ხოსე სან-მარტინი

ხოსე დე სან-მარტინი (ესპ. José Francisco de San Martín y Matorras; 25 თებერვალი 1778 — 17 აგვისტო 1850) – ესპანეთის ამერიკულ კოლონიებში დამოუკიდებლობისათვის ომის ერთ–ერთი ხელმძღვანელი, არგენტინის ეროვნული გმირი. დამოუკიდებელი პერუს პირველი პრეზიდენტი.

ხოსე სან-მარტინი
პერუს პროტექტორი
თანამდებობაზე ყოფნის დრო
3 აგვისტო 1821 – 20 სექტემბერი 1822
მემკვიდრე	ფრანსისკო ხავიერ დე ლუნა პისარო
დაბადებული	25 თებერვალი 1778 იაპეიუ ლა–პლატა
გარდაცვლილი	17 აგვისტო 1850 საფრანგეთი

ბიოგრაფია

დაიბადა პატარა ქალაქ იაპეიუში, რომელიც თანამედროვე არგენტინის კორიენტესის პროვინციაში მდებარეობს. მამამისი ესპანეთის კოლონიური არმიის კაპიტანი იყო. როდესაც ხოსე 6 წლისა იყო მისი მშობლები გადავიდნენ საცხოვრებლად ესპანეთში, სადაც 1785 წელს შეიყვანეს პრესტიჟულ მადრიდის სემინარიაში, სადაც მან სამხედრო განათლება მიიღო.1808-1812 წლებში მონაწილეობდა ესპანელი ხალხის ბრძოლაში ფრანგი დამპყრობლების წინააღმდეგ. 1812 წელს, სამშობლოში დაბრუნების შემდეგ, ესპანელთა ბატონობის წინააღმდეგ საბრძოლველად სხვებთან ერთად შექმნა პატრიოტული ორგანიზაცია. 1816 წელს, რიო-დე-ლა-პლატის გაერთიანებული პროვინციების დამოუკიდებლობის გამოცხადების შემდეგ, არმიის სარდალი გახდა. 1817 წელს, სან მარტინმა მოაწყო ურთულესი გადასვლა ანდების მთებზე და გაათავისუფლა ჩილე. 1820-1821 წლებში გაათავისუფლა ქვემო პერუ და გამოაცხადა მისი დამოუკიდებლობა. სან-მარტინი ხელმძღვანელობდა პერუს პირველ მთავრობას, მან თავი გამოიჩინა როგორც ნიჭიერმა რეფორმატორმა.1822 წელს ბოლივართან მომხდარი უთანხმოების გამო სან-მარტინი ნებაყოფლობით ჩამოსცილდა სამხედრო და პოლიტიკურ საქმიანობას და გადასახლდა საფრანგეთში, სადაც 1850 წელს გარდაიცვალა.

რესურსები ინტერნეტში

• Short biography of San Martín
• Another short biography
• Biography of San Martín
• History of San Martín დაარქივებული 2007-06-08 საიტზე Wayback Machine.
• Articles on San Martín on newspaper Clarín
• Sanmartinian National Institute
• Short biography of San Martín by Felipe Pigna დაარქივებული 2006-10-19 საიტზე Wayback Machine.
• Guía documental del Bicentenario de la Batalla de Bailén დაარქივებული 2006-05-22 საიტზე Wayback Machine. .

წინამორბედი:

პერუს პრეზიდენტი 1821 – 1822

შემდეგი: ფრანსისკო პისარო