უცვეთელა
მცენარეთა გვარი
უცვეთელა (ლათ. Philadelphus) — მცენარეთა გვარი ჰიდრანგეასებრთა ოჯახისა. ფოთოლმცვივანი ბუჩქებია. მათი სიმაღლე 2—3 მ აღწევს. დატოტვილი ღეროები და ზემოთ აშვერილი ყლორტები აქვთ. ფოთლები მოპირისპირედაა გაწყობილი. თეთრი ან კრემისფერი ყვავილები შეკრებილია მტევნისებრ ყვავილებად. ნაყოფი მრავალთესლიანი კოლოფია.
| უცვეთელა | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| მეცნიერული კლასიფიკაცია | ||||||||||||||
| ||||||||||||||
| ლათინური სახელი | ||||||||||||||
| Philadelphus | ||||||||||||||
| ||||||||||||||
71 სახეობა გავრცელებულია ევროპაში, აღმოსავლეთ აზიასა და ჩრდილოეთ ამერიკაში. მრავალი სახეობა შეტანილია კულტურაში. კავკასიასა და საქართველოში ამ გვარის მხოლოდ 1 სახეობა იზრდება — კავკასიური უცვეთელა (Philadelphus caucasicus), რომელიც გვხვდება შუა სარტყლის ტყეებში, ტყისპირებსა და ბუჩქნარებს შორის. აქვს სურნელოვანი ყვავილები.
თაფლოვანი და დეკორატიული მცენარეა. მოშენებულია ბაღებსა და პარკებში. იყენებენ პარფიუმერიაში.
ლიტერატურა
რედაქტირება- ხინთიბიძე ლ., ქართული საბჭოთა ენციკლოპედია, ტ. 10, თბ., 1986. — გვ. 197.