ჯასტინ ტრიუდო
ჯასტინ პიერ ჯეიმზ ტრიუდო (ინგლ. Justin Pierre James Trudeau; დ. 25 დეკემბერი 1971, ოტავა) — კანადელი პოლიტიკოსი, კანადის პრემიერ-მინისტრი 2015 წლის 4 ნოემბრიდან, კანადის ლიბერალური პარტიის ლიდერი 2013 წლის 14 აპრილიდან. იგი არის კანადის ყოფილი პრემიერ-მინისტრ პიერ ელიოტ ტრიუდოს უფროსი შვილი[1][2]. ჯასტინ ტრიუდომ 2015 წლის საპარლამენტო არჩევნებში დაამარცხა კონსერვატიული პარტია. ამით იგი კანადის ისტორიაში მეორე ახალგაზრდა პრემიერ მინისტრი გახდა.[3][4]
| ჯასტინ ტრიუდო | |
_(cropped)_(cropped).jpg) | |
| კანადის პრემიერ-მინისტრი | |
|---|---|
| ამჟამინდელი თანამდებობა | |
| დაიკავა | 4 ნოემბერი, 2015 |
| მონარქი | ელისაბედ II ჩარლზ III |
| წინამორბედი | სტივენ ჰარპერი |
კანადის მთავრობათაშორის საქმეთა და ახალგაზრდობის მინისტრი | |
| თანამდებობაზე ყოფნის დრო | |
| 4 ნოემბერი, 2015 – დღემდე | |
| წინამორბედი | დენის ლებელი |
კანადის ლიბერალური პარტიის ლიდერი | |
| თანამდებობაზე ყოფნის დრო | |
| 14 აპრილი, 2013 – დღემდე | |
| წინამორბედი | ბობ რაე |
| დაბადებული | 25 დეკემბერი, 1971 ოტავა, ონტარიო, კანადა |
| ეროვნება | კანადელი |
| პოლიტიკური პარტია | კანადის ლიბერალური პარტია |
| მამა | პიერ ტრიუდო |
| დედა | მარგარეტ ტრიუდო |
| მეუღლე | სოფი გრეგუარი |
| შვილები | ქსავიე ჯეიმზი; ელა-გრეის მარგარეტი; ადრიანი |
| განათლება | მაკგილის უნივერსიტეტი; ბრიტანეთის კოლუმბიის უნივერსიტეტი |
| რელიგია | რომის კათოლიკური ეკლესია |
| ხელმოწერა |  |
| საიტი | მთავრობის საიტი პარტიის საიტი |
ბიოგრაფია
რედაქტირებასაშუალო სკოლის დასრულების შემდეგ სწავლობდა ჟან-დე-ბრეფის კოლეჯში. მიიღო ინგლისური ლიტერატურის ბაკალავრის ხარისხი მაკგილის უნივერსიტეტში და ბაკალავრის პედაგოგის ხარისხი ბრიტანეთის კოლუმბიის უნივერსიტეტში.
ჩაატარა სოციალური კვლევა და ასწავლიდა ფრანგულ ენას და მათემატიკას ვესტ-პოინტის აკადემიაში და უინსტონ ჩერჩილის სახელობის საშუალო სკოლაში, ვანკუვერში. 2002 წლიდან მოყოლებული, ორი წლის განმავლობაში, სწავლობდა საინჟინრო პოლიტიკურ სკოლაში, მონრეალში. 2004 წელს იგი მუშაობდა რადიოსადგურ SKAS-ზე.
2013 წლის 14 აპრილს, იგი აირჩიეს კანადის ლიბერალური პარტიის ლიდერად — რეგიონულ არჩევნებში მან მიიღო ხმების 80%.
2015 წლის 19 ოქტომბერს, საპარლამენტო არჩევნებში მისმა პარტიამ მიიღო ხმების უმრავლესობა და იგი გახდა ყველაზე ახალგაზრდა პრემიერ-მინისტრი კანადის ისტორიაში.
ცხოვრება
რედაქტირება
მისი მშობლები განქორწინდნენ, როდესაც იგი 6 წლის იყო. ჰყავს ძმა ალექსანდრე (დ. 25 დეკემბერი, 1973, ჟურნალისტი და კინოდოკუმენტალისტი). მეორე ძმა, მიშელი (დ. 2 ოქტომბერი 1975 - გ. 13 ნოემბერი 1998, აბიტურიენტი) სათხილამურო სრიალის დროს დაიღუპა, ზვავი ჩამოწოლის შედეგად. მისი სხეული ნაპოვნი არ იქნა.
2005 წლის 28 მაისს ცოლად შეირთო ფოტომოდელი და ტელეწამყვანი სოფი გრეგუარი. ჰყავს სამი შვილი.
- ქსავიე ჯეიმზი (დ. 18 ნოემბერი, 2007);
- ელა-გრეის მარგარეტი (დ. 5 თებერვალი, 2009)[5];
- ადრიანი (დ. 28 თებერვალი, 2014)[6].
სქოლიო
რედაქტირება- ↑ „Justin Trudeau plans to announce his cabinet Nov. 4“.
- ↑ 'We're back,' Trudeau tells allies abroad.
- ↑ „Liberals projected to win majority“.
- ↑ „Justin Trudeau to be prime minister as Liberals surge to majority“.
- ↑ Justin and Sophie Trudeau Welcome Daughter Ella-Grace. დაარქივებულია ორიგინალიდან — 2013-10-05. ციტირების თარიღი: 2015-12-14.
- ↑ Justin Trudeau welcomes baby son, Hadrian