მთავარი მენიუს გახსნა

სინკენ ჰოპი (ნორვ. Zinken Hopp, ნამდვილი სახელი სიგნე მარი ბროკმანი, ნორვ. Signe Marie Brochmann, დ. 9 იანვარი 1905, ულენსვანგი — გ. 3 სექტემბერი 1987[2], ბერგენი) — ნორვეგიელი მწერალი, პოეტი, დრამატურგი, უფრო მეტად ცნობილი, როგორც საბავშვო ლიტერატურის ავტორი.

სინკენ ჰოპი
Zinken Hopp 1964.jpg
დაბ. თარიღი 9 იანვარი 1905(1905-01-09)[1]
დაბ. ადგილი ულენსვანგი
გარდ. თარიღი 3 სექტემბერი 1987(1987-09-03) (82 წლის)
გარდ. ადგილი ბერგენი, ნორვეგია
საქმიანობა დრამატურგი, მთარგმნელი, საბავშვო მწერალი, პოეტი და მწერალი
ენა ნორვეგიული ენა და ინგლისური ენა
მოქალაქეობა Flag of Norway.svg ნორვეგია
ჯილდოები სასკოლო ბიბლიოთეკარების ასოციაცია
მეუღლე Einar Meidell Hopp

ბიოგრაფიარედაქტირება

დაიბადა ულენსვანგში (ჰორდალანდი, ნორვეგია). იყო ჟურნალისტ დიდერიკ ჰეგერმან ბროხმანის (1879–1955) და მარგიტ ჰაგენის (1896–1962) შვილი, აგრეთვე ოდ ბროხმანის და, ბოდვარ ფრედრიკ იოჰანეს ბროხმანის (1852-1930) შვილიშვილი და გეორგ ბროხმანის ძმისწული. ზედმეტსახელი სინკენ ბავშვობიდან გაჰყვა.[3][4]

როგორც მწერლის, მისი დებიუტი 1930 წელს შედგა, ლექსების კრებულებით „გუვერნიორი ქალის ლექსები“ და „მთის ფერდობის ხედი“. ორივე მისი ნამდვილი სახელ-გვარით გამოიცა, თუმცა ფსევდონიმი სინკენ ჰოპი გამოიყენა უკვე შემდეგი წიგნების, „სამზარეულოს წიგნი“, „...რაოდენ უცნაური არ უნდა იყოს!“ და „ოთხ კედელს შორის“ შემთხვევაში. 1948 წელს გამოსცა სატირული რომანი „ჯილდო ქველმოქმედებისთვის“, რომელიც კრიტიკოსებმა დადებითად შეაფასეს[5]. ყველაზე დიდი წარმატება მოუტანა ორმა საბავშვო რომანმა, „ჯადოსნური ცარცი“ და „იუნი და სოფუსი“.

ამასთან, ჰოპი არის ნორვეგიული კულტურის რამდენიმე წარმომადგენლის შესახებ ბიოგრაფიული წიგნის ავტორი. მანვე ნორვეგიულად თარგმნა „ალისა საოცრებათა ქვეყანაში“, „ქარი ტირიფებში“, „პიტერ პენი“ და „ექიმი დულიტლი“[6].

2005 წელს, მწერლის დაბადებიდან 100 წლის აღსანიშნავად ნორვეგიაში გამოიცა დიდი კრებული მისი ნაწარმოებებით.

პირადი ცხოვრებარედაქტირება

მწერლის მეუღლე იყო აინარ მაიდელ ჰოპი.

სქოლიორედაქტირება

  1. http://urn.nb.no/URN:NBN:no-nb_digibok_2008060900023#5
  2. Hans Fredrik Dahl. Einar Meidell Hopp. Norsk biografisk leksikon. წაკითხვის თარიღი: September 1, 2016.
  3. Økland, Einar. „Zinken Hopp“. Helle, Knut (Norwegian). Norsk biografisk leksikon. Oslo: Kunnskapsforlaget. http://nbl.snl.no/Zinken_Hopp. წაკითხვის თარიღი: 14 April 2014.
  4. Johannes Brochmann. Fylkesleksikon for Sogn og Fjordane. წაკითხვის თარიღი: September 1, 2016.
  5. სინკენ ჰოპი დიდ ნორვეგიულ ენციკლოპედიაში
  6. answers.com