სულხან პაპაშვილი
სულხან პაპაშვილი (დ. 14 თებერვალი, 1966, სოფ. ჭკადუაში, ახლანდ. ზუგდიდის მუნიციპალიტეტი) — ქართველი ბიზნესმენი, იურისტი, ყოფილი სახელმწიფო დაცვის გენერალ-ლეიტენანტი.
| სულხან პაპაშვილი | |
  | |
|---|---|
| თანამდებობაზე ყოფნის დრო | |
| 1998 – 2003 | |
| პრეზიდენტი | ედუარდ შევარდნაძე |
| წინამორბედი | ვახტანგ ქუთათელაძე |
| მემკვიდრე | გიორგი ალექსიძე |
| დაბადებული | 14 თებერვალი, 1966 ჭკადუაში, ზუგდიდის რაიონი, საქართველოს სსრ, სსრკ |
| მოქალაქეობა |  სსრკ → საქართველო |
| ეროვნება | ქართველი |
| განათლება | თბილისის სახელმწიფო უნივერსიტეტი |
| პროფესია | იურისტი |
1988 წელს დაამთავრა თბილისის სახელმწიფო უნივერსიტეტის იურიდიული ფაკულტეტი. 1988–1990 წლებში მუშაობდა თბილისის გარნიზონის სამხედრო პროკურატურაში; 1990–1993 წლებში ნაძალადევის რაიონის პროკურატურის გამომძიებელი; 1993–1995 წლებში პროკურორის თანაშემწე; 1995 წელს სახელმწიფოს მეთაურის აპარატის თავდაცვის, უშიშროებისა და სამართალდამცავი ორგანოების სამსახურის სახელმწიფო მრჩეველი; 1996–1997 წლებში ეროვნული უშიშროების საბჭოს სამართალდამცავ ორგანოებთან ურთიერთობის სამსახურის წამყვანი სახელმწიფო მრჩეველი, 1997–1998 წლებში უფროსი; 1998–2003 წლებში სახელმწიფო დაცვის სპეციალური სამსახურის უფროსი.
2003 წლიდან სულხან პაპაშვილმა კარიერა კერძო სექტორში, ბიზნესში განაგრძო (სს „ბანკი რესპუბლიკა“, შპს „რედიქსი“ და სხვ.). 2022 წელს უკრაინულ და ქართულ მედიაში გაჩნდა ინფორმაცია პაპაშვილის რუსულ ბიზნესთან კავშირისა და უკრაინის ხელისუფლების მიერ მისი შესაძლო დასანქცირების შესახებ, რაც პაპაშვილის ადვოკატებმა უარყვეს.[1] მისი ძმა ლაშა პაპაშვილი იყო სს „ბანკი რესპუბლიკის“ ყოფილი პრეზიდენტი და თანამფლობელი, შემდეგ — მრავალპროფილური კომპანია „რედიქსის“ ხელმძღვანელი და „საქართველოს ბიზნეს-ასოციაციის“ ვიცე-პრეზიდენტი.
ლიტერატურა
რედაქტირება- ვინ ვინაა საქართველოში : ქართული ბიოგრაფიული ცნობარი, თბ., 1998–1999. — გვ. 270.
რესურსები ინტერნეტში
რედაქტირებასქოლიო
რედაქტირება- ↑ იურიდიული ფირმა BLB - სულხან პაპაშვილს არა აქვს და არც წარსულში ჰქონია რაიმე კავშირი რუსულ ბიზნესთან, „ინტერპრესნიუსი“. 12 სექტემბერი 2022.