრობდა, რომ „ვარსკვლავური ომების“ ფანები სერიალის ყურების შემდეგ მოთმას ახლებურად დაინახავდნენ და დასძინა, რომ სერიალის ძირითადი პერსონაჟები და მოვლენები, იმაზე მეტად განსხვავებული ან „უფრო საინტერესო“ იქნებოდა, ვიდრე ფანებს აქამდე წარმოედგინათ: „რასაც აქამდე გეუბნებოდნენ Wookieepedia-ში, სინამდვილეში, არასწორია“.[6]

დიზაინი რედაქტირება

სერიალის დიზაინერი ლუკ ჰოლი იყო და დაახასიათა ის,[45] როგორც „ძალიან კინომატოგრაფიული“.[32] ნილ სკანლანი ქმნიდა არსებებისა და დროიდების ეფექტებს, ის ასევე მუშაობდა ვარსკვლავური ომების ფილმებზეც, მათ შორის იყო Rogue One.[46] მან თქვა, რომ გუნდი ისე მუშაობდა სერიალზე, როგორც ფილმებზე[32] და გილროის ჩართვის დამსახურებით ვარსკვლავური სერიალი ჩაჭდებოდა ამავე „ისტორიის ჯიბეში“, რომელშიც „განდგომილი ერთი“, „ცოტათი უფრო მძიმე ტონით“, ვიდრე ფრენჩაზის სხვა პროექტები.[46] სკანლანმა დაამატა, რომ ფილმებისთვის ადრე შექმნილი და გამოუყენებელი არსებები შეიძლება დაბრუნდნენ სერიალში,[47] ახლად შექმნილ არსებებთან ერთად.[32] ქალაქის სეტი, რომელიც ადრია არხონას თქმით ხუთი კვარტლის სიგრძისაა, სპეციალურად აშენდა სერიალისთვის.[48]

კასტინგი რედაქტირება

2018 წლის ნოემბერში დადასტურდა, რომ დიეგო ლუნა დაუბრუნდებოდა კასიან ანდორის როლს.[24] 2019 წლის აპრილში დადასტურდა ალან ტუდიკის დაბრუნება K-2SO-ის როლზე.[49] 2020 წელს კასტს შეუერთდნენ კაილ სოლერი, სტელან სკარსგარდი, ჯენევიევ ო'რილი და დინის გოუ. ო'რილი დაუბრუნდა მონ მოთმას როლს.[8][50] ადრია არხონა შეუერთდა პროექტს 2020 წლის აგვისტოში[51] და ფიონა შოუს სერიალში გამოჩენა დაანონსდა ამავე წლის დეკემბერში,[31] ტუდიკმა დაადასტურა, რომ ის არ გამოჩნდებოდა პირველ სეზონში სცენარის ცვლილების გამო, მაგრამ მონაწილეობას მიიღებდა მომავალ სეზონებში.[52] 2021 წლის ივნისში კასტს შეემატა რობერტ ემსი,[19] როცა სკარსგარდმა დაადასტურა, რომ ფორესტ უიტეკერი დაუბრუნდებოდა სო გერერას როლს.[17] 2022 წლის თებერვალში დეივიდ ჰეიმანმა დაადასტურა, რომ ისიც მონაწილეობდა გადაღებებში, მას შემდეგ, რაც ფანებმა ის სეტზე შეამჩნიეს.[20] პირველს სეზონს ჰყავს 200-ზე მეტი მსახიობი და 6000-ზე მეტი დამატებითი კასტის წევრი.[32]

გადაღებები რედაქტირება

გადაღებები დაიწყო ლონდონში 2020 წლის ნოემბრის მიწურულს,[42][53] Pinewood Studios-ის პროდუქციით.[54][55] სერიალს იღებდნენ „პილიგრიმის“ სახელით[54] და იყო ვარსვლავური ომების პირველი სერიალი, რომელიც არ იყენებდა სტეიჯკრაფტის ციფრული ფონის ტექნოლოგიას – გადაღებები მიმდინარეობდა ლოკაციებსა და დიდ სეტებზე. ლუნას თქმით, გადაღებების განსხვავებულმა მეთოდებმა სერიალი დაამსგავსა „განდგომილ ერთს“, რომლის გადაღების სტილი განსხვავებული იყო „ვარსკვლავური ომების“ სხვა ფილმებისგან.[56] ტობი ჰეინსმა გადაიღო პირველი სამი სერია,[30] ბენ კერონმა, სუზანა უაიტმა და ჰეინსმა, თითომ სამ-სამი ეპიზოდი გადაიღეს.[10][34] ჯონათან ფრიმანი და ადრიანო გოლდმანი მუშაობდნენ კინომატოგრაფებად.[36][57] თავდაპირველად გადაღებები უნდა დაწყებულიყო 2019 წელს[24] და შემდეგ 2020 წლის ივნისში,[57] მაგრამ გადაიდო COVID-19-ის პანდემიის გამო.[29][55] გადაღებები უნდა დასრულებილიყო 2021 წლის ივლისში.[55]

2021 წლის იანვრის ბოლოს დიდი სოფლის სეტი აშენდა პატარა მარლოუში, ბაკინგემშირში, სადაც გადაღებები აპრილამდე გაგრძელდა.[58] აპრილში გადაღებები მიმდინარეობდა კორიტონის გადამამუშავებელ ქარხანაში კორინგჰემში, ესექსში[59] და აღმოსავლეთ ლონდონში, კანარის ნავსაშენში,[60] სადაც ელიზაბეტის ლაინის ხიდის ქვემო პლაზა გამოიყენეს, როგორც იმპერიული უშიშროების ბიუროს შესასვლელი კორუსანტზე. კანარის ნავსაშენზე გადაღებები მიმდინაროებდა „განდგომილი ერთისთვისაც“. ბარბიკანის ცენტრის ბეტონის ბილიკები გამოიყენეს კორუსანტის შენობების განსახიერებისათვის. გადაღებები რამდენიმე დღეს გაგრძელდა კლევლეიზე, ფილდის სანაპიროზე, ლანკაშირში მაისის დასაწყისში.[54] ამას მოჰყვა გადაღებები უინსპიტის მიტოვებულ კარიერში, დორსეტში.[61][62] გადაღებები სულ მცირე ერთი კვირა გაგრძელდა ბლექ პარკში, ბაკინგემშირში, მაისის ბოლოს.[63][64] მაისის ბოლოსვე გადაღებები გადავიდა გლენ ტილტში, პერტშირში, შოტლანდიაში, სადაც ის ივნისის ბოლომდე გაგრძელდა.[65][66] დაახლოებით 500 ადამიანი იღებდა მონაწილეობას გადაღებებში ობამში, კრუჩანის კაშხალთან ახლოს. აქ გადაღებები დაიწყო 18 ივნისს, კაშხლის ირგვლივ აშენებულ სეტებსა და მის გვირაბებში.[20][67] 22 ივნისიდან 23 ივნისამდე გადაღებები მიმდინარეობდა მიდლ პიკის კარიერში, დერბიშაირში, უირკოსუორთთან ახლოს.[68][69] გადაღებების დასრულება მოსალოდნელი იყო 2021 წლის შუა რიცხვებში[19] და ლუნამ დაადასტურა, რომ ის დასრულებული იყო 27 სექტემბრისთვის.[70]

მეორე სეზონის გადაღებები დაიწყო 2022 წლის 21 ნოემბერს და გაგრძელდება 2023 წლის აგვისტომდე.[71] გილროის მიაჩნია, რომ პოსტ-პროდუქციას ერთი წელი დასჭირდება, როგორც პირველ სეზონზე.[72] სერიებს კვლავ გადაიღებენ სამ-სამ სერიიან „ბლოკებად“ და თითო „ბლოკით“ ამბავი ერთი წლით მიუახლოვდება „განდგომილი ერთის“ მოვლენებს.[10] გილროიმ განაცხადა, რომ ის, თავად, არ გადაიღებს სერიებს პროდიუსერობის გამო.[41] არიელ კლეიმანი, იანუს მეტცი და ალონსო რუისპალასიოსი გადაიღებენ მეორე სეზონს, კეილმანი გადაიღებს ექვს ეპიზოდს.[21]

მუსიკა რედაქტირება

გილროი 2020 წელს გადაღებების დაწყებამდე დაუკავშირდა ნიკოლას ბრიტელს სერიალისთვის მუსიკის შექმნის შესახებ, რათა მას გადაღებების დაწყებამდე შეექმნა წყარო მუსიკა. გილროი და ბრიტელი, რომლებიც მეზობლები არიან მანჰეტენში, პროექტისათვის ერთმანეთს პირველად შეხვდნენ 2020 წლის აგვისტოში. კენედის და გილროის სურდათ, რომ სერიას უნიკალური ჟღერადობა ჰქონოდა, ბრიტელმა კი თქვა, რომ ეს იქნებოდა „საორკესტრო-პლუსი“ „ბგერების ყველაზე ფართო დიაპაზონით“, რაც მას ოდესმე შეუქმნია. მან დაამატა, რომ სერიალის ფართო მასშტაბი ნიშნავს, რომ „ყველა ეპიზოდს აქვს ახალი მოთხოვნები, ახალი მუსიკა და ახალი იდეები. მნიშვნელოვანია, რომ სიუჟეტის განვითარებასთან ერთად მუსიკაც განვითარდეს.“[73] 2022 წლის თებერვალში ბრიტელი საჯაროდ დასახელდა სერიალის მთავარ კომპოზიტორად,[74] მაისში ის ჯერ კიდევ კომპოზიციაზე მუშაობდა, როდესაც თქვა, რომ ისინი „მუშაობდნენ უწყვეტად თვეების განმავლობაში, შეიძლება ითქვას წლების განმავლობაში“. ჩაწერა მიმდინარეობდა AIR Lyndhurst studios-ში, ლონდონში, სრული ორკესტრით. ბრიტელმა ვერ შეძლო ლონდონში გამგზავრება პანდემიის გამო, მაგრამ იქ ჰყავდა გუნდი, რომელიც ასევე მუშაობდა მასთან სხვა სატელევიზიო სერიალებზე.[73]

მარკეტინგი რედაქტირება

კლიპების მონტაჟი, რომელშიც ასახულია წინასწარი წარმოებისა და გადაღების შესახებ სცენის მიღმა კადრები, გამოქვეყნდა 2020 წლის დეკემბერში, დისნეის ინვესტორების დღის პრეზენტაციაზე, როდესაც კენედიმ ოფიციალურად გამოაცხადა სერიალის სათაური და მსახიობები.[31][32] გილროიმ, ლუნამ და ო'რილიმ სერიალი წარადგინეს 2022 წლის მაისში Star Wars Celebration-ზე, სადაც ნაჩვენები იქნა პირველი თიზერული თრეილერი.[37][39] The Hollywood Reporter-ის აარონ კაუჩმა თქვა, რომ ის აჩვენებდა „ვარსკვლავური ომების“ სამყაროს „სერიოზულ მხარეს“.[75] დანიელ ჩინმა The Ringer-იდან განაცხადა, რომ სერიალს უნიკალური იდენტობა და უფრო ბნელი ელფერი აქვს „ვარსკვლავური ომების“ ფრენჩაიზში და თქვა, რომ თიზერი „ასახავს იმპერიის წინააღმდეგ აჯანყების ფორმირების წლებს“.[76] რაიან სკოტმა /Film-იდან თქვა, რომ თიზერმა წარმოადგინა „ამ დრომდე ყველაზე ყოვლისმომცველი ხედვა შოუზე“. მან თქვა, რომ სერიალს შეუძლია აჯანყებულების ქცევის პრინციპების განხილვა და მიუხედავად იმისა, რომ ისინი ჩვეულებისამებრ გმირებად აღიქმებიან, იქ ასევე არის „ბევრი ნაცრისფერი ზონა, რომელიც გამოაშკარავებას მოითხოვს“.[77] CNET-ისათვის წერისას შონ კინი ფიქრობდა, რომ თრეილერმა ბევრი რამ არ გამოააშკარავა, მაგრამ „შოუს შპიონაჟის დამაინტრიგებელი ხასიათი მისცა“.[78]

ლუნამ ოფიციალური თრეილერი „დილა მშვიდობისა ამერიკაში“ 1 აგვისტოს წარადგინა.[79] ჰეტი ლინდერტმა The A.V. Club-იდან ხაზი გაუსვა თრეილერში არსებულ მძაფრს სცენებს და თქვა: „ეპიკური მასშტაბისა და ბნელი ხასიათის გარდა, სერიალი ასევე გვპირდება ინტენსიურ საბრძოლო სცენებს, რომლებიც შექმნილია მწვანე ეკრანის შეზღუდული გამოყენებით“ და ასევე აღნიშნა გილროის გამოცდილება მძაფრსიუჟეტიან ფილმებში მისი „ჯეისონ ბორნის“ ფილმებზე მუშაობის გამო.[80] The Hollywood Reporter-ის ჯეიმზ ჰიბერდმა ისიამოვნა თიზერთან შედარებით თრეილერში ანდორის გაზრდილი საეკრანო დროით და თვლიდა, რომ სერიალი იყო „მისასალმებელი სასცენო ცვლილება კომპანიის ადრინდელი „ვარსკვლავური ომების“ შოუებთან შედარებით“.[81] CNN-ზე სკოტი ენდრიუმ თქვა, რომ ეს შოუ „ცოტა მეტს გვეუბნება ანდორის ჩვეულებრივი ქურდიდან გალაქტიკურ მარტვილამდე ევოლუციაზე“.[82] ლუნამ და კენედიმ სერიალი 2022 წლის D23 Expo გამოფენაზე წარადგინეს,[83] რის შემდეგაც CNET-ის კინი წერდა: „თრეილერი საკმაოდ ულმობელ სიტუაციას ასახავს რევოლუციონერი მებრძოლის კასიან ანდორისა და მისი მეგობრებისთვის, ხოლო იმპერიის და სტორმტრუპერების წინააღმდეგ ბრძოლა ჰგავს სიკვდილისკენ ცალმხრივ ბილეთს“.[84] იმავდროულად, Collider-ის რეიჩელ ლეიშმანმა განაცხადა, რომ თრეილერი „გვიჩვენებს ცოტა მეტს თუ სად არის აჯანყება და ვინ ებრძვის იმპერიას“. იგი აღფრთოვანებული იყო შოუში იმპერიის ასახვით და წერდა: „ამ პატარა მისიების და იმ გრძნობების დანახვა, რომელიც ამბოხებულებს აქვთ იმპერიის მიმართ, იმდენად იდეალურად ემთხვევა იმას, რაც ჩვენ ვიცით კასიანზე, რომ ამ თრეილერმა შოუს მიმართ ნამდვილად მღელვარე მოლოდინები გაგვიჩინა“.[85]

გამოსვლა რედაქტირება

„ანდორის“ პრემიერა Disney+-ზე 2022 წლის 21 სექტემბერს შედგა პირველი სამი ეპიზოდით. პირველი 12 ეპიზოდიანი სეზონის დარჩენილი ნაწილი გამოდიოდა ყოველკვირეულად,[79] 2022 წლის 23 ნოემბრამდე.[86] სერიალის დებიუტი მოსალოდნელი იყო 2021 წელს,[87] სანამ COVID-19 პანდემიამ წარმოება არ შეაფერხა.[29] თავდაპირველად მისი პრემიერა 31 აგვისტოს იყო დაგეგმილი ორი ეპიზოდით.[37] 2022 წლის ნოემბერში Disney-მ გამოაცხადა, რომ პირველი სეზონის პირველი ორი ეპიზოდი გამოვიდოდა ABC-ზე 23 ნოემბერს, FX-ზე 24 ნოემბერს და Freeform-ზე 25 ნოემბერს, ხოლო Hulu-ზე ხელმისაწვდომი იქნებოდა 23 ნოემბრიდან 7 დეკემბრის ჩათვლით.[88] ევროპის სხვადასხვა ქვეყანაში, მათ შორის პორტუგალიაში, ესპანეთში, პოლონეთსა და ნიდერლანდებში, მსგავსად დაიგეგმა პირველი ორი ეპიზოდის ეთერში გაშვება Fox-ზე, 24 ან 25 ნოემბერს.[89]

მეორე სეზონი ასევე შედგება 12 ეპიზოდისგან,[37] რომელიც გილროის მოლოდინით გამოვა 2024 წლის ბოლოს.[72]

გამოხმაურება რედაქტირება

ნახვის სტატისტიკა რედაქტირება

Whip Media-ს აპლიკაციის TV Time მიხედვით, რომელიც სატელევიზიო პროგრამების ნახვებს აღრიცხავს, 2022 წლის სექტემბრისთვის „ანდორი“ მე-2 ადგილზე იყო იმ სატელევიზიო სერიალებს შორის, რომლებსაც მაყურებელი ყველაზე მეტად ელოდებოდა.[90] სტრიმინგის აგრეგატორ JustWatch-ის მიხედვით, „ანდორი“ აშშ-ის ტერიტორიაზე ყველა პლატფორმაზე ყველაზე უფრო ყურებადი სერიალი იყო 2022 წლის 25 სექტემბრის კვირაში,[91] მე-7 ადგილზე 2022 წლის 7 ნოემბრიდან 13 ნოემბრამდე,[92] ხოლო მე-6 14-20 ნოემბრის კვირაში.[93] Reelgood-ის მიხედვით, „ანდორი“ 2022 წლის 28 სექტემბრის კვირაში ყველაზე უფრო ყურებადი პროგრამა იყო ყველა პლატფორმაზე,[94][95][96] 5 ოქტომბრის და 14 ოქტომბრის კვირებში მე-3 ადგილზე გადაინაცვლა,[97][98][99] 26 ოქტომბრის კვირაში მე-7 იყო,[100] ხოლო 11 ოქტომბრისთვის მე-8.[101]

Whip Media-ს მიხედვით, აშშ-ის ყველა პლატფორმაზე „ანდორი“ ყველაზე ყურებად ორიგინალურ სერიალებს შორის მე-3 ადგილზე იყო 2022 წლის 16 ოქტომბრის,[102] 23 ოქტომბრის,[103] 30 ოქტომბრის,[104] 6 ნოემბრის,[105] 13 ნოემბრის,[106] 20 ნოემბრის[107] და 27 ნოემბრის შესაბამის კვირებში.[108]

კრიტიკული გამოხმაურება რედაქტირება

მიმოხილვების აგრეგატორის, ვებგვერდ Rotten Tomatoes მიხედვით, სერიალის შეფასებების 96% დადებითია, საშუალო რეიტინგია 8.50/10, რაც 580 კრიტიკოსის მიმოხილვას ეყრდნობა. ვებსაიტის კრიტიკული კონსენსუსის მიხედვით „ანდორი“ შეფასებულია, როგორც „სერიოზული თავგადასავალი, რომელიც იმპერიის მმართველობის მიწიერი პერსპექტივიდანაა მოთხრობილი, ... გამორჩეულად მოწიფული და პოლიტიკური დანამატი „ვარსკვლავური ომების“ მითოსში – და ჯერჯერობით, ერთ-ერთი საუკეთესო“.[4] ვებგვერდი Metacritic, რომელიც შეწონილ საშუალოს იყენებს, სერიალს 74/100 ქულას ანიჭებს 31 კრიტიკოსზე დაყრდნობით, რაც „ზოგადად დადებით გამოხმაურებაზე“ მიუთითებს.[109]

ოთხვარსკვლავიან მიმოხილვაში The Guardian-მა „ანდორს“ უწოდა „საუკეთესო შოუ „ვარსკვლავური ომებიდან“ „მანდალორელის“ შემდეგ“,[110] ხოლო Variety-მ დადებითად შეფასა „ანდორის“ გამორჩეულობა „ვარსკვლავური ომების“ სხვა პროექტებისგან იმით, რომ იგი არის „ამბავი ხალხზე, რომლებსაც არაფერი აქვთ საერთი სოლოებთან, სკაიუოკერებთან და პალპატინებთან, მაგრამ მათი ცხოვრება მაინც მნიშვნელოვანია“.[111]

„ანდორი“ არაერთი გამოცემის პირველ ათეულში მოხვდა, როგორც „2022 წლის ერთ-ერთი საუკეთესო“, მათ შორის იყო IGN, Polygon, USA Today, Vulture,[112] Empire[113] და სხვები.

ჯილდოები რედაქტირება

Accolades received by Andor
ჯილდო წელი კატეგორია ნომინანტი Result წყარო
რეჟისორთა გილდიის ჯილდო 2023 ბრწყინვალე პროდუქტის დიზაინი ერთი კამერით გადაღებული ერთსაათიანი ფენტეზის ჟანრის სერიალისთვის ლუკ ჰალი (ეპიზოდისთვის „რიქსის გზა“) მოსალოდნელია [114]
ბრიტანეთის კინემატოგრაფთა საზოგადოების ჯილდო 2022 საუკეთესო კინემატოგრაფია სატელევიზიო დრამაში ადრიანო გოლდმანი (ეპიზოდისთვის „ერთი გზა გარეთ“) მოსალოდნელია [115]
კრიტიკოსების რჩეული 2023 საუკეთესო დრამატული სერიალი „ანდორი“ ნომინირებული [116]
საუკეთესო მსახიობი მამაკაცი დრამატულ სერიალში დიეგო ლუნა ნომინირებული
ოქროს გლობუსი 2023 საუკეთესო სატელევიზიო მსახიობი დრამატულ სერიალში დიეგო ლუნა ნომინირებული [117]
ოქროს ლენტის დაჯილდოება 2023 გამორჩეული მიღწევა ხმის რედაქტირებაში – გრძელი ფორმის ეფექტები და ფოლი დეივიდ ეკორდი, მარგიტ პფაიფერი, ჯ. რ. გრაბსი, შონ ფარლი, ჯონ როუში, შელი როდენი (ეპიზოდისთვის „გამოფხიზლება“) მოსალოდნელია [118]
ამერიკის პროდიუსერთა გილდიის ჯილდო 2023 ეპიზოდური დრამატული სატელევიზიო პროდუქტის პროდიუსერი „ანდორი“ მოსალოდნელია [119]
ტელე-კინო მსახიობების გილდიის ჯილდო 2023 კასკადიორთა ანსამბლის საუკეთესო პერფორმანსი სატელევიზიო სერიალში „ანდორი“ მოსალოდნელია [120]
კომპოზიტორთა და ტექსტის ავტორთა საზოგადოების ჯილდო 2023 გამორჩეული მუსიკა სატელევიზიო პროექტისთვის ნიკოლას ბრიტელი მოსალოდნელია [121]
ვიზუალური ეფექტების საზოგადოების ჯილდო 2023 გამორჩეული ხელოვნურად შექმნილი გარემო ეპიზოდის, რეკლამის ან რეალითი პროექტისთვის პედრო სანტოსი, კრის ფორდი, ჯეფ კარსონ-ბარცისი, ალექს მურტაზა (ეპიზოდისთვის „გამოფხიზლება“: ფერიქსი) მოსალოდნელია [122]
ამერიკის მწერალთა გილდიის ჯილდო 2023 დრამატული სერიალი დენ გილროი, ტონი გილროი, სტივენ შიფი და ბო უილიმონი მოსალოდნელია [123]
ახალი სერიალი მოსალოდნელია

რესურსები ინტერნეტში რედაქტირება

სქოლიო რედაქტირება

  1. Hibberd, James. (2023-06-08) How 'Andor' Broke Star Wars Rules to Reinvent Sci-Fi TV. ციტირების თარიღი: 2023-06-20
  2. Andor: Season 1 Review en (November 28, 2022). ციტირების თარიღი: December 16, 2022
  3. Del Barco, Mandalit. Movie Review: 'Andor'. NPR (November 23, 2022). ციტირების თარიღი: December 16, 2022
  4. 4.0 4.1 თარგი:Cite Rotten Tomatoes
  5. 5.0 5.1 5.2 5.3 5.4 Breznican, Anthony. (May 17, 2022) Star Wars: The Rebellion Will Be Televised. ციტირების თარიღი: May 17, 2022
  6. 6.00 6.01 6.02 6.03 6.04 6.05 6.06 6.07 6.08 6.09 Breznican, Anthony. (May 23, 2022) 'Andor' Star Wars Series: "What You Know Is Really All Wrong". ციტირების თარიღი: May 28, 2022
  7. 7.00 7.01 7.02 7.03 7.04 7.05 7.06 7.07 7.08 7.09 7.10 7.11 Saavedra, John. (September 21, 2022) Andor Cast: Meet the New Star Wars Characters. ციტირების თარიღი: September 21, 2022
  8. 8.0 8.1 8.2 8.3 Kit, Boris. (April 24, 2020) 'Star Wars': Cassian Andor Disney+ Series Adds Two Actors (Exclusive). ციტირების თარიღი: May 27, 2022
  9. 9.0 9.1 Maytum, Matt. (August 17, 2022) Exclusive: First look at Kathryn Hunter's character in Andor. GamesRadar+. ციტირების თარიღი: August 17, 2022
  10. 10.0 10.1 10.2 Travis, Ben. (July 4, 2022) Andor: Tony Gilroy Explains Star Wars' Rogue One Prequel Series' Epic Five-Year Structure – Exclusive Image. ციტირების თარიღი: July 8, 2022
  11. Edwards, Molly. (August 1, 2022) From the Senate to Saw Gerrera, 7 major talking points from the Andor trailer. GamesRadar+. ციტირების თარიღი: August 5, 2022
  12. Scott, Lyvie. (August 1, 2022) Andor Trailer Breakdown: This Is What The Revolution Looks Like. ციტირების თარიღი: August 2, 2022
  13. 13.0 13.1 Edwards, Molly. (August 18, 2022) Andor actor Denise Gough on how her character arc addresses gender politics in the age of Palpatine. GamesRadar+. ციტირების თარიღი: August 19, 2022
  14. Sarkisian, Jacob. (August 1, 2022) Star Wars spin-off Andor confirms bumper launch with first look trailer – but there's a catch. ციტირების თარიღი: August 1, 2022
  15. Perez, Rodrigo. (August 11, 2022) 'The Bear': Ebon Moss-Bachrach On The "High-Sodium Volatility" Of FX's Dysfunctional Family Restaurant Series [Interview]. ციტირების თარიღი: August 13, 2022
  16. Lovitt, Maggie. How 'Andor' Reintroduced 'Rogue One's Rebel Sergeant Melshi (November 9, 2022). ციტირების თარიღი: November 16, 2022
  17. 17.0 17.1 Stellan Skarsgård: "Därför tar jag inte betalt för vissa roller" (June 10, 2021). ციტირების თარიღი: June 10, 2021
  18. Frew, Cameron. (September 28, 2022) Andor Episode 4 review: Cassian meets the Rebels. ციტირების თარიღი: October 5, 2022
  19. 19.0 19.1 19.2 Wiseman, Andreas. (June 4, 2021) 'Andor': 'Chernobyl' & 'His Dark Materials' Actor Robert Emms Joins 'Rogue One' Spin-Off Series Filming in UK. ციტირების თარიღი: June 4, 2021
  20. 20.0 20.1 20.2 English, Paul. (February 27, 2022) Actor David Hayman filming new Star Wars series was rumbled by Oban locals. ციტირების თარიღი: March 27, 2022
  21. 21.0 21.1 Lovitt, Maggie. (November 3, 2022) 'Andor's Season 2 Directors Revealed by Series Creator Tony Gilroy [Exclusive]. ციტირების თარიღი: November 23, 2022
  22. Stanhope, Kate; Jarvey, Natalie. 'Star Wars' Live-Action TV Series to Launch on Disney Streaming Service (November 9, 2017). ციტირების თარიღი: May 27, 2022
  23. Goldberg, Lesley; Couch, Aaron. 'Star Wars' TV Series: Disney Developing 'a Few' for Its Streaming Service (February 6, 2018). ციტირების თარიღი: August 1, 2018
  24. 24.0 24.1 24.2 Lang, Brent. (November 8, 2018) 'Star Wars': Diego Luna to Lead Spinoff Series. ციტირების თარიღი: December 1, 2018
  25. Andreeva, Nellie. (November 30, 2018) Disney+ 'Star Wars' Series Starring Diego Luna Taps Stephen Schiff As Showrunner. ციტირების თარიღი: June 9, 2019
  26. 26.0 26.1 Otterson, Joe. (October 15, 2019) 'Rogue One' Writer Tony Gilroy Joins Cassian Andor 'Star Wars' Series at Disney Plus (Exclusive). ციტირების თარიღი: April 24, 2020
  27. Fisher, Jacob. (July 11, 2019) Rick Famuyiwa in Talks To Direct Episodes Of Cassian Andor Series (Exclusive). ციტირების თარიღი: December 5, 2020
  28. KingPatel. (April 10, 2020) Exclusive: Cassian Andor Disney+ Series Had Completed About Six Weeks Of Pre-Production Prior To Shut Down. ციტირების თარიღი: December 5, 2020
  29. 29.0 29.1 29.2 Otterson, Joe. (April 24, 2020) Cassian Andor Disney Plus Series Adds Genevieve O'Reilly, Denise Gough. ციტირების თარიღი: December 5, 2020
  30. 30.0 30.1 Kroll, Justin. (September 22, 2020) 'Black Mirror's Toby Haynes To Direct 'Rogue One' Spin-Off Series at Disney+ As Tony Gilroy Steps Aside As Director. ციტირების თარიღი: September 22, 2020
  31. 31.0 31.1 31.2 Hibberd, Jame (December 10, 2020). „Rogue One prequel series gets title: Andor“. Entertainment Weekly. დაარქივებულია ორიგინალიდან — December 10, 2020. ციტირების თარიღი: December 10, 2020.
  32. 32.0 32.1 32.2 32.3 32.4 32.5 32.6 32.7 Sizzle Reel | Andor | Disney+. December 10, 2020. https://www.youtube.com/watch?v=gSW-pARyP-M.
  33. 33.0 33.1 Andor Project Profile (June 15, 2022). ციტირების თარიღი: June 17, 2022
  34. 34.0 34.1 Fisher, Jacob. (February 4, 2021) Ben Caron & Susanna White Set To Direct 'Andor' Series (Exclusive). ციტირების თარიღი: February 5, 2021
  35. Bonomolo, Cameron. (February 6, 2022) Star Wars: Andor Reportedly Renewed for Season 2 Ahead of Series Premiere. ციტირების თარიღი: February 7, 2022
  36. 36.0 36.1 Freitag, Lee. (April 23, 2022) Star Wars' Andor Series May Get 3 Seasons – And Apparently Almost Got 5. ციტირების თარიღი: April 24, 2022
  37. 37.0 37.1 37.2 37.3 37.4 Patten, Dominic; Hipes, Patrick. 'Star Wars' Series 'Andor' To Debut in August On Disney+, Gets Teaser; Season 2 To Start Filming This Fall (May 26, 2022). ციტირების თარიღი: May 26, 2022
  38. 38.0 38.1 Brail, Nathaniel. (May 27, 2022) Star Wars: Andor Showrunner Addresses Original Series Length Plans. ციტირების თარიღი: May 28, 2022
  39. 39.0 39.1 39.2 SWCA 2022: 20 Highlights from Lucasfilm's Studio Showcase (May 27, 2022). ციტირების თარიღი: May 28, 2022
  40. Andor (2021–2022). ციტირების თარიღი: June 11, 2022
  41. 41.0 41.1 Davids, Brian. 'Andor' Creator Tony Gilroy Urged His Team to Put Aside Their 'Star Wars' Reverence (September 23, 2022). ციტირების თარიღი: September 26, 2022
  42. 42.0 42.1 Paz, Maggie Dela. (December 4, 2020) Cassian Andor: Diego Luna Confirms Disney+ Series Has Begun Filming. ციტირების თარიღი: December 5, 2020
  43. 43.0 43.1 Saveedra, John. (July 20, 2022) Star Wars Andor Revives What's Been Missing from the Saga. ციტირების თარიღი: August 3, 2022
  44. Travis, Ben. (August 2, 2022) Andor Is Star Wars' 'Scurrilous Take on the Trumpian World,' Says Fiona Shaw – Exclusive Image. ციტირების თარიღი: August 3, 2022
  45. Fisher, Jacob. (April 6, 2020) Luke Hull Joins 'Cassian Andor' (Exclusive). ციტირების თარიღი: December 13, 2020
  46. 46.0 46.1 Johnson, Mia. (March 27, 2020) Neal Scanlan talks creating creatures for Star Wars, working on Cassian Andor series. დაარქივებულია ორიგინალიდან — მარტი 28, 2020. ციტირების თარიღი: December 13, 2020
  47. Scott, Ryan. (March 24, 2020) Cassian Andor Disney+ Series: Star Wars VFX Wiz Neal Scanlan Gives an Update [Exclusive]. ციტირების თარიღი: December 13, 2020
  48. Weintraub, Steve. (August 28, 2022) 'Andor's Adria Arjona on Her Relationship With Cassian Andor and the Way Tony Gilroy Created New Worlds and Characters. ციტირების თარიღი: August 30, 2022
  49. D'Alessandro, Anthony; Patten, Dominic. Alan Tudyk To Reprise K-2SO Role In 'Star Wars: Rogue One' Disney+ Series With Diego Luna; 'The Mandalorian' Gets Launch Date (April 11, 2019). ციტირების თარიღი: June 10, 2019
  50. Kroll, Justin; Otterson, Joe. Disney Plus 'Rogue One' Spinoff Adds Stellan Skarsgard, Kyle Soller (Exclusive) (April 16, 2020). ციტირების თარიღი: April 16, 2020
  51. Kroll, Justin. (August 10, 2020) '6 Underground's Adria Arjona Lands Lead Role in Disney Plus' 'Rogue One' Spin-Off Series Starring Diego Luna. ციტირების თარიღი: August 10, 2020
  52. Taylor, Drew. (January 20, 2021) 'Rogue One' Disney+ Series Won't Include K-2SO, Alan Tudyk Confirms – At Least at First. ციტირების თარიღი: January 21, 2021
  53. Peters, Jay. (December 10, 2020) Star Wars: Andor starring Rogue One's Diego Luna is coming to Disney Plus in 2022. ციტირების თარიღი: December 10, 2020
  54. 54.0 54.1 54.2 Last Traces of Star Wars Filming in Cleveleys (May 11, 2021). ციტირების თარიღი: May 17, 2021
  55. 55.0 55.1 55.2 Star Wars: Andor filming at Pinewood Studios until summer 2021. KFTV (December 8, 2020). ციტირების თარიღი: May 30, 2021
  56. Kim, Matt. (May 27, 2022) Andor Is the First Star Wars Show for Disney That 'Doesn't Lean' on StageCraft. ციტირების თარიღი: May 28, 2022
  57. 57.0 57.1 Fisher, Jacob. (February 26, 2020) Jonathan Freeman Joins 'Cassian Andor' Series (Exclusive). ციტირების თარიღი: December 5, 2020
  58. Fonseca, Maribelle. (January 20, 2021) Little Marlow Hosts New Disney+ 'Star Wars' Series, 'Andor'. დაარქივებულია ორიგინალიდან — იანვარი 20, 2021. ციტირების თარიღი: May 30, 2021
  59. Creed, Rebecca. (May 23, 2021) All the locations film and TV crews have been spotted shooting in Essex this year. ციტირების თარიღი: May 30, 2021
  60. Karpazli, Ertan. (September 30, 2022) Disney Andor: The Star Wars set hidden in plain sight on London Underground you will recognise as soon as you see it. ციტირების თარიღი: October 13, 2022
  61. Star Wars Andor filming takes place in Dorset quarry (May 11, 2021). ციტირების თარიღი: May 30, 2021
  62. Taylor, Michael. (May 20, 2021) Inside the 'beautiful' Dorset village near Star Wars film set. ციტირების თარიღი: May 30, 2021
  63. Ward, Jason. (May 15, 2021) Is Star Wars: Andor moving into Black Park next? Sources and new photos suggest as much!. დაარქივებულია ორიგინალიდან — მაისი 15, 2021. ციტირების თარიღი: June 4, 2021
  64. Fernandez, Miguel. (May 25, 2021) Updated With Videos Showing Actual Filming! 'Star Wars: Andor' – More Photos From the Black Park Set Revealed. ციტირების თარიღი: June 4, 2021
  65. Meiklem, Peter John. (May 25, 2021) Has Star Wars come to Perthshire as secretive film crew builds Glen Tilt base?. ციტირების თარიღი: May 30, 2021
  66. Henderson, Neil. (May 27, 2021) Star Wars: Pictures show rumoured Perthshire site of Obi-Wan Kenobi TV show. ციტირების თარიღი: May 30, 2021
  67. Campbell, Rita. (June 18, 2021) Feast your eyes on these backstage images as filming of a new Star Wars TV series begins in Argyll. ციტირების თარიღი: March 27, 2022
  68. Roberts, Alana. (June 23, 2021) Barriers erected in Derbyshire village as reports filming for new 'Star Wars TV series' to get underway. ციტირების თარიღი: July 2, 2021
  69. Star Wars series set to be filmed at quarry in Derbyshire, UK. Yahoo! News (June 16, 2021). ციტირების თარიღი: July 2, 2021
  70. Cordero, Rosy. (September 27, 2021) Diego Luna Says 'Star Wars: Andor' Has Finished Shooting, And To Expect "Familiar Faces". ციტირების თარიღი: September 27, 2021
  71. Lovitt, Maggie. (November 21, 2022) 'Andor' Season 2 Starts Filming Today and Shoots Till Next Summer [Exclusive]. ციტირების თარიღი: November 23, 2022
  72. 72.0 72.1 Taylor, Drew. (September 19, 2022) 'Andor' Season 2 Likely Won't Release Before 2024, Showrunner Tony Gilroy Suggests. ციტირების თარიღი: September 19, 2022
  73. 73.0 73.1 Burlingame, Jon. (May 27, 2022) 'Succession' Composer Nicholas Britell Enters the 'Star Wars' Universe With Music for 'Andor' (Exclusive). ციტირების თარიღი: May 28, 2022
  74. Nicholas Britell to Score Disney+'s 'Rogue One' Prequel Series 'Andor' (February 16, 2022). ციტირების თარიღი: February 16, 2022
  75. Couch, Aaron. (May 26, 2022) Andor Trailer Shows Gritty Side of Star Wars Galaxy. ციტირების თარიღი: May 26, 2022
  76. Chin, Daniel. (May 26, 2022) Lucasfilm Teases 'Andor' and the Future of 'Star Wars' TV. ციტირების თარიღი: May 26, 2022
  77. Scott, Ryan. (May 26, 2022) Andor Trailer: The Doomed Star Wars Spy Heads To Disney+. ციტირების თარიღი: May 26, 2022
  78. Keane, Sean. (May 26, 2022) 'Andor' Trailer Reveals Star Wars Spy Action, August Release Date Confirmed. CNET. ციტირების თარიღი: May 26, 2022
  79. 79.0 79.1 New Andor Trailer Goes Big On Rebel Action, And Updated Premiere Details Revealed (August 1, 2022). ციტირების თარიღი: August 1, 2022
  80. Lindert, Hattie. (August 1, 2022) Disney Plus' Andor has a new trailer and an official release date. ციტირების თარიღი: August 1, 2022
  81. Hibberd, James. (August 1, 2022) Disney+ Releases Official 'Andor' Trailer for New Star Wars Series. ციტირების თარიღი: August 1, 2022
  82. Andrew, Scottie. (August 1, 2022) 'Andor' trailer explores origins of familiar 'Star Wars' heroes. CNN. ციტირების თარიღი: August 3, 2022
  83. Tapp, Tom. (September 10, 2022) Final 'Andor' Trailer Unveiled By Diego Luna at D23. ციტირების თარიღი: September 11, 2022
  84. Keane, Sean. (September 10, 2022) See the Final Trailer for 'Andor,' the New Star Wars Rebel Origin Story. CNET. ციტირების თარიღი: September 11, 2022
  85. Leishman, Rachel. (September 10, 2022) New 'Andor' Trailer Shows the Rebellion's Rise. ციტირების თარიღი: September 11, 2022
  86. Johnson, Zach. (October 18, 2022) Everything New You Can Stream on Disney+ in November 2022. ციტირების თარიღი: October 18, 2022
  87. Pedersen, Erik; Andreeva, Nellie. Disney+ Unveils 'Lizzie McGuire' Sequel, 'Muppets' Short-Form, 'Obi-Wan Kenobi' At D23 – Full List Of Streaming Service's Programming (August 24, 2019). ციტირების თარიღი: May 27, 2022
  88. Petski, Denise. (November 14, 2022) 'Andor': First Two Episodes Of 'Star Wars' Disney+ Prequel Head To ABC, FX, Freeform & Hulu Over Thanksgiving Holiday. ციტირების თარიღი: November 14, 2022
  89. Canais FOX estreiam dois episódios de Andor (November 17, 2022). ციტირების თარიღი: November 17, 2022
  90. Prange, Stephanie. (September 1, 2022) Whip: 'The Lord of the Rings' Top New Show, 'Fate: The Winx Saga' Top Returning Show Anticipated in September. ციტირების თარიღი: October 28, 2022
  91. Gruenwedel, Erik. (September 26, 2022) JustWatch: New Disney+ Series 'Star Wars: Andor,' 'Confess, Fletch' Movie Top Weekly Streaming. ციტირების თარიღი: October 31, 2022
  92. Gruenwedel, Erik. (November 16, 2022) JustWatch: 'Don't Worry Darling', 'The Crown' Top Weekly Streaming Through Nov. 13 en-US. ციტირების თარიღი: November 16, 2022
  93. Gruenwedel, Erik. (November 22, 2022) JustWatch: 'Smile,' 'Yellowstone' Dominated Weekly Streaming Through Nov. 20 en-US. ციტირების თარიღი: November 23, 2022
  94. The most watched movies and TV of the week: 'Andor' takes the empire (October 1, 2022). ციტირების თარიღი: October 3, 2022
  95. Griffith, Eric. (September 30, 2022) Must-Watch: The Most-Streamed TV Shows and Movies This Week. ციტირების თარიღი: October 3, 2022
  96. Gruenwedel, Erik. (September 30, 2022) Reelgood: 'Star Wars: Andor' Tops Streaming Chart Through Sept. 28. ციტირების თარიღი: October 3, 2022
  97. The most watched movies and TV of the week: It's all a bunch of 'Hocus Pocus' (October 8, 2022). ციტირების თარიღი: October 11, 2022
  98. Reelgood: Disney's 'Hocus Pocus 2' Top-Streamed Content for Week Ended Oct. 5 (October 7, 2022). ციტირების თარიღი: October 11, 2022
  99. The most watched movies and TV of the week have some terrifying new entries (October 14, 2022). ციტირების თარიღი: October 14, 2022
  100. Gruenwedel, Erik. (October 28, 2022) Reelgood: Netflix's 'The Watcher' Tops Streaming Content for Second Consecutive Week. ციტირების თარიღი: October 28, 2022
  101. Griffith, Eric. (November 11, 2022) Must-Watch: The Most-Streamed TV Shows and Movies This Week. ციტირების თარიღი: November 15, 2022
  102. 'Halloween Ends,' 'She-Hulk: Attorney at Law' Top Weekly Whip U.S. Streaming Charts – Media Play News (October 18, 2022). ციტირების თარიღი: October 23, 2022
  103. Prange, Stephanie. (October 25, 2022) 'The School for Good and Evil,' 'Andor' Top Weekly Whip U.S. Streaming Charts. ციტირების თარიღი: October 26, 2022
  104. Prange, Stephanie. (November 1, 2022) 'Barbarian,' 'Andor' Top Weekly Whip U.S. Streaming Charts. ციტირების თარიღი: November 1, 2022
  105. Prange, Stephanie. (November 9, 2022) 'Enola Holmes 2,' 'Andor' Top Weekly Whip U.S. Streaming Charts en-US. ციტირების თარიღი: November 16, 2022
  106. Prange, Stephanie. (November 15, 2022) 'Enola Holmes 2,' 'Andor' Repeat Atop Weekly Whip U.S. Streaming Charts. ციტირების თარიღი: November 15, 2022
  107. Prange, Stephanie. (November 22, 2022) 'Falling for Christmas,' 'Andor' Top Weekly Whip U.S. Streaming Charts en-US. ციტირების თარიღი: November 23, 2022
  108. Prange, Stephanie. (November 30, 2022) 'Guardians' Holiday Special, 'Andor' Top Weekly Whip U.S. Streaming Charts en-US. ციტირების თარიღი: December 3, 2022
  109. თარგი:Cite Metacritic
  110. Seale, Jack. Andor review – the best Star Wars show since The Mandalorian (September 21, 2022). ციტირების თარიღი: September 26, 2022
  111. Framke, Caroline. 'Andor' Marks a Huge, and Hugely Welcome, Departure From Disney+'s Typical 'Star Wars' Model: TV Review (September 20, 2022). ციტირების თარიღი: September 26, 2022
  112. Dietz, Jason. (December 5, 2022) Best of 2022: Television Critic Top Ten Lists. Metacritic. დაარქივებულია ორიგინალიდან — დეკემბერი 16, 2022. ციტირების თარიღი: December 16, 2022
  113. Empire writers. (December 7, 2022) The Best TV Shows Of 2022. Empire. ციტირების თარიღი: December 7, 2022
  114. Haring, Bruce. Art Directors Guild Sets Nominees For 27th Annual Excellence In Production Design Awards (January 9, 2023). ციტირების თარიღი: January 9, 2023
  115. 2022 nominations for the BSC’s Cinematography in a Television Drama Award announced (26 January 2023). ციტირების თარიღი: 4 February 2023.
  116. Nordyke, Kimberly. (January 15, 2023) Critics Choice Awards: Full List of Winners. ციტირების თარიღი: January 16, 2023
  117. Nordyke, Kimberly. (January 10, 2023) Golden Globes: Full List of Winners. ციტირების თარიღი: January 11, 2023
  118. Giardina, Carolyn. (January 9, 2023) 'Everything Everywhere All At Once' Leads Sound Editors' Golden Reel Nominations. ციტირების თარიღი: January 9, 2023.
  119. Davis, Clayton (January 12, 2023). „PGA Awards Nominations: 'The Whale' and Four Blockbuster Sequels Recognized, Films Directed by Women Shut Out“. Variety. დაარქივებულია ორიგინალიდან — January 12, 2023. ციტირების თარიღი: January 12, 2023.
  120. Hipes, Patrick (January 11, 2023). „SAG Awards Nominations“. Deadline Hollywood. დაარქივებულია ორიგინალიდან — January 11, 2023. ციტირების თარიღი: January 11, 2023.
  121. Grobar, Matt. (December 22, 2022) SCL Award Nominations 2023: Guillermo Del Toro's Pinocchio, The Banshees Of Inisherin, Nope, The Batman & Don't Worry Darling To Compete For Outstanding Studio Film Score – Complete List. ციტირების თარიღი: December 23, 2022
  122. Tangcay, Jazz (January 17, 2023). Avatar: The Way of Water Leads Visual Effects Society Awards Nominations“. Variety. Penske Media Corporation.
  123. Coates, Tyler (11 January 2023). „WGA Awards 2023: 'Abbott Elementary,' 'Andor,' 'The Bear' and 'Severance' Among New Series Nominees“. The Hollywood Reporter. დაარქივებულია ორიგინალიდან — January 12, 2023. ციტირების თარიღი: 11 January 2023.