ბერგენი
ბერგენი (ნორვ. Bergen) — ფიულკე ჰორდალანის დედაქალაქი და ნორვეგიის სიდიდით მეორე ქალაქია. მდებარეობს ქვეყნის დასავლეთში, ჩრდილოეთის ზღვის სანაპიროზე, მიდტჰორლანის რეგიონში. იკავებს ბერგენის ნახევარკუნძულს და ზღვიდან დაცულია კუნძულებით: ასკეით, ჰოლსნეითა და სუტრით.
| ქალაქი | |||||
|---|---|---|---|---|---|
|
ბერგენი Bergen | |||||
 | |||||
| |||||
| ქვეყანა |
 ნორვეგია | ||||
| რეგიონი | დასავლეთ ნორვეგია | ||||
| ფიულკე | ჰორდალანდი | ||||
| კოორდინატები | 60°23′22″ ჩ. გ. 5°19′48″ ა. გ. / 60.38944° ჩ. გ. 5.33000° ა. გ. | ||||
| ქალაქის მერი | გუნარ ბაკე | ||||
| დაარსდა | 1070 | ||||
| ფართობი | 465 კმ² | ||||
| ცენტრის სიმაღლე | 5 მეტრი | ||||
| ოფიციალური ენა | ნორვეგიული ენა | ||||
| მოსახლეობა | 261,300 კაცი (2008) | ||||
| სიმჭიდროვე | 561.9 კაცი/კმ² | ||||
| სასაათო სარტყელი | UTC+1, ზაფხულში UTC+2 | ||||
| საფოსტო ინდექსი | 5003–5098 | ||||
| ოფიციალური საიტი | bergen.kommune.no | ||||
  | |||||
დაარსდა დაახლოებით 1070 წელს. შუა საუკუნეებში იყო ჩრდილო-დასავლეთ ევროპის ერთ-ერთი დიდი სავაჭრო ცენტრი. დაახლოებით 1350 წელს ჰანზის ვაჭრებმა ბერგენში დააარსეს თავიანთი ერთ-ერთი უმნიშვნელოვანესი ფაქტორია, ე. წ. „გერმანული ხიდი“ (Tyske bryggun) და XV საუკუნეში მთლიანად დაეუფლნენ ქალაქს. 1559 წელს ჰანზამ დაკარგა პრივილეგიები და 1630 წელს ბერგენი საბოლოოდ გადავიდა ნორვეგიელთა ხელში. 1755 წელს გაიყიდა ჰანზის უკანასკნელი ნაგებობები. 1940 წლის 9 აპრილიდან 1945 წლის 8 მაისამდე ბერგენი ოკუპირებული იყო ნაცისტური გერმანიის მიერ.[1]
1299 წლამდე ნორვეგიის დედაქალაქი, ხოლო 1830 წლამდე კი ქვეყნის უდიდესი ქალაქი იყო. დღესდღეობით ქალაქი უმსხვილესი საპორტო და ნავთობსამრეწველო ცენტრია. ქალაქში არის უნივერსიტეტი. ბერგენის შუასაუკუნეების დროინდელი სანაპირო ზოლი იუნესკოს მსოფლიო ფონდის მემკვიდრეობის ნაწილია. 2000 წელს ბერგენი ევროპის ერთ-ერთ კულტურულ დედაქალაქად დასახელდა.
არქიტექტურარედაქტირება
შემორჩენილია ციხესიმაგრის, სამეფო დარბაზ ,,ჰოკონსჰალენისა" (1246–1261) და როზენკრანცის კოშკის (1560-იანი წლები) ნანგრევები, მარიამის ეკლესია (XII ს.), XVII–XVIII საუკუნეების ბაროკოს სტილის საცხოვრებელი სახლები. 1855 წლის შემდეგ აქვს განაშენიანების რეგულარული გეგმა. ახალი გეგმით გაშენდა 1940–1945 წლებში დანგრეული რაიონები, შეიქმნა ახლები (სტრიმელენის რაიონი, 1959, არქიტ. ჰ. გრიგი). ბერგენში არის გამოყენებითი ხელოვნების და სამხატვრო მრეწველობის დასავლეთ ნორვეგიის მუზეუმი (დაარსდა 1887 წელს), სამხატვრო გალერეა, მუზეუმები. კომპოზიტორ ედვარდ გრიგის სახლ-მუზეუმი — ტროლჰაუგენხი.[1]
რესურსები ინტერნეტშირედაქტირება
სქოლიორედაქტირება
- ↑ 1.0 1.1 ქართული საბჭოთა ენციკლოპედია, ტ. 2, თბ., 1977. — გვ. 313.