მთავარი მენიუს გახსნა

ალექსანდრე აფხაზი (დ. 1893 – გ. 1957) — ქართველი დიპლომატი, კინოსტატისტიკოსი.

დაიბადა მანგლისში, თავად აფხაზების ოჯახში. ბიძამისი იყო გენერალი კოტე აფხაზი. სწავლობდა იურისპრუდენციას მოსკოვის უნივერსიტეტში (1913–1917 წწ.) და საარტილერიო საქმეს პეტერბურგში, კონსტანტინეს სკოლაში (1917 წ.). 1918 წელს დამოუკიდებელი საქართველოს არმიის არტილერიის ლეიტენანტობა მიენიჭა. 1918 წლიდან იყო საქართველოს დემოკრატიული რესპუბლიკის დიპლომატიურ სამსახურში, ხელმძღვანელობდა აზერბაიჯანში საქართველოს საელჩოს დაზვერვის განყოფილებას. 1920 წელს წითელი არმიის აზერბაიჯანში შეჭრის შემდეგ რამდენიმე თვე ბოლშევიკების ტყვეობაში გაატარა. სამშობლოში დაბრუნების შემდეგ მიენიჭა კაპიტნის წოდება. 1921 წლის მარტამდე პარიზში საქართველოს სამხედრო ატაშეს მოადგილე იყო. შემდეგ ცხოვრობდა რომსა და ბერლინში. 1922 წელს ვისბადენში ცოლად შეირთო ნინო ჭავჭავაძე, რომელიც იმავე წლის ოქტომბერში გარდაიცვალა. 1924 წლიდან წერდა ფსევდონიმით „იაზონი“. 1925 წლიდან ხელმძღვანელობდა კინომრეწველობის სხვადასხვა კავშირთან არსებულ სტატისტიკურ ბიუროებს. 1926 წელს ცოლად შეირთო მართა კუნი (შვილები არ ყოლია). შემდგომ წლებში განაგრძობდა კინოსტატისტიკაზე მუშაობას, ასევე მოღვაწეობდა ქართულ ემიგრანტულ ორგანიზაციებში. მეორე მსოფლიო ომის შემდგომ საზოგადოებრივ ცხოვრებას და კინოს ჩამოსცილდა.

ლიტერატურარედაქტირება

  • ალექსანდრე აბხაზი (მანგლისი,1893-ვისბადენი, 1957) - კინომრეწველობის პირველი სტატისტიკოსი / ლაშა ბაქრაძე // ქართული ემიგრაცია / ილიას სახელმწიფო უნივერსიტეტის პოლიტოლოგიის ინსტიტუტი; გიორგი მაჩაბლის ფონდი. - თბილისი, 2010. - ISBN 1987-9687. - კრ. I. - გვ.22-27. - რეზ. ინგლ. ენ.. - ბიბლიგრ. შენიშვნ.: გვ.22, 26