ჭართალი (არსიანის ქედი)

ჭართალი — მთა საქართველოში, სამცხე-ჯავახეთის მხარეში, ადიგენის მუნიციპალიტეტში. მდებარეობს არსიანის ქედის აღმოსავლეთ განშტოების — ღრმანის ჩრდილო-აღმოსავლეთ დაბოლოებაზე. სიმაღლე ზღვის დონიდან 1557 მ. აგებულია გოდერძის წყების პიროკლასტებით. აქვს მახვილი, კონუსის ფორმის მწვერვალი და თანაბრად დახრილი, ზოგან კლდოვანი უბნების მქონე კალთები. მთის წვერო შემოსილია ბალახეულით, კალთები — მეორეული ტყით.

ჭართალი
ქვეყანა	საქართველო
ტერიტორიული ერთეული	ადიგენის მუნიციპალიტეტი
სიმაღლე	1557 მ
ქედი	არსიანის ქედი

ლიტერატურა

• ტაბიძე დ., ქართული საბჭოთა ენციკლოპედია, ტ. 11, თბ., 1987. — გვ. 385.