ხინო
მთა საქართველოში, აჭარის ავტონომიურ რესპუბლიკაში
ხინო — მთა საქართველოში, აჭარის ავტონომიური რესპუბლიკის ქობულეთის მუნიციპალიტეტში.[1] მდებარეობს მესხეთის ქედის დასავლეთი ნაწილის თხემზე, მდინარეების ბჟუჟისა და კინტრიშის სათავეებში. სიმაღლე ზღვის დონიდან 2598 მ. აგებულია ეოცენური ვულკანოგენური წყებებით — ანდეზიტურგანფენებიანი ანდეზიტური ტუფ-ბრექჩიებით. ეტყობა გამყინვარების კვალი. ქვემო კალთებზე შერეული და მუქწიწვიანი ტყეებია, ზემოთ — სუბალპური და ალპური მდელოები. იყენებენ საძოვრებად.[2]
| ხინო | |
|---|---|
 მთა ხინო. ხედი გომისმთა-შუახევის სამთო-საფეხმავლო ბილიკიდან. | |
| კოორდინატები: 41°45′46″ ჩ. გ. 42°08′33″ ა. გ. / 41.76278° ჩ. გ. 42.14250° ა. გ. | |
| ქვეყანა |  საქართველო
|
| ტერიტორიული ერთეული | ქობულეთის მუნიციპალიტეტი |
| სიმაღლე | 2598 მ |
| ქედი | მესხეთის ქედი |
| ამგებელი ქანები | ანდეზიტური ტუფ-ბრექჩია |
  | |
 | |
სქოლიო
რედაქტირება- ↑ საქართველოს გეოგრაფიული სახელების ორთოგრაფიული ლექსიკონი, თბ., 2009. — გვ. 227.
- ↑ ქრისტეფორე ჯაყელი, ქართული საბჭოთა ენციკლოპედია, ტ. 11, თბ., 1987. — გვ. 484.