ავთანდილ დემეტრაშვილი
ავთანდილ დემეტრაშვილი (დ. 21 დეკემბერი, 1941, სოფ. პატარა თონეთი) — ქართველი იურისტი, კონსტიტუციონალისტი.
| ავთანდილ დემეტრაშვილი | |
  | |
|---|---|
| თანამდებობაზე ყოფნის დრო | |
| 24 ივლისი, 1996 – 24 ივლისი, 2001 | |
| პრეზიდენტი | ედუარდ შევარდნაძე |
| მემკვიდრე | ჯონი ხეცურიანი |
| დაბადებული | 21 დეკემბერი, 1941 სოფ. პატარა თონეთი, თეთრიწყაროს რაიონი, საქართველოს სსრ |
| მოქალაქეობა | საქართველო |
| ეროვნება | ქართველი |
| პროფესია | იურისტი, კონსტიტუციონალისტი |
ბიოგრაფია რედაქტირება
1967 წელს დაამთავრა პერმის სახელმწიფო უნივერსიტეტის იურიდიული ფაკულტეტი, ხოლო 1975 წელს — მოსკოვის სახელმწიფო უნივერსიტეტის ასპირანტურა. 1976 წლიდან არის იურიდიულ მეცნიერებათა კანდიდატი, დოცენტი. 1979-1984 წლებში მუშაობდა თბილისის მილიციის უმაღლეს სკოლაში. 1986-1990 წლებში კითხულობდა ლექციებს თბილისის სახელმწიფო უნივერსიტეტის იურიდიულ ფაკულტეტზე, ხოლო 1990-1995 წლებში იყო თანამედროვე სამართლებრივი სისტემების კათედრის გამგე. 1993-1995 წლებში იყო სახელმწიფო საკონსტიტუციო კომისიის მდივანი, ასევე სახელმწიფო მეთაურის აპარატის საკონსტიტუციო აქტების მომზადების სამსახურის ხელმძღვანელი, მთავარი სახელმწიფო მრჩეველი. 1995 წლის 29 დეკემბერს საქართველოს პრეზიდენტის მიერ დაინიშნა საქართველოს საკონსტიტუციო სასამართლოს წევრად, ხოლო 1996-2001 წლებში იყო საქართველოს საკონსტიტუციო სასამართლოს თავმჯდომარე. 2001-2004 წლებში საქართველოს პრეზიდენტის განკარგულებით დანიშნულ იქნა საქართველოს იუსტიციის უმაღლესი საბჭოს წევრად. მინიჭებული აქვს იუსტიციის სახელმწიფო მრჩეველის სპეციალური წოდება. 2009 წლის 8 ივნისის საქართველოს პრეზიდენტის განკარგულებით დაინიშნა სახელმწიფო საკონსიტიტუციო კომისიის თავმჯდომარედ.
რესურსები ინტერნეტში რედაქტირება
- ავთანდილ დემეტრაშვილი, საქართველოს იუსტიციის უმაღლესი საბჭო.
- ავთანდილ დემეტრაშვილი, საქართველოს საკონსტიტუციო სასამართლო.
- ავთანდილ დემეტრაშვილი[მკვდარი ბმული], საქართველოს სახელმწიფო საკონსტიტუციო კომისია