ფადლა I
ფადლა I (გ. 893) — კახეთის მთავარი (ქორეპისკოპოსი) 881-892 წლებში ეკუთვნოდა არევმანელთა საგვარეულოს[1]. ფიქრობენ, რომ კახეთის მთავრის გრიგოლის შთამომავალი იყო. „მატიანე ქართლისაჲს“ ცნობით, ფადლა I-ს პოლიტიკური ძალაუფლება ბრძოლით მოუპოვებია. გაუმარჯვებია დონაურებთან დინასტიურ ბრძოლაში. დონაურების მიერ სამთავრო ტახტის დაკარგვას გარდაბნელების განდგომა მოჰყოლია. ფადლა I-ს დაუმორჩილებია გარდაბნელები და თვით გარდაბანიც თავისი სამთავროსთვის შეუერთებია. „მატიანე ქართლისაჲს“ ავტორის დახასიათებით, ფადლა I ყოფილა „კაცი ბრძენი და საქმის მეცნიერი“.
| ფადლა I | |
|---|---|
| კახეთის ქორეპისკოპოსი | |
| მმართ. დასაწყისი: | 881 |
| მმართ. დასასრული: | 893 |
| წინამორბედი: | გაბრიელი |
| მემკვიდრე: | კვირიკე I |
| გარდ. თარიღი: | 893 |
| დინასტია: | არევმანელები |
წყარო რედაქტირება
- ვახუშტი, აღწერა სამეფოსა საქართველოსა, წგნ.:ქართლის ცხოვრება, ს. ყაუხჩიშვილის გამოც., ტ. 4, თბ., 1973;
- მატიანე ქართლისა, იქვე, ტ. 1, თბ., 1955
ლიტერატურა რედაქტირება
- პაპუაშვილი თ., ქართული საბჭოთა ენციკლოპედია, ტ. 10, თბ., 1986. — გვ. 207.
სქოლიო რედაქტირება
| წინამორბედი: გაბრიელი |
კახეთის ქორეპისკოპოსი 881 - 893 |
შემდეგი: კვირიკე I |