ფიდან კასიმოვა

ფიდან ექრემ ყიზი კასიმოვა (აზერ. Fidan Əkrəm qızı Qasımova; დ. 17 ივნისი, 1947, ბაქო, აზერბაიჯანის სსრ) — აზერბაიჯანელი საოპერო მომღერალი ქალი (სოპრანო), სსრკ სახალხო არტისტი (1988).

ფიდან კასიმოვა
ბიოგრაფია
ნამდვილი სახელი	ფიდან ექრემ ყიზი კასიმოვა
დაბ. თარიღი	17 ივნისი, 1947 (1947-06-17) ბაქო, აზერბაიჯანის სსრ, სსრკ
დაბ. ადგილი	ბაქო
ჟანრ(ებ)ი	ოპერა რომანსი
საქმიანობა	საოპერო მომღერალი
ფიდან კასიმოვა ვიკისაწყობში

ბიოგრაფია

ფიდან ექრემ ყიზი კასიმოვა დაიბადა ბაქოში.

1966 წელს ბულბულის სახელობის სპეციალური მუსიკალური სკოლის დამთავრების შემდეგ ჩააბარა უზეირ ჰაჯიბეკოვის სახელობის ბაქოს კონსერვატორიაში, რომელიც დაამთავრა 1971 წელს ორი ფაკულტეტის განხრით — სიმებიანი (ვიოლინო, პროფესორ ს. განიევის კლასი) და ვოკალი (დოცენტ ი. ლვოვიჩის კლასი). 1974 წელს დაამთავრა მოსკოვის კონსერვატორიის ასპირანტურა.

დიპლომის დაცვის შემდეგ დაბრუნდა ბაქოში და გახდა მ. ახუნდოვის სახელობის აზერბაიჯანის ოპერისა და ბალეტის თეატრის სოლისტი.

მონაწილეობას იღებდა უამრავ საერთაშორისო სავოკალო კონკურსებში (ჟენევა, II პრემია, 1973 წელი; ვერჩელი, I პრემია, 1977 წელი; თბილისი, I პრემია, 1977 წელი; ტაშკენტი, III პრემია, 1977 წელი; ათენი, I პრემია და გრან-პრი, 1981 წელი; მოსკოვი, II პრემია, 1982 წელი).

1982 წლიდან ეწევა პედაგოგიურ საქმიანობას. 1993 წლიდან ხელმძღვანელობს კათედრას ბაქოს კონსერვატორიაში (პროფესორი 1990 წლიდან) 1992 წლიდან 1998 წლამდე ასწავლიდა სტამბოლის კონსერვატორიის კათედრაზე.

ატარებდა მასტერ-კლასებს მსოფლიოში (აშშ, გერმანია, დიდი ბრიტანეთი, შვედეთი, ნორვეგია, შვეიცარია, ავსტრია, მექსიკა, საფრანგეთი, დანია, კუბა, თურქეთი და სხვა).

ფიდანისა და მისი დის - ხურამან კასიმოვას ინიციატივით ბაქოში 1997 წლიდან ტარდება ახალგაზრდა საოპერო შემსრულებელთა კონკურსი.

რესურსები ინტერნეტში

• ფიდანი და ხურმან კასიმოვი დაარქივებული 2010-07-14 საიტზე Wayback Machine.