ვიკიპედია

Call of Duty 4: Modern Warfare

2007 წლის ვიდეო თამაში

Call of Duty 4: Modern Warfare — პირველი პირის შუტერი ვიდეო თამაში, შემუშავებული Infinity Ward-ის და გამოცემული Activision-ის მიერ 2007 წლის 5 ნოემბერს Xbox 360, PlayStation 3-ის და Windows-ის პლატფორმებზე,[3] 2008 წლის 26 ნოემბერს - OS X-ზე,[4] ხოლო 2009 წლის 10 ნოებმერს - Wii-ზე.[2] ეს არის რიგით მეხუთე ნაწილი „Call of Duty“-ის სერიიდან.

Call of Duty 4: Modern Warfare
დეველოპერ(ებ)ი Infinity Ward
გამომცემელი Activision
სერია „Call of Duty“
ძრავა IW 3.0[1]
პლატფორმ(ებ)ი
გამოსვლის თარიღი Xbox 360, PS3, Windows
ჩრდ.ამ. 5 ნოემბერი, 2007
ავს 7 ნოემბერი, 2007
ევრ 9 ნოემბერი, 2007
OS X
ჩრდ.ამ. 26 სექტემბერი, 2008
PAL 28 იანვარი, 2011
Wii
10 ნოემბერი, 2009[2]
ჟანრ(ებ)ი პირველი პირის შუტერი
რეჟიმ(ებ)ი ერთმოთმაშიანი, მრავალმოთამაშიანი
რეჟისორ(ებ)ი ჯეისონ უესტი
პროდიუსერ(ებ)ი მარკ რუბინი
დიზაინერ(ებ)ი
  • ტოდ ალდერმანი
  • სტივ ფუკუდა
  • მაკეი მაკ-კენდლიში
მხატვარი რიჩარდ კრიგლერი
სცენარისტი ჯესი სტერნი
კომპოზიტორი სტივენ ბარტონი

„Modern Warfare“ წარმოადგენს მნიშვნელოვან გადახვევას წინა თამაშებისგან, სადაც სიუჟეტი მეორე მსოფლიო ომის ნაცვლად, მიმდინარეობს თანამედროვე პერიოდში, 2011 წელს, სადაც სეპარატისტული ჯგუფის ლიდერი, ხალედ ალ-ასადი კლავს უსახელო ქვეყნის პრეზიდენტს ახლო აღმოსავლეთში, ხოლო რუსეთში, ულტრანაციონალისტური მოძრაობა აღვივებს სამოქალაქო ომს. კონფლიქტები დანახულია ამერიკელი და ბრიტანელი ჯარისკაცების პერსპექტივით. მოქმედება მიმდინარეობს სხვადასხვა ტერიტორიებზე: აზერბაიჯანში, რუსეთში, დიდ ბრიტანეთსა და ახლო აღმოსავლეთში. თამაშის მრავალმოთამაშიანი მონაკვეთი შედგება სხვადასხვა რეჟიმებისგან და შეიცავს დონეების სისტემას, რომელიც საშუალებას აძლევს მოთამაშეებს განბლოკონ დამატებითი იარაღები, იარაღის მოწყობილობები და კამუფლიაჟები.[5]

თამაშზე ორი წლის განმავლობაში მუშაობდა დაახლოებით ასი ადამიანი. 2007 წლის 27 აპრილს, ოფიციალური ტრეილერის გამოსვლამდე ერთი დღით ადრე, შემქმნელებმა გაუშვეს საიტი სახელწოდებით „Charlie Oscar Delta“, რომელიც იძლეოდა ინფორმაციას თამაშის შესახებ.[6] იმავე წლის 28 აპრილს გამოვიდა პირველი ტრეილერი.[7] მასში გამოიყენეს IW 3.0-ის ძრავა.[1]

პროექტმა მიიღო უმაღლესი შეფასებები ვიდეო თამაშების მიმოხილველებისგან. ძირითადად შეაქეს გეიმპლეი და სიუჟეტი. თუმცა მიიღო კრიტიკაც სხვადასხვა ნაკლოვანებების გამო. მას გადაეცა უამრავი ჯილდო სათამაშო გამოცემებისგან, მათ შორის „Xbox 360-ის საუკეთესო თამაშის“ ჯილდო IGN-ისგან,[8] წლის თამაშის ტიტული GameSpy-ისგან[9] და „წლის კონსოლის თამაშის“ წოდება ინტერაქტიული ხელოვნებისა და მეცნიერების აკადემიისგან,[10] ასევე ბრიტანული აკადემიის რამდენიმე ჯილდო.[11] საერთო განხილვების საიტ Metacritic-ზე X360-ის ვერსია ფლობს 94/100,[12] PS3 - 94/100,[13] PC - 92/100,[14] Wii - 76/100.[15]

ის იყო 2007 წლის ყველაზე გაყიდვადი თამაში.[16] 2008 წლის ივნისში გაყიდვებმა 10 მილიონ ასლს მიაღწია,[17] 2013 წლის მონაცემით კი - 16 ეგზემპლარი შეადგინა.[18] თამაშის რემასტერინგული ვერსია სახელწოდებით „Call of Duty: Modern Warfare Remastered“ გამოვიდა Call of Duty: Infinite Warfare-ის სპეციალურ გამოცემასთან ერთად კომპლექტში 2016 წლის 4 ნოემბერს PlayStation 4-ზე, Xbox One-სა და PC-ზე,[19] 2017 წლის ივნისში კი გამოიცა განცალკევებით.[20]

იხილეთ აგრეთვე

რედაქტირება

რესურსები ინტერნეტში

რედაქტირება

სქოლიო

რედაქტირება
  1. ↑ 1.0 1.1 Stead, Chris. (15 ივლისი, 2009) The 10 Best Game Engines of This Generation. IGN. ციტირების თარიღი: 15 ივლისი, 2009.
  2. ↑ 2.0 2.1 Call of Duty(R): Modern Warfare(R) Coming to Wii. Activision Publishing, Inc.. PRNewswire.com (5 აგვისტო, 2009). დაარქივებულია ორიგინალიდან — 3 სექტემბერი, 2009. ციტირების თარიღი: 7 აგვისტო, 2009.
  3. ↑ Release Summary. GameSpot. ციტირების თარიღი: 19 თებერვალი, 2009.
  4. ↑ Lua-ს შეცდომა in მოდული:Citation/CS1 at line 4027: bad argument #1 to 'pairs' (table expected, got nil).
  5. ↑ BradyGames (30 ოქტომბერი, 2007). Call of Duty 4: Modern Warfare Official Strategy Guide. BradyGames. ISBN 0-7440-0949-9. 
  6. ↑ Radd, David. (12 ნოემბერი, 2007) Activision Gets StreetWise on Charlie Oscar Delta. GameDaily. დაარქივებულია ორიგინალიდან — 26 ივნისი, 2008. ციტირების თარიღი: 21 აპრილი, 2008.
  7. ↑ Reveal Trailer HD. Spike. დაარქივებულია ორიგინალიდან — 9 მარტი, 2008. ციტირების თარიღი: 22 აპრილი, 2008.
  8. ↑ Xbox 360 Top 10. GameSpy. IGN Entertainment, Inc. დაარქივებულია ორიგინალიდან — 22 მარტი, 2009. ციტირების თარიღი: 17 მარტი, 2008.
  9. ↑ 2007 Game of the Year. GameSpy. IGN Entertainment, Inc. დაარქივებულია ორიგინალიდან — 1 მაისი, 2009. ციტირების თარიღი: 17 მარტი, 2008.
  10. ↑ 11th Annual Interactive Achievement Awards. The Academy of Interactive Arts & Sciences. დაარქივებულია ორიგინალიდან — 21 თებერვალი, 2008. ციტირების თარიღი: 17 მარტი, 2008.
  11. ↑ „Three Baftas for Call of Duty 4“. BBC.com. 10 მარტი, 2009. ციტირების თარიღი: 11 მარტი, 2009. შეამოწმეთ თარიღის პარამეტრი |accessdate= და |date=-ში (დახმარება)
  12. ↑ Call of Duty 4: Modern Warfare (Xbox 360). Metacritic. ციტირების თარიღი: 13 მარტი, 2009.
  13. ↑ Call of Duty 4: Modern Warfare (PlayStation 3). Metacritic. ციტირების თარიღი: 13 მარტი, 2009.
  14. ↑ Call of Duty 4: Modern Warfare (PC). Metacritic. ციტირების თარიღი: 13 მარტი, 2009.
  15. ↑ Call of Duty: Modern Warfare: Reflex Edition (Wii). Metacritic. ციტირების თარიღი: 13 მარტი, 2009.
  16. ↑ Call of Duty(R) 4: Modern Warfare(TM) Ranks #1 Title in Units Worldwide for Calendar 2007. Activision (25 იანვარი, 2008). ციტირების თარიღი: 30 აპრილი, 2008.
  17. ↑ Terdiman, Daniel. (3 ივნისი, 2008) 'Call of Duty 4' hits 10 million units sold. CNET News. CBS Interactive Inc.
  18. ↑ Call of Duty: A Short History. IGN. Ziff Davis (ნოემბერი, 2013). ციტირების თარიღი: 23 თებერვალი, 2014.
  19. ↑ Scammell, David. (2 მაისი, 2016) Modern Warfare Remastered is developed by Raven; first multiplayer maps confirmed. VideoGamer.com. ციტირების თარიღი: 2 მაისი, 2016.
  20. ↑ PC, Xbox One Finally Receive Call Of Duty: Modern Warfare Remastered Standalone Version. ციტირების თარიღი: 27 ივლისი, 2017.
მოძიებულია „https://ka.wikipedia.org/w/index.php?title=Call_of_Duty_4:_Modern_Warfare&oldid=4551341“-დან