She Loves You

„She Loves You“
	; სინგლის ყდა
სინგლი – The Beatles
B-მხარე	"I'll Get You"
გამოსვლის თარიღი	23 აგვისტო 1963 (ინგლისი); 16 სექტემბერი 1963 (აშშ)
ფორმატი	გრამფირფიტა
ჩაიწერა	1 ივლისი 1963; ები-როუდის სტუდიები, ლონდონი
ჟანრი	როკ მუსიკა
ხანგრძლივობა	2:17
ლეიბლი	Parlophone R5055 (ინგლისი) ; Swan 4152 (აშშ)
სიმღერის ავტორი	ლენონი/მაკ-კარტნი
პროდიუსერი	ჯორჯ მარტინი
The Beatles – სინგლების ქრონოლოგია

She Loves You — ინგლისური როკ-ჯგუფ The Beatles-ის სიმღერა, დაწერილი ჯონ ლენონისა და პოლ მაკ-კარტნის მიერ. სიმღერის იდეა ეკუთვნის მაკ-კარტნის. იგი გამოიცა სინგლის სახით 1963 წელს.

ინგლისის ჰიტ-აღლუმებში სინგლს მრავალი წარმატება ხვდა წილად, ხოლო შტატებში - უფრო მეტიც, მრავალი რეკორდის სახით, რომელიც დღემდე მნიშვნელოვანია, ვინაიდან ჯგუფის 5 სიმღერა ერთდროულად იქაურ ჰიტ-აღლუმებში იყო მოხვედრილი. She Loves You არის ჯგუფის ყველაზე გაყიდვადი სინგლი ბრიტანეთში და ყველაზე გაყიდვადი იყო 1963 წელს.

She Loves You იყო ჯგუფის პირველი სიმღერა, რომელიც ამერიკელების უმეტესმა ნაწილმა მოისმინა, რადიოეთერის მეშვეობით. თუმცა, "From Me to You", რომელიც მანამდე გამოიცა, ასევე ტრიალებდა ეთერში, მაგრამ მსმელებში მისი წარმატება აისახა ჰიტ-აღლუმებში პოზიციაზე, #116-ს სახით.

2004 წელს ჟურნალმა „როლინგ სტოუნი“ კომპოზიციას მიანიჭა 64-ე პოზიციას თავის მიერ შედგენილ ’ყველა დროის 500 საუკეთესო სიმღერის’ სიაში. 2005 წელს ჟურნალმა Uncut მას უწოდა რიგით მესამე უდიდესი სიმღერა, რომელმაც შეცვალა მსოფლიო, სიმღერების "Heartbreak Hotel" (ელვის პრესლი) და "Like a Rolling Stone" (ბობ დილანი) შემდეგ.

2009 წელს აგვისტო BBC-ს რადიო 2-მა The Beatles-ისადმი მიძღვნილ ’The Beatles-ის უიკენდის’ მსვლელობისას აღნიშნა, რომ „She Loves You“ არის ჯგუფის ყველაზე გაყიდვადი ბრიტანული სინგლი.

„She Loves You“ (ასევე „Sie liebt dich“) იყო ერთ-ერთი ორი სიმღერიდან (ასევე „I Want to Hold Your Hand“), რომელიც The Beatles-მა გერმანულ ენაზე ჩაწერა და ცალკე სინგლის სახით გამოსცა.

რესურსები ინტერნეტში რედაქტირება

ინფორმაცია საიტზე Beatles-Discography.com დაარქივებული 2016-04-09 საიტზე Wayback Machine.