ფინვალი

ფინვალი (ლათ. Balaenoptera physalus) — ზღვის ძუძუმწოვარი უკბილო ვეშაპების ქვერიგისა. მისი სხეულის სიგრძეა 19—20 მ, მაქსიმალური სიგრძე 27,3 მ. აქვს მუქი ნაცრისფერი ზურგი, თეთრი მუცელი, თავის მარჯვენა მხარე მარცხენაზე უფრო ღია ფერისაა. ულვაშის ფირფიტები ნაცრისფერ ლურჯია. გვხვდება არქტიკიდან ანტარქტიკამდე. შემოდის მეჩხერ ყინულებში. მაკეობა საშუალოდ 11,5 თვეს გრძელდება. ნაშიერს აჩენს ზომიერ თბილ წყლებში. მისი სხეულის სიგრძეა 6—7 მ. ფინვალი იკვებება პლანქტონური კიბოსნაირებით, ქარავნული თევზებით, თავფეხიანი მოლუსკებით, რეწვის ობიექტია, იყენებენ მის ხორცს და ცხიმს. მისი რაოდენობა თანდათან მცირდება.

ფინვალი
ფინვალი
მეცნიერული კლასიფიკაცია
სამეფო:  ცხოველები ტიპი:  ქორდიანები კლასი:  ძუძუმწოვრები ქვერიგი:  უკბილო ვეშაპები
ლათინური სახელი
Balaenoptera physalus
დაცვის სტატუსი
მოწყვლადი IUCN 3.1 Vulnerable : 328573
გავრცელება
სისტემატიკა ვიკისახეობებში სურათები ვიკისაწყობში ITIS   180527 NCBI   9770 EOL   46559438 FW   64490

ლიტერატურა

• ქართული საბჭოთა ენციკლოპედია, ტ. 10, თბ., 1986. — გვ. 325.