ხერხთევზა (ლათ. Pristis) — დინგხერხიანი სკაროსების ოჯახის ერთადერთი გვარი. აქვთ მეტად წაგრძელებული და გაბრტყელებული დინგი, რომლის ორივე მხარეზე კბილისმაგვარი გამონაზარდებია. ლაყუჩის ხვრელები განლაგებული აქვთ თავის ქვედა მხარეზე. აერთიანებს 7 სახეობას. გავრცელებულია ყველა ოკეანის ტროპიკულ და სუბტროპიკულ წყლებში, ზოგჯერ მდინარეებშიც შედიან. იკვებებიან თევზებითა და უხერხემლო ცხოველებით. კვერცხცოცხლადმშობები არიან; შობენ 15-20 ლიფსიტას. აღსანიშნავია ჩვეულებრივი ხერხთევზა (ლათ. pristis pectinatus), რომლის სიგრძე 4,8 მ-მდე, მასა 2 ტონამდე აღწევს. სარეწაო მნიშვნელობა თითქმის არა აქვთ. ადამიანისთვის საშიში არ არის.
