ალია ალ-ჰუსეინი
ალია ბაჰა უდ-დინ ტოუკანი (არაბ. علياء بھاء الدين طوقان; დ. 25 დეკემბერი 1948, კაირო, ეგვიპტე — გ. 9 თებერვალი 1977, ამანი, იორდანია) — იორდანიის ყოფილი დედოფალი და იორდანიის მეფე ჰუსეინის მეუღლე 1972 წლიდან მის 1977 წელს გარდაცვალებამდე, როდესაც ვერტმფრენის ჩამოვარდნის შედეგად გარდაიცვალა. ამანის საერთაშორისო აეროპორტი მის სახელს ატარებს.
| ალია ალ-ჰუსეინი | |
|---|---|
| علياء بھاء الدين طوقان | |
 | |
 იორდანიია დედოფალი | |
| მმართ. დასაწყისი: | 24 დეკემბერი 1972 |
| მმართ. დასასრული: | 9 თებერვალი 1977 |
| წინამორბედი: | მუნა ალ-ჰუსეინი |
| მემკვიდრე: | ნურ ალ-ჰუსეინი |
| მონარქი: | ჰუსეინი |
| პირადი ცხოვრება | |
| დაბ. თარიღი: | 25 დეკემბერი 1948 |
| დაბ. ადგილი: | კაირო, ეგვიპტე |
| გარდ. თარიღი: | 9 თებერვალი, 1977 (28 წლის) |
| გარდ. ადგილი: | ამანი, იორდანია |
| მეუღლე: |
ჰუსეინი (დ. 1978–99; თავის სიკვდილამდე) |
| შვილები: | |
| დინასტია: | ჰაშიმიდები |
| მამა: | საიდ ბაჰა უდ-დინ ტოუკანი |
| დედა: | ჰანან ჰაშიმი |
ბიოგრაფია
რედაქტირებაალია იყო ჰანან ჰაშიმის და საიდ ბაჰა უდ-დინ ტოუკანის ქალიშვილი, რომელიც იყო იორდანიის ყოფილი ელჩი ჯეიმზის სასამართლოში (გაერთიანებული სამეფო), იტალიაში, თურქეთსა და ეგვიპტეში.[1] ალია დაიბადა 1948 წლის 25 დეკემბერს ეგვიპტის დედაქალაქ კაიროში. მამამისი პალესტინის ქალაქ ნაბლუსიდან იყო, რომელიც დასახლდა სალთში, იორდანიის დედაქალაქ ამანთან ახლოს.[2] მუშაობდა მეფე აბდულა I-თან, რომელსაც დაეხმარა დაეწერა იორდანიის კონსტიტუცია და იყო იორდანიის პირველი ელჩი გაერთიანებული ერების ორგანიზაციაში.
ბავშვობის უმეტესობა უცხოეთში გაატარა, როდესაც მამამისი იორდანიის დიპლომატიურ კორპუსში მუშაობდა: ის ცხოვრობდა ეგვიპტეში, თურქეთში, ლონდონში, შეერთებულ შტატებსა და რომში. ესწრებოდა ლონდონის საეკლესიო სკოლას უმცროსს ძმებთან, ალასა და აბდულასთან ერთად. განათლება მიიღო რომის ლიბერალური ხელოვნების ცენტრსა და ჩიკაგოს ლოიოლას უნივერსიტეტში. სწავლობდა პოლიტიკურ მეცნიერებას, სოციალურ ფსიქოლოგიასა და საზოგადოებასთან ურთიერთობას ნიუ-იორკის ჰანტერის კოლეჯში. იგი დაინტერესდა სპორტითა და წერით, ხოლო სურდა დიპლომატი გამხდარიყო. 1971 წელს დაბრუნდა იორდანიაში, სადაც მუშაობდა იორდანიის ავიახაზებში. მეფე ჰუსეინ ბინ თალალმა მას დაავალა პირველი საერთაშორისო წყლის სათხილამურო ფესტივალის ჩატარება, რომელიც 1972 წლის სექტემბერში აკაბაში ჩატარდა.
სიკვდილი
რედაქტირებაალია 1977 წლის 9 თებერვალს ამანში, ვერტმფრენის ავარიის დროს დაიღუპა. ამანის ძირითადი აეროპორტი, დედაფალ ალიას ამანის საერთაშორისო აეროპორტის (AMM) მშენებლობა 1983 წელს დასრულდა და მისი პატივსაცემად დასახელდა.[1]
სქოლიო
რედაქტირება- ↑ 1.0 1.1 Jordan remembers Queen Alia. Jordan Times. ციტირების თარიღი: 2 May 2016.
- ↑ Death of a King; Cautious King Took Risks In Straddling Two Worlds Judith Miller, The New York Times, 8 February 1999