ჯენიფერ მორისონი
ჯენიფერ მერი მორისონი (ინგლ. Jennifer Marie Morrison; დ. 12 აპრილი, 1979) — ამერიკელი მსახიობი და პროდიუსერი. ცნობილია თავისი შესრულებული როლებით, როგორც დოქტორი ელისონ კამერონი ამერიკულ სატელევიზიო სერიალში, „სახლი“-ში (2004-2012). 2011-2017, 2018 წლებში მონაწილეობას იღებდა ABC-ს სათავგადასავლო ფანტაზიურ სერიალში, –„ერთხელ ზღაპარში“. ზოი პირსონის როლს თამაშობდა კომედიურ სერიალში, „როგორ შევხვდი დედათქვენს“-ში. მან ვინონა კირკის როლი ითამაშა სამეცნიერო ფანტსასტიკაში „ვარსკვლავური გზა“-ში, ხოლო ტეს კონლონი 2011 წლის სპორტულ დრამაში „მეომარი“-ში.
| ჯენიფერ მორისონი | |
|---|---|
 მორისონი 2014 წელს, Comic-Con International-ზე | |
| დაბადების სახელი | ჯენიფერ მერი მორისონი |
| დაბადების თარიღი |
12 აპრილი, 1979 ილინოისი, ჩიკაგო, აშშ |
| ეროვნება | ამერიკელი |
| მოქალაქეობა |
 აშშ |
| საქმიანობა |
მსახიობი პროდიუსერი |
| აქტიური | 1994-დღემდე |
ადრეული ცხოვრება
რედაქტირებაჯენიფერ მორისონი დაიბადა 1979 წლის 12 აპრილს, ილინოისის შტატში, ჩიკაგოში. ჰყავს ორი და-ძმა, რომელთაგანც ჯენიფერი ყველაზე უფროსია. მისი და ჯულია მომღერალი და მუსიკალური თერაპევტია, ხოლო მისი ძმა-დენიელი უმაღლესი სკოლის ბენდის დირექტორია.[1] ხოლო მამამისი დევიდ მორისონი, მუსიკის მასწავებელი და სკოლაში ბენდის დირექტორია. 2003 წელს, დევიდი ილინოისის სახელმწიფო განათლების საბჭოს მიერ წლის მასწავლებლად დაასახელეს.[2]
მორისონი სწავლობდა სამხრეთის საშუალო სკოლაში, ხოლო შემდგომ, 1997 წელს დაამთავრა „Prospect“-ის უმაღლესი სკოლა. სკოლაში სწავლის დროს უკრავდა კლარნეტზე, ასევე მღეროდა და ცეკვავდე გუნდებში.[3] 2000 წელს მან დაამთავრა ჩიკაგოს „Loyola“-ს უნივერსიტეტი. სანამ ლოს-ანჯელესში გადავიდოდა საცხოვრებლად სწავლობდა „Steppenwolf“-ის თეატრალურ კომპანიაში.[4]
კარიერა
რედაქტირებაჯენიფერმა სამოდელო კარიერა ბავშვობის ასაკში დაიწყო, ჩნდებოდა ბეჭდურ რეკლამებში სხვადასხვა კომპანიებისთვის, მათ შორისაა: „JCPenney“ და „Montgomery Ward“. 1992 წლის მაისში, ლეგენდარულ კალათბურთელთან-მაიკლ ჯორდანთან ერთად გამოჩნდა ამერიკულ სპორტული გაზეთის, „Sports Illustrated“ გარეკანზე.[5] მორისონი პირველად 14 წლის ასაკში გადაიღეს 1994 წლის ფილმში, „გზაჯვარედინი“-ში, ხოლო შემდგომ —„ექოს გამოძახილი“-ში როგორც სამანტა.
მორისონმა მთავარი როლი პირველად 2000 წლის ფილმში, „ქალაქური ლეგენდები 2“-ში ითამაშა, ამის შემდეგ, იგი გადაიღეს რამდენიმე ფილმში, მათ შორისაა: „სკეიტბორდერები“ (2003), „გადარჩე შობას“ (2004) და „მისტერ და მისის სმიტები“ (2005).
2004 წელს, მორისონმა დრამა სერიალში, „სახლი“-ში, ელისონ კამერონის როლი მოიგო, ის ამ როლს 6 სეზონის განმავლობაში, 2004 წლიდან 2009 წლამდე თამაშობდა, მორისონმა სერიალში თამაში 2009 წელს ეპიზოდ-„Teamwork“-ში შეწყვიტა,[6] თუმცა 2010 წელს, ეპიზოდ „Lockdown“-ში კვლავ გამოჩნდა ელისონ კამერონის როლით.
2006 წელს მორისონი გადაიღეს ფილმ „Flourish“-ში.[7] მორისონი ერთ-ერთი მათგანია იმ პროდიუსერებს შორის, რომლებმაც სატელევიზიო სერიალი „გუნდი“ შექმნეს.
2007 წელს ჯენიფერი კომპიუტერულ თამაშში, „Command & Conquer 3: Tiberium Wars“-ში გამოჩნდა როგორც კირს ჯეიმსი. 2007 წელს გადაიღეს სხვა ფილმებშიც, მათ შორისაა: „დიდი სთენი“ და სატელევიზიო ფილმი „The Murder of Princess Diana“, ფილმი დაფუძნებულია ნოელ ბოთამის ამ სახელწოდების მქონე ნოველაზე.
2010 წელს ჯენიფერი გამოჩნდა NBC-ს სატელევიზიო დრამა სერიალის, „ჩეიზ“-ის მეოთხე ეპიზოდში, სადაც მან ითამაშა მარტოხელა დედის როლი, რომელიც თავის ქალიშვილთან ერთად ტეხასში, სისხლიან მკვლელობას იწყებს.[8]
2017 წლის მარტს დაანონსდა რომ მორისონი სტეფანის როლს ითამაშებდა სპექტაკლში, „The End of Longing“-ში.[9] მან ამერიკულ საშინელებათა ჟანრის ფილმ „მოჩვენება:გამოღვიძება“-ში ქენდისის როლი ითამაშა. 2019 წლის ივნისს ჯენიფერმა დაადასტურა რომ იგი კომედიურ-დრამატულ სატელევიზიო სერიალში, „ეს ჩვენ ვართ“-ში ქესიდი შარფის როლს ითამაშებდა.
პირადი ცხოვრება
რედაქტირება2004 წელს მორისონმა სასიყვარულო ურთიერთობა მსახიობთან ჯესი სპენსერთან დაიწყო,[10] ხოლო 2009 წელს ემორი ნოლასკოსთან.[11] 2012 წელს მორისონმა სასიყვარულო ურთიერთობა სებასტიან სთანთან დაიწყო, მათი ურთიერთობა 2013 წლამდე გაგრძელდა.[12]
სქოლიო
რედაქტირება- ↑ Sequins & Suspenders. დაარქივებულია ორიგინალიდან — January 12, 2016. ციტირების თარიღი: January 8, 2016.
- ↑ Band Teacher Marches on As 2003 Teacher of the Year. Illinois State Board of Education (March 22, 2003). დაარქივებულია ორიგინალიდან — March 23, 2014. ციტირების თარიღი: January 8, 2016.
- ↑ Spencer, Amy. (September 10, 2014) Jennifer Morrison rules the red carpet. New York Post. News Corp.. ციტირების თარიღი: January 8, 2016.
- ↑ Wiser, Paige (February 27, 2012). „Once Upon a Time's Jennifer Morrison tells Her Story“. Michigan Avenue. Atlanta, Georgia: Modern Luxury Media. დაარქივებულია ორიგინალიდან — ივნისი 12, 2018. ციტირების თარიღი: April 5, 2018.
- ↑ Vintage Michael Jordan. SI Kids (May 1992). დაარქივებულია ორიგინალიდან — November 5, 2015. ციტირების თარიღი: January 8, 2016.
- ↑ Ausiello, Michael. (November 16, 2009) 'House' exclusive: Jennifer Morrison speaks out about departure. ციტირების თარიღი: January 8, 2016.
- ↑ Riley, Jenelle (February 23, 2006). „Jennifer Morrison With 'Flourish'“. Backstage. New York City: Backstage, LLC. ციტირების თარიღი: April 5, 2018.
- ↑ Keck, William. (August 20, 2010) House's Morrison To Co-Star With Real-Life Love on NBC's Chase. TVGuide.com. CBS Corporation. ციტირების თარიღი: January 8, 2016.
- ↑ Millward, Tom. (March 23, 2017) MCC Theater announces full cast of End of Longing. New York Theatre Guide. ციტირების თარიღი: March 23, 2017.
- ↑ Engaged House Stars Prepare to Tie the Knot. People (July 6, 2009). ციტირების თარიღი: February 13, 2019.
- ↑ „Jennifer Morrison rules the red carpet“. New York Post (ინგლისური). September 10, 2014. ციტირების თარიღი: May 1, 2018.
- ↑ Monde, Chiderah. (November 3, 2013) 'Once Upon A Time' stars Jennifer Morrison, Sebastian Stan split: 'Once Upon A Time' actors 'grew apart' after real-life year long romance. New York Daily News. Tronc. ციტირების თარიღი: April 5, 2018.