გორაფის ტბა
ტბა საქართველოში, აფხაზეთის ავტონომიურ რესპუბლიკაში
(გადამისამართდა გვერდიდან ყვარაშის ტბა)
გირაფის ტბა, ყვარაშის ტბა — ტბა საქართველოში, გულრიფშის მუნიციპალიტეტში.[1] მდებარეობს აფხაზეთის ქედის ჩრდილო-აღმოსავლეთ კალთაზე, ზღვის დონიდან 2175 მ-ზე. გორაფის ტბის ქვაბული წარმოადგენს მყინვარულ ცირკს. წყლის სარკის ფართობია 0,08 კმ², აუზის ფართობი 2,8 კმ², საშუალო სიღრმე 7,7 მ, მაქსიმალური სიღრმე 15,6 მ. საზრდოობს თოვლის, წვიმისა და მიწისქვეშა წყლებით. გამდინარეა. გორაფის ტბიდან გაედინება მდინარე ჩხალთის მარჯვენა შენაკადი ყვარაში. ტბის წყალი მტკნარი, სუფთა და გამჭვირვალეა. ფერი მოლურჯო.[2] ზაფხულში ზედაპირზე წყლის ტემპერატურა 15–16 °C-ია. ფსკერთან ტემპერატურა დაახლოებით 4 °C უდრის. ნოემბრიდან მაისამდე ტბა ყინულის სქელი ფენითაა დაფარული. ტბაში გავრცელებულია კალმახი. ყვარაშის ტბა შეტანილია „საქართველოს წითელ წიგნში“.[3]
| გორაფის ტბა | |
|---|---|
| კოორდინატები: 43°10′35″ ჩ. გ. 41°30′40″ ა. გ. / 43.176500° ჩ. გ. 41.511250° ა. გ. | |
| მდებარეობა |  საქართველო
|
| ტერიტორიული ერთეული | გულრიფშის მუნიციპალიტეტი |
| სიმაღლე ზღვის დონიდან | 2175 მ |
| ფართობი | 0,08 კმ² |
| საშუალო სიღრმე | 7,7 მ |
| მაქსიმალური სიღრმე | 15,6 მ |
| გამჭვირვალობა | 9 მ |
| აუზის ფართობი | 2,8 კმ² |
  | |
 | |
სქოლიო
რედაქტირება- ↑ საქართველოს გეოგრაფიული სახელების ორთოგრაფიული ლექსიკონი, თბ., 2009. — გვ. 48.
- ↑ საქართველოს სსრ წითელი წიგნი, „საბჭოთა საქართველო“, გვ. 220, წ. 1982.
- ↑ აფხაზავა ი., ენციკლოპედია „საქართველო“, ტ. 2, თბ., 2012. — გვ. 99.