ჯაკობ ჯოან ფუშე
ჯაკობ ჯოან ფუშე (დ. 6 ივნისი 1898 – გ. 23 სექტემბერი 1980 [1] ) სამხრეთ აფრიკელი პოლიტიკოსი, სამხრეთ აფრიკის რესპუბლიკის მეორე სახელმწიფო პრეზიდენტი 1968 – 1975 წლებში.
| ჯაკობ ჯოან ფუშე | |
 | |
| სამხრეთ აფრიკის რესპუბლიკის მე-2 სახელმწიფო პრეზიდენტი | |
|---|---|
| თანამდებობაზე ყოფნის დრო | |
| 10 აპრილი 1968 – 9 აპრილი 1975 | |
| წინამორბედი | ჯოშუა ნაუდე |
| მემკვიდრე | იოანეს დე კლერკი |
სამხრეთ აფრიკის რესპუბლიკის მე-7 თავდაცვის მინისტრი | |
| თანამდებობაზე ყოფნის დრო | |
| 12 დეკემბერი 1959 – 30 მარტი 1966 | |
| წინამორბედი | ფრანსუა კრისტიან ერაზმუსი |
| მემკვიდრე | პიტერ ვილემ ბოტა |
| დაბადებული | 6 ივნისი, 1898 ვეპენერი, ორანჟის თავისუფალი სახელმწიფო |
| გარდაცვლილი | 23 სექტემბერი,1980 (82 წლის) კეიპტაუნი, სამხრეთ აფრიკის რესპუბლიკა |
| მოქალაქეობა |  სამხრეთ აფრიკის რესპუბლიკა |
| დაკრძალულია | ბლუმფონტეინი |
| პოლიტიკური პარტია | ეროვნული პარტია |
| მამა | იაკობ იოჰანეს ფუშე (1868-1936) |
| დედა | მარიზ ელიზაბეტ იოჰანფ სტეინბერგი (1878-1942) |
| მეუღლე | ლეტა როდა მაკდონალდი (1900-1993) |
| შვილები | იაკობუს იოჰანეს ფუშე (1921-1982) |
| განათლება | სტეპლენბოსის უნივერსიტეტი |
ადრეული წლები
რედაქტირებაჯაკობ ჯოან ფუშე დაიბადა 1898 წელს ორანჟის თავისუფალი სახელმწიფოს ბურების რესპუბლიკაში (რომელიც 1902 წელს გახდა დიდი ბრიტანეთის კოლონია და 1910 წელს სამხრეთ აფრიკის კავშირის პროვინცია) დაამთავრა პაარლის ვაჟთა საშუალო სკოლა . [2]
უმაღლესი განათლება მიიღო ვიქტორიას კოლეჯში და სტელენბოსის უნივერსიტეტში (1966 წ.). [2]
კარიერა
რედაქტირებაფუშე იყო წარმატებული ფერმერი და მტკიცე რესპუბლიკელი. მრავალი წლის განმავლობაში შედიოდა ეროვნული პარტიის რიგებში 1941 წლიდან 1950 წლამდე აირჩიეს ასამბლეის პალატაში სმიტფილდის დეპუტატად, ხოლო 1960-1968 წლებში –ბლუმფონტეინ უესტის დეპუტატად. [2]
1950-1959 წლებში ორანჟის თავისუფალი სახელმწიფოს ადმინისტრატორად მუშაობდა. შემდეგ დაწინაურდა და თავდაცვის მინისტრად დაინიშნა 1959 წლის 14 დეკემბრიდან 1966 წლის 1 აპრილამდე. ფუშე ცდილობდა არმიის მოდერნიზაციას. 5 წლის განმავლობაში მოახერხა თავდაცვის ბიუჯეტის გაზრდა 45 მილიონიდან 256 მილიონ რანდამდე. 1966 წლიდან 1968 წლამდე იკავებდა სოფლის მეურნეობის ტექნიკური მომსახურებისა და წყლის რესურსების საქმეთა მინისტრის თანამდებობას. [2]
1966 წელს თეოფილუს დიონგესი აირჩიეს სამხრეთ აფრიკის რესპუბლიკის მეორე პრეზიდენტად (კენჭი ჯ. ფუშმაც იყარა), მაგრამ ინაუგურაციამდეც ინსულტი დაემართა და კომაში ჩავარდა. სამხრეთ აფრიკის რესპუბლიკის კონსტიტუციის შესაბამისად, პრეზიდენტის მოვალეობის შემსრულებელი გახდა სენატის პრეზიდენტი ჯოშუა ნაუდე. მას შემდეგ, რაც დიონგესი გარდაიცვალა 1968 წლის დასაწყისში გონზე მოუსვლელად, პარლამენტში ჩატარდა ახალი არჩევნები და ფუშე აირჩიეს სამხრეთ აფრიკის რესპუბლიკის ახალ პრეზიდენტად 1968 წლის 19 თებერვალს (ფიცი დადო 10 აპრილს). ის იყო ერთადერთი სახელმწიფოს მეთაური, რომელმაც პრეზიდენტის პოსტზე სრულად იმსახურა შვიდი წლის განმავლობაში.
ოჯახი
რედაქტირებაფუშე დაქორწინებული იყო ლეტა როდას („Lettie“) მაკდონალდზე, [2] ანგლო-აფრიკული და შოტლანდიური წარმოშობის თეთრკანიან თანამემამულე ქალბატონზე.
ხსოვნა
რედაქტირებაპოლიტიკოსი გამოსახულია 1976 წლის სამხრეთ აფრიკული რანდის მონეტებზე;
ჯილდოები
რედაქტირებაჯაკობ ჯოან ფუშეს მიენიჭა სამხრეთ აფრიკის რესპუბლიკის ორდენი ღირსეული შრომისთვის და პარაგვაის ეროვნული ღირსების ორდენი . [2] ფუშე ასევე იყო პრეზიდენტის სტეინის პოლკის საპატიო პოლკოვნიკი. [2]
რესურსები ინტერნეტში
რედაქტირებასქოლიო
რედაქტირება- ↑ Jacobus Johannes Fouché. archontology.org
- ↑ 2.0 2.1 2.2 2.3 2.4 2.5 2.6 (1979) The international year book and statesmen's who's who. 1979, Internet Archive, 27th, East Grinstead: Kelly's Directories, გვ. 246. ISBN 978-0-610-00520-6.