მთავარი მენიუს გახსნა

ციურიხი (გერმ. Zurich) — კანტონი შვეიცარიაში. მდებარეობს ქვეყნის ჩრდილო-აღმოსავლეთ ნაწილში. დედაქალაქია ციურიხი. ოფიციალური ენა გერმანულია, თუმცა ხალხი ადგილობრივ შვეიცარიულ გერმანულ დიალქეტზე საუბრობს.

ციურიხის კანტონი
Kanton Zürich
დროშა გერბი
Flag of Canton of Zürich.svg Wappen Zürich matt.svg

ქვეყანა შვეიცარიის დროშა შვეიცარია
ადმ. ცენტრი ციურიხი[1]
შიდა დაყოფა Affoltern District, Andelfingen District, Bülach District, Dielsdorf district, Dietikon District, Hinwil District, Horgen District, Meilen District, Pfäffikon District, Uster District, Winterthur District და Zürich District
კოორდინატები 47°00′00″ ჩ. გ. 9°00′00″ ა. გ. / 47.00000° ჩ. გ. 9.00000° ა. გ. / 47.00000; 9.00000
მმართველი Mario Fehr[2]
დაარსდა 1351
ფართობი 1 729 კმ²
ცენტრის სიმაღლე 408 მეტრი
ოფიციალური ენა გერმანული ენა
სალაპარაკო ენები გერმანული
მოსახლეობა 1 390 124 კაცი (2011)
სიმჭიდროვე 800 კაცი/კმ²
სასაათო სარტყელი UTC+1 და UTC+2
საავტომობილო კოდი ZH
ISO 3166 კოდი CH-ZH
ოფიციალური საიტი zh.ch
Karte Kanton Zürich 2010.png

შვეიცარიის კონფედერაციას ციურიხის კანტონი 1351 წელს შეუერთდა.

კანტონი ალპების ჩრდილოეთით მდებარეობს. ჩრდილოეთიდან ესაზღვრება შაფჰაუზენის კანტონი, დასავლეთით — აარგაუს, სამხრეთით — ცუგისა და შვიცის, აღმოსავლეთით კი თურგაუსა და სანქტ-გალენის კანტონები. მის ტერიტორიაზეა მოქცეული ციურიხის ტბის უდიდესი ნაწილი.

კანტონის ფართობი 1 728,8 კმ²-ია, საიდანაც 43,4% სოფლის მეურნეობისათვის გამოსადეგია, 30,7% ტყიანია. ტერიტორიის უდიდეს ნაწილს შეადგენს წყალმარჩხ მდინარეთა ხეობები, რომლებიც რაინისკენ ეშვებიან.

2011 წლის მონაცემებით, მოსახლეობა 1 390 124 ადამიანს შეადგენს და მათი უდიდესი ნაწილი (83,4%) გერმანულენოვანია.

კანტონის მიწების უდიდესი ნაწილი დამუშავებულია, თუმცა იგი მაინც არ მიიჩნევა სასოფლო-სამეურნეო მხარედ. ყველგანაა განვითარებული მანუფაქტურა. წარსულში მნიშვნელოვანი იყო აბრეშუმისა და ბამბის წარმოება, თუმცა დღეს მთავარი აქცენტი გადატანილია მანქანა-დანადგარებისა და ქაღალდის წარმოებაზე. ეკონომიკაში დიდი წვლილი შეაქვთ მცირე და საშუალო ზომის კომპანიებს. ქალაქი ციურიხი ერთ-ერთი უმთავრესი საბანკო-სადაზღვევო ცენტრია.

კანტონის საბჭო 180 წევრისაგან შედგება, რომელთაც 4 წლიანი ვადით ირჩევენ. კანტონი 12 რაიონად და 171 მუნიციპალიტეტადაა დაყოფილი.

რესურსები ინტერნეტშირედაქტირება