ჩრდილოეთ შოტლანდიის მთიანეთი
ჩრდილოეთ შოტლანდიის მთიანეთი (ინგლ. Northern Highlands) — მთიანეთი დიდი ბრიტანეთის ჩრდილოეთ ნაწილში, შოტლანდიაში. ჩრდილოეთ შოტლანდიის მთიანეთი შუა შოტლანდიის დაბლობით გამოყოფილია სამხრეთ შოტლანდიის მაღლობისაგან. ფართობი დაახლოებით 40 ათ. კმ². სიმაღლე 1344 მ (მთა ბენ-ნევისი). აგებულია გრანიტებით, გნაისებით, კრისტალური ფიქლებით, კვარციტებით. ტექტონიკური ქვაბულებით დანაწევრებულია ცალკეულ ზეგნებად და ქედებად. მთის კალთები დანაწევრებულია ხეობებით, დასავლეთით — ფიორდებით. ბევრია მდინარე, ტბა და ჭაობი. შემოსილია მანანიანით, მდელოს ბალახეულით, არყისა და ფიჭვის ტყეებით, განვითარებულია მესაქონლეობა.
| ჩრდილოეთ შოტლანდიის მთიანეთი | |
|---|---|
 ჩრდილოეთ შოტლანდიის მთიანეთი, ბენ-ნევისი | |
| კოორდინატები: 57°07′12″ ჩ. გ. 4°42′36″ დ. გ. / 57.12000° ჩ. გ. 4.71000° დ. გ. | |
| ქვეყანა | .svg){kind=small} დიდი ბრიტანეთი
|
| ტერიტორიული ერთეული | შოტლანდია |
| უმაღლესი წერტილი | ბენ-ნევისი |
| სიმაღლე | 1344 მ |
| ფართობი | 40 ათ. კმ² |
  | |